Category: Futbòl

Posted on

Selekshon nashonal di futbòl U-15 den CFU U-15 Boy’s championship

WILLEMSTAD — Despues ku diferente di nos selekshonnan nashonal a biaha pa diferente parti di mundu pa partisipá na diferente torneo nan internashonal, awor ta toka turno na nos selekshon nashonal di kategoria  U-15 pa saka kara di Kòrsou den e CFU U-15 Boy’s championship, ku ta tuma lugá na St. Maarten.

Despues di dianan di trainingnan intensivo i un temporada di preparashon ekstenso, awe, djaweps 6 di ougùstùs 9:45AM nos selekshon nashonal kategoria U-15 a biaha pa St. Maarten pa asina kumpli ku nan kompromisonan den e CFU U-15 Boy’s championship ku ta tuma lugá di 8 pa 16 di ougùstùs próksimo.

Nos pul ta konsistí di e siguiente paisnan; St. Vincent & Grenadines, Antigua & Barbuda, St. Maarten i Kòrsou.

Skema di weganan:

Fecha Tim A Tim B Ora Lugá
1 8 oug. 15 Curacao Antigua & Barbuda 5:00 PM Raoul Illidge Sports Complex

(St. Maarten)
2 St. Maarten St. Vincent & Grenadines 7:00 PM
3 9 oug. 15 St. Vincent & Grenadines Curacao 5:00 PM
4 St. Maarten Antigua & Barbuda 7:00 PM
5 10 oug. 15 Antigua & Barbuda St. Vincent & Grenadines 5:00 PM
6 St. Maarten Curacao 7:00 PM

Nos selekshon nashonal U-15 ta konsistí di un grupo di 16 hungadó ku ta wòrdu dirigí pa Sr. Johannes van Elden ku ta e direktor tékniko di e selekshon aki i Sr. Maikel Hooi ku ta e asistente di e direktor tékniko.

Tambe ta biaha huntu ku e selekshon Sr. Eulogio Leocadia ku ta esun enkargá ku e materialnan i tambe e ta masahista di e selekshon. E hefe di delegashon ku lo biaha ku e selekshon ta Sr. Erickson Statie, miembro di direktiva di FFK.

Nos selekshon ta konsistí di e siguiente hungadónan:

  1. Kevin Juliana
  2. Michel James
  3. Danel Rosa
  4. Richajier Oleana
  5. Quinton Burk
  6. Ronathan Willems
  7. Ayodele Kwidama
  8. Sharrion Pietersz
  9. Angerick Dorothea
  10. Jared Tyrol
  11. Roderick Bolijn
  12. Jonathan Libania
  13. Gershon Rifaela
  14. Shurendric Fransinet
  15. Nathan Barnadina
  16. Luchently Vrutaal
Posted on

Buelta di 6 Liga MCB Promé Divishon ta bai kuminsá

WILLEMSTAD — Despues ku dia promé di mart Liga MCB Promé divishon a ranka sali, kaminda tur wikènt ta tin un total di 5 partido tabata tuma lugá na Stadion di SUBT i SDK, awor aki ya kaba nos ta para na inisio di buèlta di 6 di Liga MCB Promé Divishon. Durante e kampionato regular e 10 klupnan ku ta forma parti di Liga MCB a hunga un total di 18 wega repartí den 2 rònt ku a terminá dia 27 di yüli último.

Liga MCB Promé Divishon a yega na e final di kampionato regular kaminda ku Centro Dominguito a sali kampion di e kampionato regular ku un total di 52 punto.

E wikènt aki Liga MCB Promé Divishon buèlta di 6 ta ranka sali ku algun partido sumamente interesante na SDK. Miéntras, Liga MCB Segundo Divishon ta kontinuá ku e di 2 siman di buèlta di 6.

Liga MCB Promé di divishon su preis pa e buèlta di 6 ta bira fl. 7.50 pa adulto miéntras mucha i 60+ ta paga solamente fl.2.50. Liga MCB Segundo Divishon ta kosta fl.2,- pa tur hende.

Terser Divishon tambe ta kontinuá ku su segundo buèlta i lo mira akshon e siman aki riba djasabra na tereno di FFK. E wega aki ta kompletamente grátis!

Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl.

