Category: Futbòl

Posted on

Centro Dominguito, Centro Barber i Jong Holland ku viktoria den Liga MCB

WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan den Stadion Antoine Maduro (SUBT). Riba djabièrnè tabata e ekipo di Centro Dominguito ku a enfrentá Sithoc. Akinan tabata e ekipo di Centro Dominguito ku bai ku e tres puntonan derotando Sithoc ku skor di 5-0. Pa Dominguito e golnan a keda anotá pa: Ivanny Calvenhoven(2x), Norvianel Naar(2x) i Shayron Bernardus.

Riba djasabra e kampionato a kontinuá ku dos partido. Den e promé partido tabata Centro Barber ku a derota Jong Colombia ku skor di 5-1. Akinan tabata Kenneth Kunst(2x), Geryon Alberto(2x) i Luigison Doran ku a anotá pa Barber. E úniko di Jong Colombia a keda anotá pa Frenly Servania

Den e di dos partido di djasabra tabata Jong Holland ku e derota SUBT ku skor di 5-3. Pa Jong Holland e golnan a keda anotá pa: Jerachmeel Cleofa, Kemoy Reid(2x), Nathan Martina i Isai Marseila. E golnan di SUBT a keda anotá pa, Christopher Martha(2x) i Jacir Jimenez.

Ayera djadumingu tabata Victory Boys i Hubentut Fortuna ku a kompartí punto despues di a empatá na un gol. Pa Victory Boys e gol a keda anotá pa Jhudamier Marchena. E gol di Hubentut Fortuna a keda anotá pa Reylison Otto.

Liga MCB ta kontinua awenocho ku e partido entre UNDEBA i Scherpenheuvel pa mitar di nuebe di anochi den Stadion Antoine Maduro (SUBT).

Posted on

Selekshon tentativo di Kòrsou pa partido kontra Cuba

WILLEMSTAD — Manera ya ta konosí nos selekshon nashonal lo tin ku enfrentá Cuba den e segundo buèlta di e weganan pa eliminatorio pa mundial Rusia 2018. E promé partido lo tuma lugá aki na Kòrsou dia 10 di yüni 8or den Stadion Ergilio Hato (SDK) miéntras e segundo partido lo tuma lugá aya na Cuba den stadion Pedro Marrero pa 4or di atardi dia 14 di yüni próksimo.

Despues di algun dia di entrenamentu intensivo i un wega di fogeo entre nos selekshon nashonal i Sürnam aya na Hulanda, e lista tentativo di nos hungadónan ku lo bai representá nos den e di 2 buèlta di e weganan di eliminatorio pa mundial Rusia 2018, ta konosí!

Sr. Patrick Kluivert a saka e nòmbernan di e hungadónan tentativo ku lo forma parti di nos selekshon ku lo enfrentá Cuba próksimamente, nan ta e siguiente hungadónan:

  1. Germaine Agustien
  2. Roly Bonevacia
  3. Shanon Carmelia
  4. Elson Hooi
  5. Luidjino Hoyer
  6. Gino van Kessel
  7. Darryl Lachman
  8. Gianlucca Maria
  9. Michaël Maria
  10. Rhu-Endly Martina
  11. Quinten Martinus
  12. Shelton Martis
  13. Vidarell Merencia
  14. Rihairo Meulens
  15. Dustly Mulder
  16. Gevaro Nepomuceno
  17. Jeremy de Nooijer
  18. Zeus de la Paz
  19. Prince Rajcomar
  20. Jonathan Richard
  21. Eloy Room
  22. Rowendy Sumter
  23. Charlton Vicento
  24. Jason Wall
  25. Felitciano Zschusschen

Karchinan ya ta na benta i e preisnan pa karchi pa e diferente sekshonnan ta lo siguiente:

* VIP ta kosta Naf. 250,- (inkluso konsumo);

* Bou di tribuna kubri ta Naf. 55,-

* Bou di tribuna kubri parti Festival Center ta Naf. 40,-

* Tribuna no kubri ta Naf. 30,-

* Den e sekshon di tribuna no kubri mucha te ku 12 aña i 60+ ta paga Naf. 15.-

Karchinan ta optenibel na FFK bou di ora di ofisina, na Pòmp di gasolin Sta Maria, Botika Mampuritu, Beep Beep i na tur filial di Cpost International N.V.

Un i tur ta keda enkurashá pa kumpra nan karchi trempan debí ku ta spera un yeno kompleto pa e partido aki. Ya e promé zending di flanelnan a kaba i pa komienso di yüni e segundo zending lo yega pa asina tur fanátiko por tin nan blusa pa bin apoyá nos selekshon komo e number 12!

