Category: Futbòl

Posted on

Kòrsou eliminá for di eliminatorio pa Mundial 2018

EL SALVADOR — Un biaha mas ku skor di 1-0 e selekshon di Kòrsou ta kai vensí di El Salvador na Estadio Cuscatlan na El Salvador. E partido aki tabata e partido di buèlta den e di 3 buèlta di eliminatorio pa Rusia 2018.

Den un partido kasi idéntiko ku esun na Kòrsou, e selekshon di Kòrsou a kai atras den di 9 minüt ku gol di Jonathan Barrios. Un biaha mas ta resaltá ku Kòrsou a dominá e partido i tabata tin mas oportunidat di gol. Simplemente e selekshon di Kòrsou no a logra kapitalisá riba e oportunidat nan aki. El Salvador tabata mas efisiente i a logra saka gol riba e mínimo di oportunidat ku nan a haña.

Ku e derota aki Kòrsou ta keda eliminá for di eliminatorionan pa Mundial Rusia 2018.

Posted on

Kòrsou di buèlta awe kontra El Salvador

EL SALVADOR — Despues di a pèrdè e partido di ida ku skor di 1-0 kontra El Salvador awe e dos selekshonnan ta bolbe topa otro. Pa 9:35pm ora lokal di Kòrsou e selekshon di Kòrsou lo topa ku e selekshon Salvadoreño den Estadio Cuscatlán na El Salvador.

E hungadónan ku a biaha pa El Salvador ta lo siguiente;

  1. Shanon Carmelia
  2. Elson Hooi
  3. Luidjino Hojer
  4. Gino van Kessel
  5. Darryl Lachman
  6. Michaël Maria
  7. Rhu-Endly ‘Cuco’ Martina
  8. Quenten Martinus
  9. Shelton Martis
  10. Rihairo Meulens
  11. Dustley Mulder
  12. Gevaro Nepomuceno
  13. Jeremy de Nooijer
  14. Zeus de la Paz
  15. Eloy Room
  16. Rowendy Sumter
  17. Charlton Vicento
  18. Jason Wall
  19. Germaine ‘Kemy’ Agustien
  20. Felicitano Zschusschen
  21. Dino Jean-Pierre Cornet
  22. Gillian Justiana
  23. Kenneth Kunst

Mester bisa ku lamentablemente nos delantero Vidarell ‘Papito’ Merencia a leshoná durante e wega di djabièrnè último i no por partisipá mas den e wega di djamars. Na su lugá a bin reforsá nos selekshon Kenneth Kunst, hungadó di Centro Barber.

E staf ku lo kompañá e hungadónan ta lo siguiente:

  1. Remfis Donker (hefe di delegashon)
  2. Carlo Tosi (fysio)
  3. Mirano Carillho (entrenadó físiko)
  4. Clinton Leocadia (masahista)
  5. Robert Duncan (masahista)
  6. Bertus Holkema (team manager)
  7. Wallid Elhage (dòkter)
  8. Reynold Mercera (material)
  9. Sherwin Martina (material)
  10. Etienne Siliee (direktor tékniko)
  11. Etienne Stomp (entrenadó di portero)
  12. Afshin Ghotbi (asistente direktor tékniko)
  13. Patrick Kluivert (direktor tékniko)
Posted on

Kenneth Kunst ta remplasa Vidarell ‘Papito’ Merencia den selekshon

WILLEMSTAD — Federashon di Futbòl Kòrsou (FFK) i nos selekshon nashonal di futbòl bou di guia di Patrick Kluivert ta yama danki na pueblo di Kòrsou i prinsipalmente na tur e fanátikonan ku a yena Stadion Ergilio Hato pa e sosten ku nos a risibí pa e wega kontra El Salvador djabièrnè último. Un danki spesial tambe ta bai na tur medio di komunikashon pa nan kobertura durante hinter e temporada aki, danki na tur spònser, instansianan i un i tur ku a kolaborá pa e promé partido aki tuma lugá. Lamentablemente nos a pèrdè un bataya pero e guera si nos ta bai pa gana!

E delegashon di Kòrsou lo sali awe mèrdia, 6 di sèptèmber ku Insel Air pa Aruba, pa despues sigui pa Panama i despues pa El Salvador i nos selekshon ta keda den Hotel Intercontinental na El Salvador.