Wega nan pa wikènt binidero, Liga MCB Promé Divishon buèlta di 6: 

Djabierne 7 oug. 15       20.00 C.Dominguito Hub. Fortuna SDK
Djasabra 8 oug. 15       20.00 J.Holland Undeba SDK
Djadumingu 9 oug. 15       18.00 CSD Barber Victory Boys SDK

Wega nan pa próksimo siman, Liga MCB Segundo Divishon buèlta di 6 : 

Djaluna 10 oug. 15    19.30 U.D. Tera Kora Inter Willemstad
Djarason 12 oug. 15    19.30 C.H. Mahuma SV Vesta
Djaweps 13 oug. 15    19.30 Indekor Marquita

Tur e partidonan aki ta tuma lugá na FFK 

Wega pa djasabra, Liga MCB Terser Divishon:  

Djasabra 8 oug. 15     19.30 Atomic Buena Vista

E partidonan aki ta tuma lugá na FFK 

Posted on

Kòrsou kontra El Salvador riba 4 di sèptèmber na Kòrsou

WILLEMSTAD — Djasabra 25 di yüli último, aya na Rusia den e palasio históriko Konstantin, mundu kompletu por a presensia e sorteo pa e terser buèlta di e weganan pa eliminatorio mundial Rusia 2018. Durante e sorteo aki a bira konosí ku nos kontrinkante lo ta El Salvador.

E fecha nan pa e partidonan di e terser buèlta aki lo ta 4 i 8 di sèptèmber binidero. E promé partido lo tuma lugá aki na Kòrsou miéntras e segundo partido lo tuma lugá aya na El Salvador. Direktiva di FFK den konsulta ku Patrick Kluivert i FIFA a yega na e desishon ku e wega di djabièrnè 4 di sèptèmber lo tuma lugá den SDK pa 6or di atardi. E orario aki no ta unu usual pero mirando e interes pa e magno evento di Curacao North Sea Jazz Festival a opta pa mantené na un orario trempan pa tur hende por sali futbòl i esnan ku ta deseá por bai disfrutá di Curacao North Sea Jazz Festival.

Pronto karchinan lo ta na benta pa e partido ku lo tuma lugá djabièrnè 4 di sèptèmber próksimo aki na Kòrsou.

E preisnan ta lo siguiente; 

  • VIP ta kosta Nafl. 500,-  (inkluí konsumo);
  • Bou di tribuna kubri ta Naf.100,-
  • Bou di tribuna kubri parti Festival Center ta Nafl.75,-
  • Tribuna no kubri ta Nafl.30,- te ku 31 di ougùstùs, promé di sèptèmber e karchinan lo bira Nafl.35,-. Den e sekshon aki mucha te ku 12 aña i 60+ ta paga Naf.20.-

E hungadónan di nos selekshon residensia aya na Hulanda lo yega Kòrsou dia 31 di ougùstùs próksimo pa djòin nos hungadónan lokal pa asina trainingnan por kuminsá i dia 9 di sèptèmber despues di e kompromiso aya na El Salvador nan lo regresá Hulanda pa kontinuá ku nan kompromisonan internashonal.

Benta di suèter i shal ta kontinuá na FFK na balor di 35 i 25 florin. Un súplika ta bai na abo, komo e number 12 ku no tin bo suèter òf shal ainda pa kumpra esaki paso e ora sero ta yegando.

Posted on

Liga MCB Promé Divishon buèlta di 6 ta kuminsa 7 di ougùstùs próksimo

WILLEMSTAD — Liga MCB Promé Divishon  a yega na e final di kampionato regular kaminda ku Centro Dominguito a sali kampion di e kampionato regular ku un total di 52 punto. E goliadó máksimo di Liga MCB Promé Divishon su kampionato regular a resultá di ta Norvianel Naar di Centro Dominguito ku a anotá un total di 16 gol durante e 18 partidonan di e kampionato regular.

Tambe a bira konosí ku Sithoc lo ta e ekipo ku mester bai enfrentá e ekipo kampion di Liga MCB Segundo Divishon den e seri di weganan di degradashon/promoshon, ku ta plania pa tuma lugá 25 i 30 di sèptèmber próksimo.

Awor aki Liga MCB Promé Divishon tin un pousa chikí, pendiente pa kuminsá ku e weganan di e buèlta di 6 ku lo ranka sali dia 7 di ougùstùs próksimo! E 6 ekiponan ku a klasifiká pa e buèlta di 6 ta; Centro Dominguito, Jong Holland, Centro Barber, Victory Boys, Undeba i Hubentut Fortuna.

