Category: Futbòl

WILLEMSTAD (FFK) — Despues ku nos selekshon nashonal a logra klasifiká pa e terser buèlta di e weganan di kualifikashon pa mundial Rusia 2018, awor ta toka turno na nos selekshon nashonal di dama U-20 pa saka kara di Kòrsou den e promé rònt di e weganan, pa kualifikashon pa mundial di dama U-20 na Papa New Guinea i e kampionato di dama U-20 na Honduras 2015, ku ta tuma lugá na Puerto Rico.

Despues di dianan di trainingnan intensivo i un temporada di preparashon ekstenso, mañan, djamars 16 di yüni 8:00AM nos selekshon nashonal di dama U-20 lo biaha pa Puerto Rico pa asina kumpli ku nan kompromisonan den e promé buèlta di e CFU Woman’s U-20 Cup Tournament ku ta tuma lugá di 17 pa 24 di yüni próksimo.

Nos pul ta konsistí di e siguiente paisnan; Anguilla, Antigua & Barbuda, Puerto Rico i Kòrsou.

Skema di weganan:

	Fecha	Tim A	Tim B	Ora	Lugá
1	19 yüni 15	Anguilla	Antigua & Barbuda	5:00 PM	Juan Ramon Loubriel Stadium(Puerto Rico)
2		Puerto Rico	Curacao	7:30 PM
3	21 yüni 15	Antigua & Barbuda	Curacao	5:00 PM
4		Puerto Rico	Anguilla	7:30 PM
5	23 yüni 15	Curacao	Anguilla	4:00 PM
6		Puerto Rico	Antigua & Barbuda	6:30 PM

Nos selekshon nashonal di dama U-20 ta konsistí di un grupo di 19 hungadó ku ta wòrdu dirigí pa Sr. Rudsel Monte ku ta e direktor tékniko di e selekshon aki i Sr. Rovian Carolina ku ta e asistente di e direktor tékniko.

Tambe ta biaha huntu ku e selekshon Sra. Nadine Carolina ku ta esun enkargá ku e materialnan di e selekshon, un masahista kual ta Sra. Rose-Marie Curial i e hefe di delegashon ku ta Sr. Harry Davelaar, miembro di direktiva di FFK.

Nos selekshon ta konsistí di e siguiente hungadónan:

1. Tyxirah Simmons
2. Ketsiah Nahr
3. Yesmin Levens
4. Shade Desir
5. Kiara Snel
6. Kadisha Martina
7. Dianthe Scheeper
8. Lindsey Hart
9. Caitlin Heide
10. Sterre Noordhoek
11. Samantha Statia
12. Chante Zuidgeest
13. Stephany Passial
14. Jerusha Martina
15. Lauryn Richardson
16. Riesmarley Tokaay
17. Brithney Schoop
18. Sullyvienne Noten
19. Kiara Angelino

FFK i MCB kier a deseá nos selekshon di dama U-20 tur klase di éksito i tin sigur ku nan lo sa di hasi un bon trabou na Puerto Rico den e CFU Woman’s U-20 Cup Tournament.

CUBA — E selekshon di futbòl di Kòrsou a logra pasa pa e siguiente buèlta di eliminatorio pa Mundial Rusia 2018 despues di a empatá na un gol ku Cuba den Stadion Perdro Marero. Na di sinku minüt di e partido e ekipo cubano a logra habri e markadó. Pero e selekshon di Kòrsou ku a hunga un mihó futbòl den e promé mitar ku e partido di siman pasa na Kòrsou a logra igualá e partido. Tabata Vidarell “Papito” Merencia ku a igualá e partido na di 16 minüt pa e selekshon di Kòrsou.

Na di 44 minüt di e partido Kòrsou a haña un oportunidat pa kue e bentaha ora ku Gino van Kessel ta bai laga e defensa cubano, pero akinan e kiper di Cuba ta frustra e avanse i ta tumba van Kessel algun meter for di e area penal. E kiper cubano a risibí un karchi kòrá pa e hungada aki.

Despues di un retraso di kasi dos ora pa motibu di mal tempu e di dos mitar di e partido a kuminsá. Den e di dos mitar Cuba tabata ataká kontinuamente miéntras ku Kòrsou a bai hunga un wega kompletamente defensivo. Apesar di e atakenan kontinuá di Cuba nan no a logra konvertí esaki na gol i e partido ta finalisá ku e skor ya konosí di 1-1.

Pa Cuba e kaminda pa Mundial Rusia 2018 a yega na su fin. Kòrsou lo hunga e di tres buèlta eliminatorio entre 31 di ougùstùs i 8 di sèptèmber di e aña aki. Ainda no ta konosí ken Kòrsou lo enfrentá den e buèlta aki. Esaki lo bira konosí despues di e sorteo ku FIFA lo tene riba 25 di yüli 2015 na Rusia.