Djamars awor pa 7:35pm nos lo tin e segundo kompromiso aya na Salvador kontra e selekshon di El salvador den ‘Estadio Cuscatlán’ i pa djaweps awor nan lo bin Kòrsou bèk ku e triunfo pa nos sigui pa e siguiente buèlta.

E hungadónan ku lo biaha pa El Salvador awe mèrdia ta lo siguiente;

  1. Shanon Carmelia
  2. Elson Hooi
  3. Luidjino Hojer
  4. Gino van Kessel
  5. Darryl Lachman
  6. Michaël Maria
  7. Rhu-Endly ‘Cuco’ Martina
  8. Quenten Martinus
  9. Shelton Martis
  10. Rihairo Meulens
  11. Dustley Mulder
  12. Gevaro Nepomuceno
  13. Jeremy de Nooijer
  14. Zeus de la Paz
  15. Eloy Room
  16. Rowendy Sumter
  17. Charlton Vicento
  18. Jason Wall
  19. Germaine ‘Kemy’ Agustien
  20. Felicitano Zschusschen
  21. Dino Jean-Pierre Cornet
  22. Gillian Justiana
  23. Kenneth Kunst

Mester bisa ku lamentablemente nos delantero Vidarell ‘Papito’ Merencia a leshoná durante e wega di djabièrnè último i no por partisipá mas den e wega di djamars. Na su lugá a bin reforsá nos selekshon Kenneth Kunst, hungadó di Centro Barber.

E staf ku lo kompaña e hungadónan ta lo siguiente:

  1. Remfis Donker (hefe di delegashon)
  2. Carlo Tosi (fysio)
  3. Mirano Carillho (entrenadó físiko)
  4. Clinton Leocadia (masahista)
  5. Robert Duncan (masahista)
  6. Bertus Holkema (team manager)
  7. Wallid Elhage (dòkter)
  8. Reynold Mercera (material)
  9. Sherwin Martina (material)
  10. Etienne Siliee (direktor tékniko)
  11. Etienne Stomp (entrenadó di portero)
  12. Afshin Ghotbi (asistente direktor tékniko)
  13. Patrick Kluivert (direktor tékniko)
Posted on

Kòrsou ta pèrdè 1-0 di El Salvador

WILLEMSTAD — E selekshon nashonal di futbòl di Kòrsou a kai vensí kontra El Salvador djabièrnè ultimo den Stadion Ergilio Hato ku skor di 1-0. E partido aki tabata e partido di ida den e terser buèlta di e weganan pa eliminatorio pa mundial Rusia 2018.

Na di 12 minüt di e partido Alexander Larin ta probechá di un fayo di e defensa Kurasoleño i logra habri e markadó. Esaki tabata riba e promé chèns di peliger ku El Salvador a haña. Durante sobra di e partido El Salvador no a krea masha oportunidat mas.

Di otro banda e selekshon lokal a krea multiple okashon pero no a logra di anotá. E partido di buèlta lo tuma lugá djamars awor pa 7:35pm den Estadio Cuscatlán na El Salvador.

Posted on

Kòrsou kontra El Salvador awe den Stadion Ergilio Hato

WILLEMSTAD — Despues ku e hungadónan di nos selekshon residensia aya na Hulanda a yega Kòrsou, djaluna, djamars i djarason último, training a kuminsá i nos ta kla pa enfrentá El Salvador den e terser buèlta di e weganan pa eliminatorio pa mundial Rusia 2018. Manera ya ta konosí e promé partido lo tuma lugá aki na Kòrsou djabièrnè 4 di sèptèmber pa 7:05pm den Stadion Ergilio Hato (SDK) miéntras e segundo partido lo tuma lugá aya na El Salvador den ‘Estadio Cuscatlán’ djamars 8 sèptèmber próksimo pa 7:35pm.

Portanan lo habri for di 4or di atardi pa asina tur hende por tei trempan pa sostené nos selekshon nashonal!