Nos selekshon i nos hungadónan ta konta kubo sosten masal den SDK dia 10 di yüni pa 8or di anochi!

FFK ta informá ku ta e intenshon pa dia 2 di yüni próksimo pa tene un konferensia di prensa kaminda Sr. Patrick Kluivert i su staf ta presente pa duna mas informashon riba nos selekshon nashonal.

Posted on

Liga MCB Promé i Segundo Divishon ta kontinuá

WILLEMSTAD — Liga MCB Promé i Segundo Divishon ta kontinuá den gran forma ku e promé partidonan di e segundo buèlta.

Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl. Liga MCB Promé Divishon ta kosta solamente fl.6,- general miéntras ku mucha te 12 aña i 60+ ta kosta fl.2.50 miéntras Liga MCB Segundo Divishon ta grátis.

E djadumingu aki portanan lo habri for di trempan kaminda ku e públiko presente por disfrutá di e partido di Kampionato di Dama kaminda e ekipo di Hubentut Fortuna lo enfrentá Inter Willemstad pa 3or di atardi i despues ta kontinuá ku e partido di Liga MCB Promé Divishon.

Tene na kuenta ku te ku fin di mei tur wega di Liga MCB Promé Divishon lo ta na Stadion Antoine Maduro (SUBT) debí ku SDK lo ta será pa motibu di konstrukshon di e tereno.

Tambe FFK ta anunsiá ku Caribbean International University ta ser suspendé pa partisipá na Liga MCB SegundoDivishon. Esaki pa motibu ku na 2 okashon nan no por a sera a kantidat di hungadónan pa partisipá na wega korespondiente i konforme reglamentu di FFK, nan no por sigui forma parti di Liga MCB Segundo Divishon i ta degradá pa Terser Divishon. Liga MCB Segundo Divishon ta kontinuá ku 9 ekipo.

Wega nan pa wikènt i próksimo siman, Liga MCB Promé Divishon:

Djabierne 22 mei 15 20.30 C. Dominguito vs FC Sithoc SUBT
Djasabra 23 mei 15 19.00 CSD Barber vs Jong Colombia SUBT
21.00 Jong Holland vs Subt
Djadumingu 24 mei 15 18.00 Victory Boys vs Hub. Fortuna SUBT
Djaluna 25 mei 15 20.30 Undeba vs Scherpenheuvel SUBT

Tur e partidonan aki ta tuma lugá na Stadion Antoine Maduro (SUBT)

 

Tabla di posishon Liga MCB Promé Divishon;

18/052015 WH WG WE WP Pt GF GK Saldo
1 CENTRO DOMINGUITO 9 9 0 0 27 19 6 13
2 C.S.D. BARBER 9 6 1 2 19 30 11 19
3 JONG HOLLAND 9 5 3 1 18 13 5 8
4 VICTORY BOYS 9 5 1 3 16 16 9 7
5 UNDEBA 9 2 4 3 10 12 13 -1
6 SCHERPENHEUVEL 9 1 5 3 8 9 12 -3
7 HUBENTUD FORTUNA 9 2 2 5 8 8 11 -3
8 SUBT 9 2 2 5 8 12 18 -6
9 JONG COLOMBIA 9 2 1 6 7 10 25 -15
10 F.C. SITHOC 9 1 1 7 4 7 26 -19
 
  90 35 20 35 125 136 136 0

 

Tabla di posishon Liga MCB Segundo Divishon;

18/5/2015 WH WG WE WP Pt GF GK Saldo
1 Vesta 8 8 0 0 24 26 3 23
2 U.D. Tera Kora 8 5 2 1 17 19 11 8
3 Indekor 8 4 1 3 13 13 11 2
4 Marquita 9 3 4 2 13 13 13 0
5 Inter Willemstad 9 3 3 3 12 18 19 -1
6 De Koning 9 2 2 5 8 10 22 -12
7 C.H. Mahuma 9 1 4 4 7 14 14 0
8 New Song 8 1 3 4 6 8 16 -8
9 Sta Cruz 8 0 3 5 3 7 19 -12
10 Car. In. University 0 0 0 0 0 0 0 0
                 
  76 27 22 27 103 128 128 0
Posted on

CONCACAF a dekretá dia 23 di mei dia pa futbòl di dama

WILLEMSTAD — Djasabra 23 di mei binidero ta dia ku CONCACAF a nombra dia di futbòl pa dama. Federashon di Futbòl Kòrsou komo miembro di CONCACAF tambe lo tuma parti na inisiativa di CONCACAF aki dor di organisá un torneo di 5 kontra 5 pa mucha muhénan di kategoria U-15 (bou di 15 aña) i pa mucha muhénan di 16 aña bai ariba.