Tabla di posishon: 

WH WG WE WP Pt GF GK Saldo
1 CENTRO DOMINGUITO 18 17 1 0 52 53 10 43
2 JONG HOLLAND 18 11 3 4 37 30 18 12
3 C.S.D. BARBER 18 11 2 5 36 51 26 25
4 VICTORY BOYS 18 10 3 5 33 32 18 14
5 UNDEBA 18 6 5 7 23 30 27 3
6 HUBENTUD FORTUNA 18 6 4 8 22 27 28 -1
7 SUBT 18 4 4 10 16 27 35 -8
8 SCHERPENHEUVEL 18 1 9 8 12 13 27 -14
9 JONG COLOMBIA 18 3 2 13 11 19 59 -40
10 F.C. SITHOC 18 2 3 13 9 15 49 -34
 
180 71 36 73 251 297 297 0

Miéntras tantu Liga MCB Segundo Divishon ta kla pa start ku e buelta di 6, dia 3 di ougùstùs binidero kaminda Vesta, U.D.Tera Kòrá, Inter Willemstad, Marquita, Mahuma i Indekor lo bai kompetí pa wak kua ta pasa e buèlta di 4 i finalmente pasa pa e gran final di Liga MCB Segundo Divishon ku ta plania pa tuma lugá dia 21 di sèptèmber binidero. Liga MCB Segundo Divishon ta kosta fl.2,- pa tur hende.

Terser Divishon tambe ta kontinuá ku su segundo buèlta i ta mira akshon tur djadumingu na tereno di FFK. E weganan aki ta kompletamente grátis!

Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl.

Wega nan pa próksimo siman, Liga MCB Segundo Divishon:

Djaluna 3 oug. 15    19.30 SV Vesta vs Indekor
Djarason 5 oug. 15    19.30 U.D. Tera Kora vs C.H. Mahuma
Djaweps 6 oug. 15    19.30 Inter Willemstad vs Marquita

Tur e partidonan aki ta tuma lugá na FFK 

Wega pa djadumingu, Liga MCB Terser Divishon:

Djadumingu 2 oug. 15     17.00 Atomic vs Buena Vista

E partido aki ta tuma lugá na FFK 

Posted on

Liga MCB: Sithoc lo hunga promoshon i degradashon

WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan den Stadion Antoine Maduro (SUBT). Riba djabièrnè tabata e ekipo di Victory Boys ku a enfrentá Jong Holland. Akinan tabata e ekipo di Jong Holland ku a logra tres punto, derotando Victory Boys ku skor di 2-1. Pa Jong Holland e golnan a keda anotá pa Samuel Matheus i Riddick Koeiman. Miéntras ku e úniko di Victory Boys a keda anotá pa Randal Winklaar.

Riba djasabra e kampionato a kontinuá ku dos partido. Den e promé partido tabata SUBT ku a enfrentá Jong Colombia. Akinan tabata SUBT ku a sali for di e porta grandi derotando Jong Colombia ku skor di 2-1. Pa SUBT e golnan a keda anotá pa Rayno Inesia i Jimenez de la Cruz. E gol di Jong Colombia tabata un outogol.

Den e di dos partido di djasabra tabata Scherpenheuvel ku a topa ku Hubentut Fortuna. Akinan tabata Hubentut Fortuna ku a logra e viktoria di 4-0 riba Scherpenheuvel. E golnan di Hubentut Fortuna a keda anotá pa Tyrone Maria, Luis Fruto Miranda i Ishuar Martina(2x)

E kampionato a kontinuá djaluna ku e partido entre UNDEBA i Sithoc. E partido aki a terminá na un empate ku ambos ekipo anotando dos gol. Pa UNDEBA e golnan a keda anotá pa Alejandro Araujo i Jurickson Jansen. Miéntras ku pa Sithoc e golnan a keda anotá pa Arthley Bernadina i Jason Inecia. Ku e resultado aki e ekipo di Sithoc lo tin ku hunga partidonan di promoshon i degradashon na final di temporada.

Posted on

Kòrsou lo topa un rival bieu den El Salvador den e siguiente buèlta di eliminatorio

RUSIA — E selekshon Nashonal di Futbòl di Kòrsou lo enfrentá El Salvador den e 3 buèlta di e eliminatorio pa Mundial Rusia 2018. Esaki a keda determiná despues di e sorteo di FIFA na Rusia riba 25 di yüli ultimo.

E selekshon di Kòrsou ku na kabes Patrick Kluivert, apesar di a empatá ambos partido nan a eliminá Cuba den e di dos buèlta pa kontinuá den e eliminatorio pa Mundial 2018. Kontra Cuba e selekshon Nashonal di Kòrsou a empatá na sero gol na kas i na un gol na Cuba.

Den e di dos buèlta e selekshon di El Salvador a hunga kontra St. Kitts and Nevis. Akinan e selekshon Salvadoreño a empatá na 2 gol ku St. Kitts na St. Kitts, miéntras ku nan a gana e partido na kas ku skor di 4-1.