Segun nos fuentenan e selekshon di Kòrsou lo habri e partido ku e sigiuente hungadonan (tene kuenta ku por tin kambio na ultimo ora): 

  1. Eloy Room
  2. Cuco Martina
  3. Darryl Lachmann
  4. Dustly Mulder
  5. Rihairo Meulens
  6. Jeremy de Nooijer
  7. Kemy Agustien
  8. Michaël Maria
  9. Gevaro Nepomuceno
  10. Quenten Martinus
  11. Gino van Kessel

E hungadonan di nos selekshon ta lo siguiente:

  1. Shanon Carmelia
  2. Elson Hooi
  3. Luidjino Hojer
  4. Gino van Kessel
  5. Darryl Lachman
  6. Michaël Maria
  7. Rhu-Endly ‘Cuco’ Martina
  8. Quenten Martinus
  9. Shelton Martis
  10. Vidarell ‘Papito’ Merencia
  11. Rihairo Meulens
  12. Dustley Mulder
  13. Gevaro Nepomuceno
  14. Jeremy de Nooijer
  15. Zeus de la Paz
  16. Eloy Room
  17. Rowendy Sumter
  18. Charlton Vicento
  19. Jason Wall
  20. Germaine ‘Kemy’ Agustien
  21. Felicitano Zschusschen
  22. Dino Jean-Pierre Cornet
  23. Gillian Justiana

E staf ku lo kompaña e hungadónan ta lo siguiente:

  1. Remfis Donker (hefe di delegashon)
  2. Carlo Tosi (fysio)
  3. Mirano Carillho (entrenadó físiko)
  4. Clinton Leocadia (masahista)
  5. Robert Duncan (masahista)
  6. Bertus Holkema (team manager)
  7. Wallid Elhage (dòkter)
  8. Reynold Mercera (material)
  9. Sherwin Martina (material)
  10. Etienne Siliee (direktor tékniko)
  11. Etienne Stomp (entrenadó di portero)
  12. Afshin Ghotbi (asistente direktor tékniko)
  13. Patrick Kluivert (direktor tékniko)

Karchinan ya ta na benta i e preisnan pa karchi pa e diferente sekshonnan ta lo siguiente:

  • VIP ta kosta Nafl. 500,- (inkluí konsumo); (maksimal 500 persona)
  • Bou di tribuna kubri ta Naf.100,- (maksimal 1000 persona)
  • Bou di tribuna kubri parti Festival Center ta Nafl.75,- (maksimal 1000 persona)
  • Tribuna no kubri ta keda Nafl.30,- Den e sekshon aki mucha te ku 12 aña i 60+ ta paga Naf.20.- (maksimal 8000 persona)

Karchinan ta optenibel na FFK bou di ora di ofisina, na Pòmp di gasolin Sta Maria, Botika Mampuritu, 4th of July na Barber, Mensing’s Caminada, na tur filial di C-Post N.V. i na Biep Tiew & More na Berg Altena.

Ainda bo no a kumpra bo suèter ku bo shal? Awèl hasi lihé paso e ora 0 ta yegando i nan ta kabando! E suèter ta na balor di Fl.35 i e shal a balor fl.25 i ta optenibel na FFK, bou di ora di ofisina, na Strak Strak Barbershop, Memories, C-Post NV i Fiesta Paradise.

Un yamada ta bai na pueblo di Kòrsou kompletu espesialmente tur fanátiko pa yega stadion trempan pa bin sostené i apoyá nos selekshon nashonal komo e number 12!

Nos selekshon i nos hungadónan ta konta kubo sosten masal den SDK djabièrnè 4 di sèptèmber pa 7:05pm!

Posted on

Centro Dominguito bek ariba den buèlta di 6

WILLEMSTAD — Den wikènt tras di lomba Liga MCB Promé Divishon su buèlta di seis a kontinuá ku tres partido den Stadion Antoine Maduro. Riba djabièrnè e ekipo di Centro Dominguito a enfrentá Centro Barber. Akinan tabata Dominguito ku a logra sali di e porta grandi derotando Barber ku skor di 1-0. Pa Centro Dominguito e úniko gol a keda anotá pa Norvianel Naar.

Djasabra e buèlta di 6 a kontinuá ku e partido entre UNDEBA i Hubentud Fortuna. Akinan tabata e ekipo di UNDEBA ku a logra e viktoria, derotando Hubentut Fortuna ku skor di 3-1. Pa UNDEBA e golnan a keda anotá pa Jimbertson Vaopr(2x) i Shurvey Delando. E úniko di Hubentut Fortuna a keda anotá pa Ishuar Martina.

Riba djadumingu tabata Victory Boys ku a topa ku Jong Holland. Akinan tabata Victory Boys ku a bai ku e tres puntonan ganando di Jong Holland ku skor di 2-1. Pa Victory Boys e golnan a keda anotá pa Jamain de Kaster(2x). E úniko di Jong Holland a keda anotá pa Samuel Matheus.