E biaha aki ta e promé bia ku CONCACAF lo organisá e dia di futbòl pa dama aki i ta e intenshon pa esaki tuma lugá tur aña di nobo. 27 miembro di CONCACAF lo partisipá na e dia pa futbòl di dama aki i tur pais lo organisá aktividatnan en konekshon ku e dia aki.

CONCACAF ta spera ku e dia pa futbòl di dama aki lo yuda promové futbòl pa dama i ku e lo enkurashá mas mucha i hende muhénan pa partisipá na e deporte aki i krea un laso entre tur e organisashon nan partisipante.

FFK a traha un plan di 4 aña pa promové futbòl pa dama i den kuadro di e implementashon di e plan aki FFK ta organisando diferente aktividatnan pa futbòl hubenil pa dama pa pone un base amplio den futbòl pa dama aki na Kòrsou. Pareu ku esei, ta reklutando damanan talentoso pa forma selekshon nan ku lo partisipá na torneonan internashonal. Aktualmente e selekshon di dama di kategoria U-20 (bou di 20 aña) ta den preparashon pa bai representá nos den e Kampionato di U-20 pa dama di ‘Caribbean Football Union’ (CFU).

E torneo di 5 kontra 5 lo tuma lugá riba tereno di FFK (U-15) i den stadion di SUBT (16+). Ámbos torneo lo kuminsá 9or di mainta. FFK lo sòru pa e transporte di e mucha muhénan di e diferente skolnan ku a inskribí pa partisipá ku e ekiponan ku nan mes a forma.

Pa mas informashon di e aktividatnan ku FFK lo organisá por bishita nos site; www.ffk.cw i ‘like’ nos página di Facebook; Federashon Futbòl Kòrsou i asina keda na altura di desaroyo pa loke ta trata futbòl pa dama. Pa informashon di futbòl di dama spesífiko por  bishita e página di Facebook; Live Your Goals Curaçao.

FFK kier a invitá hinter e pueblo di Kòrsou pa bin presensia e dia aki. Sali un ratu ku bo famia i bin disfrutá di e dia di futbòl pa dama aki i mira kiko tur nos dama nan tin aden.

Posted on

Cpost International i Federashon di Futbòl Kòrsou ta skor Gol ku benta di karchi awor online via Righttothedoor.com

WILLEMSTAD — Cpost International (Cpost) ta uni na e keintura di nos ta #12 na momentu ku nos kompania di pòst nashonal a firma un akuerdo ku Federashon di Futbòl Kòrsou (FFK). Pueblo kompletu ta kla pa apoyá nos selekshon nashonal dia 10 di yüni próksimo na momentu ku Kòrsou enfrentá Cuba pa 8‘or di anochi den Stadion Ergilio Hato. E akuerdo ta hasi posibel pa Cpost bende karchi di entrada pa e enkuentro aki no únikamente na e diferente ofisinanan di Cpost pero tambe atraves di e webportal di Cpost, kual ta www.righttothedoor.com. Esaki ta e promé paso pa nos Federashon di futbòl lokal, FFK dal un paso inovativo ku ta pas den e demanda di e era moderno riba tereno di benta di karchi via Internèt.

Cpost ta rekonosé ku tempu ta balioso i ku nos tur ke tin akseso na kosnan na un manera mas fásil. P’esei Cpost ta ofresé e posibilidat pa hasi e.o. kompra di karchi pa e partido importante aki posibel na tur su lokalidatnan kual nan ta Punda, Groot Kwatier, Otrobanda, WTC i Santa Rosa. Ademas di nos sentronan di servisio persona nan interesá por sinta trankil na kas, ofisina òf na laman i bai riba www.righttothedoor.com pa kumpra su karchi i Cpost lo entrega esaki kaminda abo ta deseá. Si akaso bo no ta miembro ainda di righttothedoor.com, esaki ta un bon oportunidat pa bo registrá i hasi uso di e servisio aki.

Benta di karchi online a bira un desaroyo mundial. Teknologia ta hasi posibel pa e fanátiko di futbòl apoderá di su karchi na un manera fásil i kómodo. Kòrsou no por keda atras, p’esei FFK ta dal e promé paso aki en konekshon ku e kompromiso ku nos selekshon nashonal tin kontra di Cuba.

