Category: Futbòl

Posted on

Liga MCB Promé i Segundo Divishon ta kontinuá

WILLEMSTAD — Liga MCB Promé i Segundo Divishon ta kontinuá den gran forma ku e delaster partidonan di e promé buèlta

Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl. Liga MCB Promé Divishon ta kosta solamente fl.6,- general miéntras ku mucha te ku 12 aña i 60+ ta kosta fl.2.50. E djadumingu aki portanan lo habri 4’or kaminda ku e públiko presente por disfrutá di e partido di Liga MCB Segundo Divishon pa despues kontinuá ku e partido di Liga MCB Promé Divishon.

Tene na kuenta ku te ku fin di mei tur wega di Liga MCB Promé Divishon lo ta na Stadion Antoine Maduro (SUBT) debí ku SDK lo ta será pa motibu di konstrukshon di e tereno.

Wega nan pa wikènt i próksimo siman, Liga MCB Promé Divishon:

Djabièrnè 15 mei 15 20.30 C.Dominguito vs FC Sithoc SUBT
Djasabra 16 mei 15 19.00 Undeba vs Hub. Fortuna SUBT
21.00 Jong Holland vs Jong Colombia
Djadumingu 17 mei 15 18.00 CSD Barber vs Subt SUBT
Djaluna 18 mei 15 20.30 Victory Boys vs Scherpenheuvel SUBT

Tur e partidonan aki ta tuma lugá na Stadion Antoine Maduro (SUBT)

Wega pa wikènt, Liga MCB Segundo Divishon:

Djadumingu 17 mei 15 16.00 Car. Int. University vs New Song SUBT

E partido aki ta tuma lugá na Stadion Antoine Maduro (SUBT)

Posted on

Centro Barber ta gana di Hubentut Fortuna

WILLEMSTAD — E kampionato di futbòl promé divishon Liga MCB a kontinuá ayera ku un partido den Stadion Antoine Maduro (SUBT). Den e partido aki tabata Centro Barber ku a enfrentá e ekipo di Hubentut Fortuna. Tabata Centro Barber ku a logra e viktoria den e partido aki derotando Hubentut Fortuna ku skor di 2-0.

Liga MCB ta kontinuá durante e fin di siman benidero manera ta kustumber.

Posted on

Kambio di fecha di klínika di NEC

WILLEMSTAD — E klínika di NEC ku tabata plania pa dia 14 di mei a keda kambia pa awe djárason 13 di mei.

Den kuadro di bishitá di NEC Voetbal Club, ku a kaba di promové pa e promé divishon aya na Hulanda, nan a ofresé pa tene un klínika pa nos entrenadó nan i miembronan di staf médiko di nos ekiponan lokal durante nan estadia aki na Kòrsou.

E klínika lo tin dos workshop separá ku ta tuma lugá dia 13 di Mei 2015 di 18.30pm pa 21.30pm.

E workshop nan aki lo tuma lugá na FFK Trainings Centrum i na FFK Fitness Centrum na Brievengat.

E promé workshop lo analisá e konsepto teóriko di desaroyo di kiper i lo ta na enkargo di sr. Wilfred Brookhuis i despues lo sigui un seshon di práktika ku nos kipernan lokal huntu ku e kiper di NEC sr. Jorritsma Smeets. Miéntras e di dos workshop lo kubri e inovashon riba kuido médiko di un tim di futbòl na enkargo di e staf médiko di NEC.

E workshop destiná pa kipernan lo tuma lugá den sala reunion di FFK i despues riba tereno, miéntras ku e workshop pa e staf médiko ta den e Fitness Center di FFK.

Tene kuenta ku tur dos presentashon ta tuma lugá na e mesun oranan ariba menshoná.

E invitashon ta pa prinsipalmente tur nos kipernan for di hubenil te ku senior i tambe nos entrenadó nan i staf médiko di futbòl lokal.

Por inskribí na ofisina FFK via di numbernan di telefòn 736-5040 òf 7365042 i por puntra pa yùfrou Nadine Carolina.

Posted on

Sithoc i Scherpenheuvel ta kompartí punto den Liga MCB

WILLEMSTAD — E kampionato di futbòl promé divishon Liga MCB a kontinuá ayera ku un partido den Stadion Antoine Maduro (SUBT). Den e partido aki tabata Sithoc ku a enfrentá e ekipo di Scherpenheuvel. Den e partido aki ambos ekipo a bai kas ku un punto despues di a empatá na cero gol.

Liga MCB ta kontinuá awe ku otro partido mitar di nuebe di anochi den Stadion Antoine Maduro (SUBT). Akinan ta e ekipo di Hubentut Fortuna lo enfrentá Centro Barber.

Posted on

NEC ku un tremendo klínika pa entrenadónan i miembronan di staf médiko di e ekiponan di futbòl di Kòrsou

WILLEMSTAD — Den kuadro di bishita di NEC Voetbal Club, ku a kaba di promové pa e promé divishon aya na Hulanda, nan a ofresé pa tene un klínika pa nos entrenadónan i miembronan di staf médiko di nos ekiponan lokal durante nan estadia aki na Kòrsou.