Tabla di posishon:

Ekipo H G E P GF GK GD Pt.
1 Centro Dominguito 4 2 2 0 4 1 3 8
2 Centro Barber 4 2 1 1 8 4 4 7
3 UNDEBA 4 2 0 2 7 7 0 6
4 Hubentut Fortuna 4 1 2 1 5 4 1 5
5 Victory Boys 4 1 2 1 5 7 -2 5
6 Jong Holland 4 0 1 3 3 9 -6 1
Posted on

Cornet, Zschusschen i Justiana a keda añadí na e selekshon di Kòrsou pa partido kontra El Salvador

WILLEMSTAD — Preparashonnan ta kontinuá i tur kos ta práktikamente kla pa e 2 partidonan den e terser buèlta di e weganan pa eliminatorio pa mundial Rusia 2018. E promé partido lo tuma lugá aki na Kòrsou djabièrnè 4 di sèptèmber pa 7:05pm den Stadion Ergilio Hato (SDK) miéntras e segundo partido lo tuma lugá aya na El Salvador den ‘Estadio Cuscatlán’ djamars 8 sèptèmber próksimo 7:35pm.

Ta asina ku a hasi algun kambio na e hungadónan di nos selekshon pa motibu ku algun hungadó lamentablemente lo no por a partisipá mas ku nos selekshon. A bin un total di 3 hungadó nobo pa supstituí esnan ku no por a partisipá mas.

E hungadónan di nos selekshon ta lo siguiente:

  1. Shanon Carmelia
  1. Elson Hooi
  1. Luidjino Hojer
  1. Gino van Kessel
  1. Darryl Lachman
  1. Michaël Maria
  1. Rhu-Endly ‘Cuco’ Martina
  1. Quenten Martinus
  1. Shelton Martis
  1. Vidarell ‘Papito’ Merencia
  1. Rihairo Meulens
  1. Dustley Mulder
  1. Gevaro Nepomuceno
  1. Jeremy de Nooijer
  1. Zeus de la Paz
  1. Eloy Room
  1. Rowendy Sumter
  1. Charlton Vicento
  1. Jason Wall
  1. Germaine ‘Kemy’ Agustien
  1. Felitciano Zschusschen
  1. Dino Jean-Pierre Cornet
  1. Gillian Justiana

E staf ku lo kompañá e hungadónan ta lo siguiente:

  1. Remfis Donker (hefe di delegashon)
  1. Carlo Tosi (fysio)
  1. Mirano Carillho (entrenadó físiko)
  1. Clinton Leocadia (masahista)
  1. Robert Duncan (masahista)
  1. Bertus Holkema (team manager)
  1. Wallid Elhage (dòkter)
  1. Reynold Mercera (material)
  1. Sherwin Martina (material)
  1. Etienne Siliee (direktor tékniko)
  1. Etienne Stomp (entrenadó di portero)
  1. Afshin Ghotbi (asistente direktor tékniko)
  1. Patrick Kluivert (direktor tékniko)

Karchinan ya ta na benta i e preisnan pa karchi pa e diferente sekshonnan ta lo siguiente: 

  • VIP ta kosta Nafl. 500,- (inkluí konsumo); (maksimal 500 persona)
  • Bou di tribuna kubri ta Naf.100,- (maksimal 1000 persona)
  • Bou di tribuna kubri parti Festival Center ta Nafl.75,- (maksimal 1000 persona)
  • Tribuna no kubri ta Nafl.30,- te ku 31 di ougùstùs, promé di sèptèmber e karchinan lo bira Nafl.35,-. Den e sekshon aki mucha te ku 12 aña i 60+ ta paga Naf.20.- (maksimal 8000 persona)

Karchinan ta optenibel na FFK bou di ora di ofisina, na Pòmp di gasolin Sta Maria, Botika Mampuritu, 4th of July na Barber, Mensing’s Caminada, na tur filial di C-Post N.V. i na Biep Tiew & More na Berg Altena.

Ainda bo no a kumpra bo suèter ku bo shal? Awèl hasi lihé paso e ora 0 ta yegando i nan ta kabando! E suèter ta na balor di Fl.35 i e shal a balor fl.25 i ta optenibel na FFK, bou di ora di ofisina, na Strak Strak Barbershop, Memories, C-Post NV i Fiesta Paradise.

