Category: Futbòl

Posted on

Liga MCB Promé Divishon buèlta di seis a kontinuá den wikènt tras lomba

WILLEMSTAD — Den wikènt tras di lomba Liga MCB Promé Divishon su buèlta di seis a kontinuá ku tres partido den Stadion Ergilio Hato. Riba djabièrnè den e promé partido e ekipo di Hubentut Fortuna a enfrentá Jong Holland. Akinan tabata Hubentut Fortuna ku a sali di e porta grandi, derotando Jong Holland ku skor di 3-0. Pa Jong Holland e golnan a keda anotá pa Luis Fruto Miranda (2x) i Tyronne Maria.

Djasabra e buèlta di 6 a kontinuá ku e partido entre Centro Dominguito i Victory Boys. Akinan e ekiponan a hasi bon ku otro i a empatá na 1 gol. Pa Centro Dominguito e gol a keda anotá pa Norvianel Naar. Miéntras ku pa Victory Boys e gol a keda anotá pa Raylison Lindo.

Riba djadumingu tabata Centro Barber ku a topa ku UNDEBA. Akinan tabata Centro Barber ku a logra e tres puntonan ganando di UNDEBA ku skor di 3-1. Pa Barber e golnan a keda anotá pa Kennth Kunst (2x) i Jurensley Martina. E úniko di UNDEBA a keda anotá pa Edgard Casiani.

Tabla di posishon despues di tres partido:

Ekipo H G E P GF GK GD Pt.
1 Centro Barber 3 2 1 0 8 3 5 7
2 Hubentut Fortuna 3 1 2 0 4 1 3 5
3 Centro Dominguito 3 1 2 0 3 1 2 5
4 UNDEBA 3 1 0 2 4 6 -2 3
5 Victory Boys 3 0 2 1 3 6 -3 2
6 Jong Holland 3 0 1 2 2 7 -5 1
Posted on

Leandro Bacuna ku kontrakt largu ku Aston Villa

INGLATERA — E ekipo di Aston Villa a anunsiá ku Leandro Bacuna a firma un kontrakt nobo di sinku aña ku e ekipo. Ayera durante dia Bacuna ku awe a kumpli 24 aña di edat a firma e kontrakt.

Bacuna ku por hunga tantu defensa komo mediokampo tabata for fi yüni 2013 ku e ekipo. Segun e ekipo di Aston Villa, for di su yegada Leandro a kuminsá impreshoná i a traha un nòmber pa su mes komo e eksperto di tiru liber.

“Mi ta sumamente kontentu di a firma un kontrakt nobo i ekstendé mi tempu ku Aston Villa,” Leadnro a bisa. “Mi ta gusta aki i mi ta sumamente emoshoná riba mi futuro ku e ekipo. Mi ta sinti ku mi por desaroyá akinan i mustra mi balor na e ekipo, e futuro ta mustra briante pa nos tur,” Leandro a finalisá bisando.

Posted on

Skema Liga MCB buèlta di 6 wikènt benidero

WILLEMSTAD — Liga MCB su buèlta di 6 ta kontinuá e wikènt aki ku tres partido di Stadion Ergilio Hato. Liga MCB Promé di divishon su preis pa e buèlta di 6 ta bira fl. 7.50 pa adulto miéntras mucha i 60+ ta paga solamente fl.2.50. Liga MCB Segundo Divishon ta kosta fl.2,- pa tur hende.

Wega nan pa wikènt benidero, Liga MCB Promé Divishon buèlta di 6:

Djabièrnè 21 oug. 15 20.00 Hub. Fortuna v J.Holland SDK
Djasabra 22 oug. 15 20.00 C.Dominguito v Victory Boys SDK
Djadumingu 23 oug. 15 18.00 CSD Barber v Undeba SDK
Posted on

Resultado di dos siman di Liga MCB Promé Divishon buèlta di seis

WILLEMSTAD — Den wikènt tras di lomba Liga MCB Promé Divishon su buèlta di seis a kontinuá ku tres partido den Stadion Antoine Maduro. Riba djabièrnè den e promé partido e ekipo di UNDEBA a enfrentá Centro Dominguito. Akinan tabata Centro Dominguito ku a sali di e porta grandi, derotando UNDEBA ku skor di 2-0. E golnan di Centro Dominguito a keda anotá pa, Shayron Bernardus i Henry Every.