Karchinan ya ta na benta i e preisnan pa karchi pa e diferente sekshonnan ta lo siguiente:

  • VIP ta kosta Naf. 250,- (inkluso konsumo);
  • Bou di tribuna kubri ta Naf. 55,-
  • Bou di tribuna kubri parti Festival Center ta Naf. 40,-
  • Tribuna no kubri ta Naf. 30,-
  • Den e sekshon di tribuna no kubri mucha te ku 12 aña i 60+ ta paga Naf. 15.-

Un i tur ta keda enkurashá pa kumpra nan karchi i nan blusanan trempan debí ku ta spera un yeno kompleto pa e partido aki. Ya e promé zending di blusanan ta kabando i pa komienso di yüni e segundo zending lo yega pa asina tur fanátiko por tin nan blusa pa bin apoyá nos selekshon komo e number 12!

Ku e aliansa aki FFK huntu ku Cpost a hasié mas fásil pa abo tin bo karchi den bo man, pa huntu nos ta e hungadó #12. Bin sostené nos selekshon riba tereno rumbo pa Rusia ku nos viktoria riba Cuba.

Posted on

Kòrsou ta gana partido di fogeo kontra Sürnam

ALMERE — Dilanti un stadion yen ku mas di 2400 fanátiko e selekshon Nashonal di Kòrsou a derota Sürnam. Tabata ayera den stadion di Almere City FC ku e selekshon di Kòrsou a finalisá nan kampamentu di entrenamentu ku un partido di fogeo.

E selekshon di Kòrsou a kue e bentaha trempan den e promé mitar ku un tiru di distansia di Vidarrell Merencia. E selekshon di Sürnam ta empatá e partido na un djis algu promé ku final di e promé mitar.

Den e di dos mitar tabata Prince Rajcomar ku ta manda e selekshon di Kòrsou ariba bek. No muchu despues, Jason Wall ta amplia e bentaha ku un kabesaso riba un kòrner kobra pa Germaine Agustien.

No faltando muchu pa e partido finalisá Sürnam ta anotá nan di dos gol pa kòrta e bentaha. Apersar di esaki e selekshon di Kòrsou ta wanta i ta logra e viktoria di 3-2 riba Sürnam.

Segun Patrick Kluivert, “e partido tabata un bon entrenamentu pa ambos selekshon.” Pa loke ta trata e selekshon di Kòrsou, Kluivert a bisa ku nan lo hunga un partido di fogeo mas riba 5 di yüni na Kòrsou pero ainda e kontrinkante no ta konosí.

Dia 10 di yüni pa 8’or di anochi Kòrsou lo enfrentá Cuba den Stadion Ergilio Hato (SDK) miéntras 14 di yüni 4or di atardi Cuba lo enfrentá Kòrsou un bia mas na Havana, Cuba.

Grabashon di e partido

 

Posted on

Kòrsou ta enfrentá Sürnam awe

ALMERE — Despues di algun dia di entrenamentu na Hulanda e selekshon di Kòrsou ta hunga un partido di fogeo awe kontra Sürnam. Tur esaki ta den preparashon pa e partido di segunda buèlta kontra Cuba dia 10 i 14 di yüni próksimo.

E partido di fogeo kontra Sürnam lo tuma lugá awe 1’or di mèrdia ora lokal di Kòrsou den stadion di Almere City FC na Hulanda. Dia 17 i 18 di mei último 2 hungadó di e selekshon residensia na Kòrsou, huntu ku Sr. Etienne Siliee, Presidente di FFK Sr. Jean Fransisca i algun miembro di nos staf a biaha pa Hulanda pa uni ku e sobra hungadónan di Hulanda pa asina por kuminsá ku e entrenamentunan.

Segun informashonnan e selekshon di Sürnam lo konta ku e siguiente hungadónan: Milano Koenders, Evander Sno, Nigel Hasselbaink, Mitchell Schet, Danzell Gravenberch, Mitchell Donald, Donovan Slijngard, Gianni Zuiverloon, Roland Alberg, Dion Malone, Calvin Mac-Intosch, Gino Coutinho, Mitchell Burgzorg, Genaro Snijders, Rodney Ubbergen, Lorenzo Davids, Sidney Schmelz, Mikhail Rosheuvel.

Miéntras ku Kòrsou lo konta ku: Kemy Agustien, Shanon Carmelia, Luiginio Hoyer, Gillian Justiana, Darryl Lachman, Gianluca Maria, Derwin Martina, Shelton Martis, Papito Merencia, Zeus de la Paz, Prince Rajcomar, Jonathan Richard, Jason Wall, Rowendy Sumter, Ayrton Statie, Jeremy de Nooijer.