E klínika lo tin dos workshop separá ku ta tuma lugá dia 14 di Mei 2015 di 18.30pm pa 21.30pm. E workshop nan aki lo tuma lugá na FFK Trainings Centrum i na FFK Fitness Centrum na Brievengat.

E promé workshop lo analisá e konsepto teorétiko di desaroyo di kiper den teoria ku lo ta na enkargo di sr. Wilfred Brookhuis i despues lo sigui un seshon di práktika ku nos kipernan lokal huntu ku e kiper di NEC sr. Jorritsma Smeets. Mientras e di dos workshop lo kubri e inovashon riba kuido médiko di un tim di futbòl na enkargo di e staf médiko di NEC.

E workshop destiná pa kipernan lo tuma lugá den sala reunion di FFK i despues riba tereno, miéntras ku e workshop pa e staf médiko ta den e Fitness Center di FFK.

Tene kuenta ku tur dos presentashon ta tuma lugá na e mesun oranan ariba menshoná.

E invitashon ta pa prinsipalmente tur nos kipernan for di hubenil te ku senior i tambe nos entrenadó nan i staf médiko di futbòl lokal.

Por inskribí na ofisina di FFK via di numbernan di telefòn 736-5040 òf 736-5042 i por puntra pa yùfrou Nadine Carolina.

Posted on

Centro Dominguito i Victory Boys ku viktoria den Liga MCB

WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan na Stadion Antoine Maduro (SUBT). Riba djabièrnè tabata tin un partido entre e ekipo di Jong Holland i UNDEBA. Akinan ambos ekipo a bai kas ku un punto ora ku nan a empatá na cero gol.

Djasabra e kampionato a kontinuá ku dos partido. Den e promé partido tabata Jong Colombia ku a enfrentá Centro Dominguito. Akinan tabata Centro Dominguito ku a kue e tres puntonan derotando Jong Colombia ku skor di 3-2.

Den e di dos partido di djasabra tabata SUBT ku a enfrentá Victory Boys. Akinan tabata Victory Boys ku a logra e viktoria derotando SUBT ku skor di 2-1.

Liga MCB ta kontinuá djamars próksimo mitar di nuebe di anochi na  Stadion Antoine Maduro (SUBT) ku e partido entre Sithoc i Scherpenheuvel. Despues djárason na mesun lokalidat i orario tin e partidó entre Hubentut Fortuna i Centro Barber.

Posted on

Liga MCB Promé i Segundo Divishon ta kontinuá

WILLEMSTAD — Liga MCB Promé i Segundo Divishon ta kontinuá den gran forma. Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl. Liga MCB Promé Divishon ta kosta solamente fl.6,- general miéntras ku mucha te ku 12 aña i 60+ ta kosta fl.2.50. Liga MCB Segundo Divishon ta grátis.

Tene na kuenta ku te ku fin di mei tur wega di Liga MCB Promé Divishon lo ta na Stadion Antoine Maduro (SUBT) debí ku SDK lo ta será pa motibu di konstrukshon di e tereno. 

Weganan pa wikènt binidero i weganan pa próksimo siman di Liga MCB Promé i Segundo Divishon.

Wega nan pa wikènt i próksimo siman, Liga MCB Promé Divishon: 

Djabierne 8 mei 15    20.30 JongHolland vs Undeba SUBT
Djasabra 9 mei 15    19.00 JongColombia vs C.Dominguito SUBT
   21.00 Subt vs Victory Boys SUBT
Djamars 12 mei 15    20.30 FCSithoc vs Scherpenheuvel SUBT
Djarason 13 mei 15    20.30  Hub. Fortuna vs CSD Barber SUBT

Tur e partidonan aki ta tuma lugá na Stadion Antoine Maduro (SUBT)

Weganan pa próksimo siman, Liga MCB Segundo Divishon: 

Djaluna 11 mei 15 19.00 Car. Int. University vs Indekor
21.00 U.D.TeraKora vs Vesta

Tur e partidonan aki ta tuma lugá na FFK

 

Posted on

Kòrsou lo hunga partido di fogeo kontra Sürnam

WILLEMSTAD — Manera ya ta konosí nos selekshon nashonal lo tin ku enfrentá Cuba den e segundo buèlta di e weganan pa eliminatorio pa mundial Rusia 2018. E promé partido lo tuma lugá aki na Kòrsou dia 10 di yüni 8or den Stadion Ergilio Hato (SDK) miéntras e segundo partido lo tuma lugá aya  na Cuba den stadion Perdo Morero pa 4or di atardi dia 14 di yüni próksimo.

Nos selekshon lo bai kuminsá prepará pa e 2 kompromisonan aki, na Hulanda entre 18-20 di mei kaminda e trainingnan nan lo kuminsá i dia 20 di mei nos selekshon lo bai hunga un wega di fogeo na Hulanda kontra di Sürnam.