Djasabra e buèlta di 6 a kontinuá ku e partido entre Hubentut Fortuna i Victory Boys. Ambos ekipo a hasi bon ku otro den e partido aki i a empatá na 1 gol pa banda. Pa Victory Boys a gol a keda anotá pa Damian de Kaster, miéntras ku e gol di Hubentut Fortuna a keda anotá pa Dario Causil Arias.

Riba djadumingu tabata Jong Holland ku a topa ku Centro Barber. E partido aki tambe a finalisá na un empatá na 1 gol. Pa Centro Barber e gol a keda anotá pa Mirco Colina Jr., miéntras ku pa Jong Holland e gol a keda anotá pa Julian Sanchez Perez.

Posted on

Kòrsou ta gana CFU Under 15 Championship

ST. MAARTEN — E selekshon U-15 di Kòrsou a sali kampion di e promé CFU Under 15 Championship na St. Maarten derotando Repúblika Dominikana ku skor di 4-2.

Dilanti di un yeno kompletu e selekshon di Kòrsou a bai ariba den di 8 minüt di e partido ku gol di Luchently Vrutaal. Repúblika Dominikana ta bini bek i empatá e partido den e promé partinan di e di dos mitar ku gol di Freddy Feliz. Djis un ratu despues Feliz ta anotá su di dos gol i manda Repúblika Dominikana ariba ku skor di 2-1

Kòrsou no a entrega i na di 59 minüt di partido e máksimo goliadó di e torneo, Nathan Bernadina ta igualá e markadó na dos gol. Na di 64 minüt Bernadina ta anotá su di dos gol di partido i manda Kòrsou ariba 3-2.

Den di 70 minüt di e partido Luchently Vrutaal e sigurá e viktoria Kurasoleño ku su di dos gol di e partido, mandando Kòrsou ariba 4-2.

Golnan di Kòrsou: Luchently Vrutaal (8,70), Nathan Bernadina (59,64)

Golnan Repúblika Dominikana: Freddy Feliz (36,39)

Posted on

Skema Liga MCB buèlta di 6 wikènt i siman binidero

WILLEMSTAD — Despues ku wikènt pasa Liga MCB Promé Divishon buèlta di 6 a ranka sali ku algun partido sumamente interesante, e wikènt aki den stadion di SUBT kos lo bai ta mas kayente!

Liga MCB Segundo Divishon tampoko no ta keda atras ku e partidonan di buèlta di 6 ku ta kontinuá durante siman riba tereno di FFK.

Liga MCB Promé di divishon su preis pa e buèlta di 6 ta bira fl. 7.50 pa adulto miéntras mucha i 60+ ta paga solamente fl.2.50. Liga MCB Segundo Divishon ta kosta fl.2,- pa tur hende.

Terser Divishon tambe ta kontinuá ku su terser buèlta i lo mira akshon manera tur siman riba djadumingu na tereno di FFK. E wega aki ta kompletamente grátis!

Despues di un fakansi bon meresí, Liga Lito tambe ta kontinuá ku su weganan pa esnan di mas chikí den e famia di futbòl. Djadumingu aki, 16 di ougùstùs Liga Lito ta bai start atrobe, 10or di mainta na tereno di FFK. E weganan aki tambe ta kompletamente grátis.

Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl.