Ainda no ta tur selekshon a kaba di hunga e di dos buèlta di eliminatorio. Di esunnan ku a klasifiká kaba ta: Antigua and Barbuda, Barbados, Belize i Saint Vincent and the Grenadines. Miéntras ku Jamaica i Haiti ta keda añadí na e buèlta.

WILLEMSTAD — Dilanti di un Stadion Ergilio Hato yena ku fanátiko e selekshon di Kòrsou a empatá na sero gol ku Cuba. Esaki tabata e promé partido di dos den e di dos buèlta di e eliminatorio pa mundial Rusia 2018. E partido desisivo di e buèlta aki lo bira djadumingu awor den e di dos partido na Cuba.

Segun Etienne Siliee e selekshon di Kòrsou tin kos di drecha promé ku e partido di djadumingu. E selekshon lokal a mantené poseshon durante henter e partido. Sin embargo e selekshon no a logra konvertí esaki den gol.

Pasenan na algun okashon tabata falta presishon i te na ora ku e presishon tabata tei e reseptor di e pase tabata pèrdè kontrol di e bala. Apesar di esaki e selekshon di Kòrsou a haña algun oportunidat pa anotá pero esaki a keda rechasá pa e kiper Cubano i na otro okashon pa e lata.

Djadumingu 14 di yüni na stadion Pedro Marrero na Cuba lo tin e partido desisivo pa e dos selekshon nan aki. Pa Kòrsou sea e gana na Cuba of logra un empate di mas di sero gol ta sufisiente pa pasa pa siguiente buèlta.

WILLEMSTAD — Despues di hopi preparashon awe e selekshon Nashonal di Kòrsou ta enfrentá Cuba den e segundo buèlta di e weganan pa eliminatorio pa mundial Rusia 2018. E promé di dos partido lo tuma lugá awe na Kòrsou pa 8’or di anochi den Stadion Ergilio Hato (SDK). E di dos partido lo tuma lugá dia 14 di yüni próksimo pa 4’or di atardi den stadion Pedro Marrero na Cuba.

Patrick Kluivert mester a kita dos hungadó for di e selekshon tentativo pa yega na e lista di 23 hungadónan definitivo ku FIFA ta rekerí. E hungadónan ku no ta forma parti di e selekshon definitivo ta: Roly Bonevacia i Prince Rajcomar.

E 23nan ku lo forma parti di e selekshon kontra Cuba ta:

1. Germaine Agustien
2. Shanon Carmelia
3. Elson Hooi
4. Luidjino Hoyer
5. Gino van Kessel
6. Darryl Lachman
7. Gianlucca Maria
8. Michaël Maria
9. Rhu-Endly Martina
10. Quinten Martinus
11. Shelton Martis
12. Vidarell Merencia
13. Rihairo Meulens
14. Dustly Mulder
15. Gevaro Nepomuceno
16. Jeremy de Nooijer
17. Zeus de la Paz
18. Jonathan Richard
19. Eloy Room
20. Rowendy Sumter
21. Charlton Vicento
22. Jason Wall
23. Felitciano Zschusschen

Miéntras ku e 23nan di Cuba ta:

1. Diosvelis Alejandro Guerra
2. Sandy Sánchez Mustelier
3. Arael Argüelles
4. Ángel Horta
5. Jorge Luis Clavelo
6. David Urgellés
7. Arturo Diz Pe
8. Hanier Dranguet
9. Jorge Luis Corrales
10. Yaisniel Nápoles
11. Andy Baquero
12. Jeniel Márquez
13. Reinier Cerdeira
14. Félix Guerra
15. Arichel Hernández
16. Darío Suárez
17. Ariel Martínez
18. Liván Pérez
19. Alberto Gómez
20. Alain Cervantes
21. Maykel Reyes
22. Armando Coroneaux
23. Keilen García

WILLEMSTAD — Den e partido amistoso kontra e selekshon di Trinidad i Tobago djabièrnè ultimo e selekshon di Kòrsou a logra un viktoria di 1-0.

Tabata Charlton Vicento ku a manda Kòrsou ariba na di 85 minüt di e partido den Stadion Ergilio Hato. Pa e selekshon di kas esaki ta promé biaha den 46 aña ku nan ta logra un viktoria riba Trinidad i Tobago. E ultimo biaha Kòrsou a gana di Trinidat tabata na aña 1969 hungando e tempu ey komo Antia Hulandes, Kòrsou a gana ku skor di 3-1.

Den e partido di djabièrnè por a nota un diferensia den gol pa e selekshon di Kòrsou. Na numeroso okashon Eloy Room a salba e selekshon di Kòrsou.

Pa ambos selekshon esaki tabata un partido di preparashon pa nan siguiente kompromiso. Kòrsou den eliminatorio pa mundial Rusia 2018 lo enfrentá Cuba dia 10 di yüni benidero, 8or di anochi den Stadion Egilio Hato (SDK). Pa despues riba 14 yüni hunga e di dos partido kontra Cuba den stadion Pedro Marrero.