Mas aleu, FFK a anunsiá ku e flanelnan di e selekshon di Kòrsou a yega i ta optenibel na FFK bou di ora di ofisina na balor di fl.35. E flanelnan ta kuminsá na size S i ta yega te na 3 XL. Tambe tin size pa mucha manera size 8, 10, 12, 14 i 16. Kòrda ku na FFK no por ‘swipe’.

Partido Kòrsou kontra Sürnam

Posted on

Victory Boys ta derota Scherpenheuvel

WILLEMSTAD — E kampionato di futbòl promé divishon Liga MCB a kontinuá ayera ku un partido den Stadion Antoine Maduro (SUBT). Den e partido aki tabata e ekipo di Victory Boys ku a enfrentá Scherpenheuvel. Tabata Victory Boys ku a bai ku e tres puntonan den e partido aki derotando Scherpenheuvel ku skor di 2-0.

Tabla di posishon despues di e promé buèlta

Ekipo H G E P GF GK GD Pt.
C. Dominguito 9 9 0 0 19 6 13 27
CSD Barber 9 6 1 2 30 11 19 19
Jong Holland 9 5 3 1 13 5 8 18
Victory Boys 9 5 1 3 16 9 7 16
Undeba 9 2 4 3 12 13 -1 10
Scherpenheuvel 9 1 5 3 9 12 -3 8
Hub. Fortuna 9 2 2 5 8 11 -3 8
Subt 9 2 2 5 12 18 -6 8
Jong Colombia 9 2 1 6 10 25 -15 7
FC Sithoc 9 1 1 7 7 26 -19 4
Posted on

Kòrsou su selekshon ku karanan nobo ta kuminsá awe ku kampamentu di entrenamentu

ZEIST — Tin algun kara nobo den e kampamentu di entrenamentu di e selekshon Nashonal di Kòrsou ku ta kuminsá awe. Den e karanan aki tin e kiper estelar di Vitesse, Eloy Room. Segun informashonnan, Room a tuma e desishon definitivo pa forma parti di e selekshon di Kòrsou.

Tambe Patrick Kluivert a invitá na e kampamentu di entrenamentu e medio kampista di Sparta Jeremy de Nooijer. de Nooijer ta yu di èks-futbolista profeshonal Dennis de Nooijyer. Segun Jeremy di 23 aña di edat, su mama tin sanger Antiano p’esei e por hunga pa Kòrsou. “Mi mama ta mitar Antiano i mitar Etiopiano”, e medio kampista di Sparta a bisa.

E selekshon di Kòrsou lo hiba un kampamentu di entrenamentu di tres dia na Hulanda. E kampamentu aki ta kulminá djárason ku e partido di fogeo kontra Sürnam den e stadion di Almere City.

Den un nota ménos positivo, e selekshon di Kòrsou lo no por konta ku Charlton Vicento den e kampamentu aki. Vicento a leshoná den fin di siman tras di lomba. E gravedat di e leshon no ta konosí ainda, pero si e ekipo a anunsiá ku Charlton lo no hunga otro siman pa e ekipo. Tabata Charlton Vicento ku den e partido kontra Montserrat a drenta na di 82 minüt i despues empatá e partido na di 87 minüt, hinkando Kòrsou den e siguiente buèlta di eliminatorio pa Mundial 2018.

Posted on

Centro Dominguito, Centro Barber i Jong Holland ku viktoria den wikènt tras di lomba

WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan den Stadion Antoine Maduro (SUBT). Riba djabièrnè tabata e ekipo di Centro Dominguito ku a enfrentá Sithoc. Akinan tabata Centro Dominguito ku a bai ku e viktoria ora ku nan a gana Sithoc ku skor di 2-0.

Riba djasabra tabata tin dos partido. Den e promé partido tabata e ekipo di UNDEBA ku a enfrentá Hubentut Fortuna. Den e partido aki ambos ekipo a logra bai kas ku un punto despues di a empatá na un gol pa banda.

Den e di dos partido di djasabra tabata e ekipo di Jong Holland ku a topa ku e ekipo di Jong Colombia. Akinan tabata Jong Holland ku a sali for di e porta grandi derotando Jong Colombia ku skor di 5-1.

Por ultimo, riba djadumingu tabata tin e partido entre Centro Barber i SUBT. Akinan tabata Centro Barber kua logra e viktoria despues di a golia SUBT ku skor di 7-1.

Liga MCB ta kontinuá awe nochi ku otro partido den Stadion Antoine Maduro (SUBT). Awe nochi mitar di nuebe e ekipo di Victory Boys lo enfrentá Scherpenheuvel.

Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media