Un yamada ta bai na pueblo di Kòrsou kompletu espesialmente tur fanátiko pa kumpra bo karchi trempan pa bin sostené i apoyá nos selekshon nashonal komo e number 12!

Nos selekshon i nos hungadónan ta konta kubo sosten masal den SDK djabièrnè 4 di sèptèmber pa 7:05pm!

Posted on

Liga MCB Promé i Segunda Divishon su buèlta di 6 ta kontinuá

WILLEMSTAD — Liga MCB Promé Divishon buèlta di 6 ta kontinuá e wikènt aki den SUBT ku algun partido hopi hot! Tur ekipo ta hasiendo nan bèst pa por drenta den e buèlta di 4! Kosnan ta pinta di bai bira sumamente interesante e wikènt aki tambe.

Liga MCB Segundo Divishon tampoko no ta keda atras ku e partidonan di buèlta di 6 ku ta kontinuá durante siman riba tereno di FFK. E siman ku ta bin aki lo ta e último siman di Liga MCB Segundo Divishon buèlta di 6 pues tur ekipo ta bin pa bai ku 3 punto pa asina klasifiká pa e buèlta di 4!

Liga MCB Promé di divishon su preis pa e buèlta di 6 ta fl. 7.50 pa adulto miéntras mucha i 60+ ta paga solamente fl.2.50. Liga MCB Segundo Divishon ta kosta fl.2,- pa tur hende.

Terser Divishon tambe ta kontinuá ku su último wega pa e temporada aki i lo mira akshon manera tur siman riba djadumingu na tereno di FFK. E wega aki ta kompletamente grátis!

Liga Lito tambe ta kontinuá ku su weganan pa esnan di mas chikí den e famia di futbòl. Djadumingu aki, 30 di ougùstùs Liga Lito ta sigui, 10or di mainta na tereno di FFK. E weganan aki tambe ta kompletamente grátis.

Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl.

Wega nan pa wikènt binidero, Liga MCB Promé Divishon buèlta di 6:

Djabierne 28 oug.15       20.00 C.Dominguito CSD Barber SUBT
Djasabra 29 oug.15       20.00 Undeba Hub. Fortuna SUBT
Djadumingu 30 oug.15       18.00 Victory Boys J.Holland SUBT

Wega nan pa próksimo siman, Liga MCB Segundo Divishon buèlta di 6 : 

Djaluna 31 oug. 15 13    19.30 C.H. Mahuma Marquita
Djarason 2 sept. 15 14    19.30 Inter Willemstad Indekor
Djaweps 3 sept. 15 15    19.30 U.D. Tera Kora SV Vesta

Tur e partidonan aki ta tuma lugá na FFK 

Wega pa djadumingu, Liga MCB Terser Divishon: 

Djadumingu 30 oug. 15     17.00 Atomic vs Buena Vista

E partido aki ta tuma lugá na FFK 

Posted on

Roly Bonevacia i Guyon Fernandez lo no ta ku selekshon di Kòrsou den próksimo kompromiso

WILLEMSTAD — Apesar di a keda menshoná riba e lista inisial di hungadónan ku a keda konvoká pa e selekshon di Kòrsou kontra El Salvador, Roly Bonevacia i Guyon Fernandez lo no ta ku e selekshon. E selekshon di Kòrsou ta enfrentá El Salvador den e di tres buèlta di e eliminatorio pa Mundial Rusia 2018.

Roly Bonevacia no ta muchu interesá den hasi e biahe for di Wellington, Zelandia Nobo pa Kòrsou. Segun un investigashon hasi lo tuma e medio-kampista di Wellington Phoenix por lo ménos 35 ora pa por yega Kòrsou for di Zelandia Nobo.

Di otro banda, Guyon Fernandez no por bandoná Australia. E delantero di 29 aña a kaba di sera un kontrakt ku e ekipo di Perth Glory na Australia i ta den trámite di Visa. Esaki ta pone ku Fernandez no por bandoná e pais te ora su Visa keda kla.

Miéntras tantu Gillian Justiana a keda konvoká di nobo pa e selekshon di Kòrsou. Tambe tin informashonnan ku Federashon Futbòl Kòrsou ta tras di un hungadó ku ta hunga na Bèlgika. Nòmber di e futbolista aki no a keda menshoná ainda, aunke nos a tende algun nòmber pero ta wanta esaki te ora nos tin konfirmashon.