Histórikamente Kòrsou e tempu ey bou di bandera di Antia Hulandes a hunga na kuater okashon kontra El Salvador den e eliminatorionan pa Mundial. E ultimo biaha tabata na aña 1988. Akinan e selekshon di Kòrsou a pèrdè na tur kuater okashon. Por lo general Kòrsou a hunga na 17 okashon kontra El Salvador i tin un rèkert di dos gana, seis empatá i nuebe pèrdí.

Ainda e fecha ofisial den kue e selekshon di Kòrsou lo topa ku El Salvador no ta konosí. Tin menshon ta keda hasi di e fecha di 4 di sèptèmber pa e partido entre e dos ekiponan na Kòrsou, sin embargo esaki no ta konfirmá pa FIFA ainda.

Lo ke si ta sigur ta, ku si Kòrsou gana di El Salvador e selekshon di Kòrsou lo pasa pa e buèlta 4 ku ta e buèlta di grupo. Den kaso ku Kòrsou logra yega buèlta kuater, e selekshon di Kòrsou lo ta den grupo A huntu ku Mexico, Honduras i e ganadó di e partidonan entre Cananda i Belize.

Posted on

Centro Dominguito ta derota Barber i keda invikto den Liga MCB

WILLEMSTAD — Kampionato di futbòl Liga MCB a kontinuá ayera ku e partido entre Centro Dominguito i Centro Barber den Stadion Antoine Maduro (SUBT). Den e partido aki tabata Centro Dominguito ku ta keda invikto derotando Centro Baber ku skor di 3-0. Pa Dominguito e golnan a keda anotá pa; Shaquelle Clements, Norvianel Naar i Ashar Bernardus.

E kampionato di Liga MCB ta kontinuá wikènt aki ku e siguiente partidonan:

Djabièrnè 24 yüli 15     20.30 Victory Boys vs Jong Holland SUBT
Djasabra 25 yüli 15     19.00 Subt vs Jong Colombia SUBT
    21.00 Scherpenheuvel vs Hub. Fortuna
Djaluna 27 yüli 15     20.30 Undeba vs FC Sithoc SUBT
Posted on

Weganan pa wikènt binidero di Liga MCB Promé i Terser Divishon

WILLEMSTAD — Liga MCB Promé Divishon ta kontinuá ku e último partidonan di e segundo buèlta rumbo pa e buèlta di 6 ku ta bai kuminsá dia 7 di ougùstùs próksimo! Ya kaba ta konosí ta kua ta e 6 ekiponan ku a klasifiká pa e buèlta di 6. Esaki nan ta; Centro Dominguito, Centro Barber, Jong Holland, Victory Boys, Undeba i Hubentut Fortuna. Den e delaster blòk di weganan di e segundo buèlta nos lo bai sa kua ta e ekipo ku lo topa Vesta den e weganan di degradashon/promoshon, si ta Sithoc òf ta Jong Colombia. Tambe nos lo sa si Centro Dominguito lo keda invíkto ora nan enfrentá Centro Barber, e kampionnan di Liga MCB Promé Divishon 2014. E máksimo goliadó di nos kampionato regular su nòmber tambe lo ta konosí despues di e último weganan aki. Pues e wikènt aki lo ta kayente!

Miéntras tantu Liga MCB Segundo Divishon tin un pousa chikí despues di a tèrminá ku e kampionato regular kaminda Vesta a sali kampion di e kampionato regular, invíkto ku un total di 48 punto. Dia 3 di ougùstùs binidero e buèlta di 6 ta bai ranka sali kaminda Vesta, U.D.Tera Kòrá, Inter Willemstad, Marquita, Mahuma i Indekor lo bai kompetí pa wak kua ta pasa e buèlta di 4 i finalmente pasa pa e gran final di Liga MCB Segundo Divishon ku ta plania pa tuma lugá dia 21 di sèptèmber binidero.

Terser Divishon tambe ta kontinuá ku su terser buèlta i ta mira akshon tur djadumingu na tereno di FFK. E weganan aki ta grátis!

Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl. Liga MCB Promé Divishon ta kosta solamente fl.6,- general miéntras ku mucha te 12 aña i 60+ ta kosta fl.2.50.

Wega nan pa wikènt, Liga MCB Promé Divishon:  

Djaweps 23 yüli 15     20.30 C. Dominguito vs CSD Barber SUBT
Djabièrnè 24 yüli 15     20.30 Victory Boys vs Jong Holland SUBT
Djasabra 25 yüli 15     19.00 Subt vs Jong Colombia SUBT
    21.00 Scherpenheuvel vs Hub. Fortuna
Djaluna 27 yüli 15     20.30 Undeba vs FC Sithoc SUBT

E weganan di e wikènt aki ta tuma lugá na SUBT!