Wega nan pa wikènt binidero, Liga MCB Promé Divishon buèlta di 6: 

Djabièrnè 14 oug. 15       20.00 Undeba C.Dominguito SUBT  
Djasabra 15 oug. 15       20.00 Hub. Fortuna Victory Boys SUBT  
Djadumingu 16 oug. 15       18.00 J.Holland CSD Barber SUBT  

Wega nan pa próksimo siman, Liga MCB Segundo Divishon buèlta di 6 : 

Djaluna 17 oug. 15    19.30 Indekor U.D. Tera Kora
Djarason 19 oug. 15    19.30 SV Vesta Marquita
Djaweps 20 oug. 15    19.30 Inter Willemstad C.H. Mahuma

Tur e partidonan aki ta tuma lugá na FFK 

Wega pa djadumingu, Liga MCB Terser Divishon: 

Djadumingu 16 oug. 15     17.00 Atomic Haitian Union Klup

E partido aki ta tuma lugá na FFK 

Posted on

Kòrsou den semifinal di CFU U-15 Boy’s championship

ST-MAARTEN — Kòrsou ta avansá pa semifinal di e CFU U-15 Boy’s championship despues di a derota Anguilla den kuart final ku skor di 7-0. E selekshon di Kòrsou a habri e markadó den di promé minüt ku gol di Luchenthly Vrutaal. Vrutaal a skor un total di sinku gol den e partido, anotando na di 8, 11, 37 i di 70 minüt di e partido. Nathan Bernadina a anotá na di 62 minüt miéntras ku Angerick Dorothea a anotá na di 67 minüt. Ku e triunfo Kòrsou ta avansá pa semifinal mañan kontra St. Lucia.

Posted on

Buèlta di 6 a kuminsá den wikènt tras di lomba

WILLEMSTAD — Den wikènt tras di lomba Liga MCB Promé Divishon su buèlta di seis a ranka sali. E buèlta di 6 a kuminsá ku 3 partido den Stadion Ergilio Hato. Riba djabièrnè den e promé partido Centro Dominguito a enfrentá e ekipo di Hubentud Fortuna. E partido aki a finalisá den un empate na 0 gol.

Djasabra tabata tin e di dos partido ora ku Jong Holland a enfrentá UNDEBA. Akinan tabata UNDEBA ku a sali di e porta grandi despues di derota Jong Holland ku skor di 3-1. PA UNDEBA e golnan e kada anotá pa, Jean Gaspard Baptiste, Jimbertson Vapor i Shurvey deLando. E úniko di Jong Holland a keda anotá pa Rudrick Pop.

Riba djadumingu tabata Centro Barber ku a top a ku Victory Boys. Akinan e ekipo di Centro Barber a logra e viktoria derotando Victory Boys 4-1. Pa Centro Barber e golnan a keda anotá pa Kenneth Kunst, Mirco Colina Jr. i Jurensley Martina(2x). Pa Victory Boys e gol a keda anotá pa Raylison Lindo.

Posted on

Selekshon di Kòrsou pa partido kontra El Salvador den eliminatorio Mundial Rusia 2018

WILEMSTAD — Manera ya ta konosí e selekshon nashonal di Kòrsou lo tin ku enfrentá El Salvador den e terser buèlta di e weganan pa eliminatorio pa mundial Rusia 2018. E promé partido lo tuma lugá aki na Kòrsou djabièrnè 4 di sèptèmber den Stadion Ergilio Hato (SDK) miéntras e segundo partido lo tuma lugá aya na El Salvador den ‘Estadio Cuscatlán’ djamars 8 sèptèmber próksimo.

E lista definitivo di e hungadónan ku lo bai representá nos den e terser buèlta di e weganan di eliminatorio pa mundial Rusia 2018, ta konosí.