Posted on

Kuerpo di arbitrahe pa partido kontra El Salvador

WILLEMSTAD — Manera ya ta konosí nos selekshon nashonal lo tin ku enfrentá El Salvador den e terser buèlta di e weganan pa eliminatorio pa mundial Rusia 2018. E promé partido lo tuma lugá aki na Kòrsou djabièrnè 4 di sèptèmber pa 7:05pm den Stadion Ergilio Hato (SDK) miéntras e segundo partido lo tuma lugá aya na El Salvador den ‘Estadio Cuscatlán’ djamars 8 sèptèmber próksimo 7:35pm.

Preparashonnan ta tumando lugá pa e weganan di e terser buèlta di e weganan di eliminatorio i e kuerpo di arbitrahe ku lo dirigí e 2 partidonan aki ya ta konosí. E kuerpo di arbitrahe ku lo dirigí e promé partido dia 4 di sèptèmber binidero entre nos selekshon nashonal i El Salvador ta lo siguiente: e rèfri prinsipal ta Sr. Valdin Legister (Jamaica), e 2 asistentenan di liña lo ta Sr. Ricardo Antonio Morgan (Jamaica) i Sr. Garnet Page (Jamaica). E 4to ofisial lo ta Sr. Kevin Morrison (Jamaica), e asesor di rèfrinan lo ta Sr. Clemory Francois (St.Vincent & the Grenadines) i e komisionado di e wega aki lo ta Sr. Hector de Jesus Cardenas (Mexico).

E kuerpo di arbitrahe ku lo dirigí e segundo partido dia 8 di sèptèmber binidero aya na San Salvador ta lo siguiente: e rèfri prinsipal ta Sr. Ricardo Montero Araya (Costa Rica), e 2 asistentenan di liña lo ta Sr. Warner Castro (Costa Rica) i Sr. Osvaldo Luna (Costa Rica). E 4to ofisial lo ta Sr. Hugo Cruz (Costa Rica), e asesor di rèfrinan lo ta Sr. Carlos Pastrana (Honduras) i e komisionado di e wega aki lo ta Sr. Ariel Alvarado (Panama).

Nos selekshon, manera nos a avisá anteriormente ta yega Kòrsou djaluna, 31 di ougùstùs pa kuminsá ku e entrenamentu nan pa e gran partido aki. Nos selekshon, manera tabata e kaso durante e 2 promé buèlta nan lo hospedá na Blue Bay Resort. E selekshon di Salvador a adelantá nan buelo i tambe lo yega Kòrsou djaluna 31 di ougùstùs i no djarason manera tabata plania. E selekshon di Salvador lo hospedá na Hotel Holiday Inn.

Karchinan ya ta na benta i e preisnan pa karchi pa e diferente sekshonnan ta lo siguiente:

  • VIP ta kosta Nafl. 500,- (inkluí konsumo); (maksimal 500 persona)
  • Bou di tribuna kubri ta Naf.100,- (maksimal 1000 persona)
  • Bou di tribuna kubri parti Festival Center ta Nafl.75,- (maksimal 1000 persona)
  • Tribuna no kubri ta Nafl.30,- te ku 31 di ougùstùs, promé di sèptèmber e karchinan lo bira Nafl.35,-. Den e sekshon aki mucha te ku 12 aña i 60+ ta paga Naf.20.- (maksimal 8000 persona)

Karchinan ta optenibel na FFK bou di ora di ofisina, na Pòmp di gasolin Sta Maria, Botika Mampuritu, 4th of July na Barber, Beep Beep Rio Canario, Mensing’s Caminada, na tur filial di C-Post N.V. i na Biep Tiew & More na Berg Altena.

Benta di suèter i shal ta kontinuá na FFK na balor di 35 i 25 florin. Un súplika ta bai na abo, komo e number 12 ku no tin bo suèter òf shal ainda pa kumpra esaki paso e ora 0 ta yegando!

Nos ta pidi tur fanátiko, e number 12, pa kumpra bo karchi trempan pa bin sostené i apoyá nos selekshon nashonal komo e number 12!

Nos selekshon i nos hungadónan ta konta kubo sosten masal den SDK djabièrnè 4 di sèptèmber pa 7:05pm!

Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media