Wega pa djadumingu, Liga MCB Terser Divishon:

Djadumingu 26 yüli 15     17.00 Haitian Union Klup vs Atomic

E partido aki ta tuma lugá na FFK

Posted on

Selekshon nashonal di dama U-17 eliminá for di CFU Woman’s U-17 Cup Tournament

WILLEMSTAD — Despues ku nos selekshon di nashonal di dama kategoria U-17 a biaha pa Haiti, 13 di yüli último pa asina representá Kòrsou na e weganan di klasifikashon di e CFU Woman’s U-17 Cup Tournament, nan a regresá bek djasabra 18 di yüli último.

Lamentablemente nos selekshon no a logra sigui pa e di 2 buèlta, esaki despues di a sufri 2 derota i keda eliminá.

Den nos promé kompromiso kontra Bermuda, nos a pèrdè ku e skor di 6-1, e úniko gol di e partido aki a keda anotá pa Lindsey Hart. Den e segundo kompromiso nos selekshon a kai vensí di Haiti, e ekipo anfitrion, ku e skor di 7-1. E úniko gol di Kòrsou den e partido e a keda anotá pa Sjulienne Martina.

Nos pul tabata konsistí di e siguiente paisnan; Dominica, Bermuda, Haiti i Kòrsou pero na último momentu Dominica a retirá i no a partisipá mas na e torneo aki.

Skema di weganan:  

Fecha Tim A Tim B Skor Lugá
1 15 yüli 15 Kòrsou Bermuda 1-6 Stade Sylvio Cator

(Haiti)
2 Haiti Dominica Kanselá
3 17 yüli 15 Bermuda Dominica Kanselá
4 Haiti Kòrsou 7-1
5 19 yüli 15 Dominica Kòrsou Kanselá
6 Haiti Bermuda 4-0

Tabla di posishon: 

WH WG WE WP GF GK Saldo Punto
1 Haiti 2 2 0 0 11 1 10 6
2 Bermuda 2 1 0 1 6 4 2 3
3 Kòrsou 2 0 0 2 2 13 -11 0

Nos selekshon nashonal di dama U-17 tabata konsistí di un grupo di 18 hungadó ku ta wòrdu dirigí pa Sr. Rudsel Monte ku ta e direktor tékniko di e selekshon aki i Sr. Andreas Aitatus ku ta e asistente di e direktor tékniko.

Tambe ta biaha huntu ku e selekshon Sra. Nadine Carolina ku ta esun enkargá ku e materialnan di e selekshon, un masahista kual ta Sra. Laicam How, un lider ku ta Sra. Lorraine Louisa i e hefe di delegashon ku ta Sr. Harry Davelaar, miembro di direktiva di FFK.

Posted on

Barber, Dominguito, Hubentut Fortuna i Sithoc viktorioso den Liga MCB

WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan den Stadion Ergilio Hato. Riba djabièrnè tabata e ekipo di Scherpenheuvel ku a topa ku Victory Boys. Akinan ambos ekipo a bai kas ku un punto despues ku e partido a finalisá ku un empate na 0 gol.

Riba djasabra e kampionato a kontinuá ku dos partido. Den e promé partido tabata Jong Holland ku a enfrentá e ekipo di Centro Dominguito. Akinan tabata Centro Dominguito ku a derota Jong Holland ku skor di 2-0. Pa Centro Dominguito ambos gol a keda anotá pa Norvianel Naar.

Den e di dos partido di djasabra tabata Centro Barber ku a enfrentá UNDEBA. Akinan tabata Centro Barber ku a logra e viktoria, ganando di UNDEBA ku skor di 3-1. Pa Centro Barber e golnan a keda anotá pa Ruwensley Girigorie, Zjurdiene Laken i Mirco Colina Jr. Pa UNDEBA e úniko gol a keda anotá pa Alejandro Araujo.

E kampionato a kontinuá djadumingu ku dos partido. Den e promé partido tabata Jong Colombia kontra Sithoc. Akinan tabata Sithoc ku a derota Jong Colombia ku skor di 2-1. Pa Sithoc e golnan a keda anotá pa Dudley Haddocks i Jason Inecia. E úniko di Jong Colombia a keda anotá pa Gildemar Fernando.

Den e di dos partido tabata Hubentut Fortuna ku a topa ku SUBT. Akinan tabata Hubentut Fortuna ku a logra e tres puntonan, derotando SUBT ku skor di 1-0. E gol di Hubentut Fortuna a keda anotá pa Luis Fruto Miranda.

Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media