Nan ta e siguiente hungadónan:

  1. Roly Bonevacia
  1. Shanon Carmelia
  1. Elson Hooi
  1. Luidjino Hoyer
  1. Gino van Kessel
  1. Darryl Lachman
  1. Gianlucca Maria
  1. Michaël Maria
  1. Rhu-Endly Martina
  1. Quentin Martinus
  1. Shelton Martis
  1. Vidarell Merencia
  1. Rihairo Meulens
  1. Dustly Mulder
  1. Gevaro Nepomuceno
  1. Jeremy de Nooijer
  1. Zeus de la Paz
  1. Eloy Room
  1. Rowendy Sumter
  1. Charlton Vicento
  1. Jason Wall
  1. Kemy Agustien
  1. Guyon Fernandez

Karchinan ya ta na benta i e preisnan pa karchi pa e diferente sekshonnan ta lo siguiente:

  • VIP ta kosta Nafl. 500,- (inkluí konsumo); (maksimal 500 persona)
  • Bou di tribuna kubri ta Naf.100,- (maksimal 1000 persona)
  • Bou di tribuna kubri parti Festival Center ta Nafl.75,- (maksimal 1000 persona)
  • Tribuna no kubri ta Nafl.30,- te ku 31 di ougùstùs, promé di sèptèmber e karchinan lo bira Nafl.35,-. Den e sekshon aki mucha te ku 12 aña i 60+ ta paga Naf.20.- (maksimal 8000 persona)

Karchinan ta optenibel na FFK bou di ora di ofisina, na Pòmp di gasolin Sta Maria, Botika Mampuritu, 4th of July na Barber, Mensing’s Caminada, na tur filial di C-Post N.V. i na Biep Tiew & More na Berg Altena.

Benta di suèter i shal ta kontinuá na FFK na balor di 35 i 25 florin. Un súplika ta bai na abo, komo e number 12 ku no tin bo suèter òf shal ainda pa kumpra esaki paso e ora 0 ta yegando.

Posted on

Selekshon nashonal U-15 di Kòrsou ta klasifiká pa e kuart final den CFU U-15 Boy’s championship

ST. MAARTEN — E selekshon nashonal di Kòrsou kategoria U-15 a klasifiká pa e weganan di kuart final den e CFU U-15 Boy’s championship ku ta tumando lugá na St. Maarten.

Den e promé enkuentro e selekshon di Kòrsou a sali viktorioso kontra di Antigua & Barbuda ku e skor di 4-1. E golnan a keda anotá pa Nathan Bernadina (2x) i Algerick Dorothea (2x).

Despues, Kòrsou a sa di golia St. Vincent & Grenadines ku e skor di 7-0 den e di 2 enkuentro. E 7 golnan a keda anotá pa Nathan Bernadina (2x), Shurendric Fransinet (3x), Angerick Dorothea i Luchently Vrutaal.

Ayera nos selekshon a gana e ekipo anfitrion, St. Maarten, ku e skor di 4-0 i asina klasifiká pa e wega di kuart final ku un total di 9 punto. E golnan di e partido aki a keda anotá pa Shurendric Fransinet, Nathan Barnadina (2x) i Sharrion Pietersz.

E resultado di e 3 partidonan ei a pone ku nos a klasifiká pa e wega di kuart final, invíkto i number 1 den nos pul.

E wega pa kuart final lo ta kontra di Anguilla i tuma lugá awe, 12 di ougùstùs pa 7or di anochi.

Tabla di posishon: 

WH WG WE WP GF GK Saldo Punto
1 Curacao 3 3 0 0 15 1 14 9
2 Antigua & Barbuda 3 2 0 1 11 4 7 6
3 St. Vincent & Grenadines 3 1 0 2 2 9 -7 3
4 St. Maarten 3 0 0 3 0 14 -14 0

E selekshon nashonal U-15 ta konsistí di un grupo di 16 hungadó ku ta wòrdu dirigí pa Sr. Johannes van Elden ku ta e direktor tékniko di e selekshon aki i Sr. Maikel Hooi ku ta e asistente di e direktor tékniko.

Tambe ta biaha huntu ku e selekshon Sr. Eulogio Leocadia ku ta esun enkargá ku e materialnan i tambe e ta masahista di e selekshon. E hefe di delegashon ku a biaha ku e selekshon ta Sr. Erickson Statie, miembro di direktiva di FFK.

Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media