Nos staf tékniko i e hungadónan residensia na Kòrsou lo sali for di Kòrsou dia 17 di mei i ta regresá 21 di mei for di Hulanda pa kumpli ku e training nan aki na Kòrsou.

E mesun dia ei, esta 21 di mei Sr. Patrick Kluivert lo publiká e lista di tur e hungadónan ku a wòrdu invitá pa partisipá na nos selekshon nashonal ku lo tin ku enfrentá Cuba.

Ta e intenshon pa dia promé di yüni e trainingnan start aki na Kòrsou kaminda nos hungadónan lokal lo djòin nos hungadónan  internashonal. Durante e trainingnan aki na Kòrsou tambe lo tin un wega di fogeo pa prepará pa e wega di 10 di yüni.

Nos selekshon ta sali dia 12 di yüni mainta i lo entrená e dia aki mes komo preparashon pa e di 2 wega dia 14 di yüni 4or di atardi na Cuba den stadion Pedro Morero i nan lo regresá djaluna, 15 di yüni.

Interes den e pueblo ta sumamente altu pa asistí na tantu e partido ku lo tuma lugá aki na Kòrsou komo esun na Cuba, p’esei nos ke rekomendá tur hende ku ke bai Cuba pa presensia e wega aki i apoyá nos selekshon nashonal rumbo pa mundial Rusia 2018, pa tuma kontakto ku Insel Air òf un agensia di biahe pa asegurá bo lugá.

Entrante djárason, 6 di mei karchinan lo ta na benta pa e partido ku ta tuma lugá 10 di yüni próksimo aki na Kòrsou.

E preisnan ta lo siguiente:

  • VIP ta kosta Nafl.250,-  (inkluíkonsumo);
  • Bou di tribuna kubri ta Naf.55,-
  • Bou di tribuna kubriparti Festival Center ta Nafl.40,-
  • Tribunano kubri ta Nafl.30,- i den e sekshon aki mucha te ku 12 aña i 60+ ta paga Naf.15.-

Karchinan ta optenibel na FFK bou di ora di ofisina, na Pomp di gasolin Sta Maria, Botika Mampuritu i na Beep Beep.

Nos ta pidi tur fanátiko, e number 12, pa kumpra bo karchi trempan pa bin sostené i apoyá nos selekshon nashonal komo e number 12!

Nos selekshon i nos hungadónan ta konta kubo sosten masal den SDK dia 10 di yüni pa 8or di anochi!

Posted on

Jong Colombia i Scherpenheuvel ta kompartí punto den Liga MCB

WILLEMSTAD — E kampionato di futbòl promé divishon Liga MCB a kontinuá ayera ku un partido den Stadion Antoine Maduro (SUBT) ora ku Jong Colombia a topa ku e ekipo di Scherpenheuvel. Den e partido aki ambos ekipo a hasi bon ku otro i kompartí e puntonan despues di un empatá na un gol. Pa Scherpenheuvel e gol a keda anotá pa Nigel Valorina mientras ku pa Jong Colombia tabata Munir Asiedi ku ta anotá na di 90+ minüt.

Posted on

Barber, Dominguito, Sithoc i SUBT ku viktoria den Liga MCB

WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan na Stadion Antoine Maduro (SUBT). Riba djasabra tabata e ekipo di Centro Barber ku a enfrentá UNDEBA. Akinan tabata Centro Barber ku a logra bai ku e viktoria derotando UNDEBA ku skor di 3-1. Pa Barber e golnan a keda anotá pa Jurensley Martina (2x) i Kenneth Kunst. Miéntras ku e úniko di UNDEBA a keda anotá pa Jimbertson Vapor.

Den e di dos partido di djasabra tabata e ekipo di Centro Dominguito ku a enfrentá Jong Holland. Akinan tabata Centro Dominguito ku a sali di e porta grandi derotando Jong Holland ku skor di 1-0. Pa Dominguito e gol a keda anotá pa Norvaniel Naar.

Djadumingu tambe tabata tin dos partido. Den e promé partido Hubentut Fortuna ku a enfrentá SUBT. Akinan tabata SUBT ku a bai ku e tres puntonan despues di a derota Hubentut Fortuna 1-0. Pa SUBT e gol a keda anotá pa Kacir Jimenez.

Den e di dos partido di djadumingu Sithoc a topa ku e ekipo di Victory Boys. Akinan tabata Sithoc ku ta logra nan promé tres puntonan den Liga MCB derotando Victory Boys ku skor di 3-1. Pa Sithoc e golnan a keda anotá pa Jason Inecia i Raylison Amerikaan miéntras ku Cedricson Antonio ta hinka un outogol. Pa Victory Boys e úniko gol a keda anotá pa medio di un pinalti kobra pa Raylison Lindo.

Liga MCB ta kontinuá awe nochi ku e partido entre Jong Colombia i Scherpenheuvel na Stadion Antoine Maduro (SUBT).

Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media