Category: Futbòl

Posted on

Partidonan di Liga MCB Promé i Segundo Divishon pa wikènt benidero

WILLEMSTAD — Liga MCB Promé i Segundo Divishon ta kontinuá den gran forma. Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl. Liga MCB Promé Divishon ta kosta solamente fl.6,- general miéntras ku mucha te ku 12 aña i 60+ ta kosta fl.2.50. Liga MCB Segundo Divishon ta kompletamente grátis!

Tene na kuenta ku te ku fin di mei tur wega di Liga MCB Promé Divishon lo ta na Stadion Antoine Maduro (SUBT) debí ku SDK lo ta será pa motibu di konstrukshon di e tereno.

En konekshon ku e fayesimentu di un miembro di UD Tera Kòrá a kanselá e wega di ayera. Konsekuentemente mester a adaptá e skema di Liga MCB Segundo Divishon. Por fabor tuma bon nota di e fecha i orario di e weganan adaptá.

Wega nan pa wikènt, Liga MCB Promé Divishon:  

Djasabra 2 mei 15 19.00 CSD Barber vs Undeba SUBT
21.00 JongHolland vs C.Dominguito SUBT
Djadumingu 3 mei 15 17.00 Hub. Fortuna vs Subt
19.00 Sithoc vs Victory Boys SUBT
Djaluna 4 mei 15 20.30 JongColombia vs Scherpenheuvel


Kanselashon di wega, Liga MCB Segundo Divishon:

Djarason 29 aprel 15     19.00 Indekor vs U.D.TeraKora FFK

Weganan pa próksimo siman, Liga MCB Segundo Divishon: 

Djaluna 4 mei 15 19.30 de Koning vs C.H.Mahuma
Djamars 5 mei 15 19.00 Indekor vs U.D.TeraKora
21.00 New Song vs Marquita
Djarason 6 mei 15 19.30 Sta. Cruz vs Inter Willemstad
Djaluna 11 mei 15 19.00 Car. Int. University vs Indekor
21.00 U.D.TeraKora vs Vesta

 

 

Posted on

Gran apertura di Liga Lito 2015

WILLEMSTAD — Liga Lito, patrosiná pa MCB, ta e liga di futbòl pa nos muchanan di U-6 ku U-8 (edat bou di 6 i 8 aña) ku kada dos siman riba djadumingu di mainta pa mèrdia, ta ehersé nan deporte preferí na tereno di FFK.

Despues ku aña pasa, 14 di dezèmber 2014 a klousura Liga Lito pa e aña ei, kaminda nos muchanan, coachnan, mayornan i un gran públiko a gosa un bòl, den presensia di Lito, ku tambe a asistí na klousura di su liga, MCB i FFK kier a anunsiá e apertura di Liga Lito 2015.

Esaki ta tuma lugá djadumingu aki, 26 di aprel 10or di mainta na tereno di FFK.

FFK kier a yama danki na tur e timnan ku a partisipá na Liga Lito, e coachnan, mayornan, prensa, rèfrinan, komishon Lito, nos spònser MCB, Lito i tur ku a duna un aporte na un eksitoso liga Lito di aña pasa i ta spera tur hende ku e mesun entusiasmo pa nos por tin un Liga Lito 2015 eksitoso e aña aki tambe.

Un yamada ta bai na hinter e pueblo di Kòrsou i spesialmente e fanátikonan di futbòl pa asistí na e liga dediká nos chikitin nan. Bin presensia e weganan aki ku ta kompletamente grátis i disfrutá di e partidonan aki ku hinter bo famia.

Posted on

Liga MCB Promé i Segundo Divishon ta kontinuá

WILLEMSTAD — Liga MCB Promé i Segundo Divishon ta kontinuá den gran forma. Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl. Liga MCB Promé Divishon ta kosta solamente fl.6,- general miéntras ku mucha te ku 12 aña i 60+ ta kosta fl.2.50. Liga MCB Segundo Divishon ta grátis.

Tene na kuenta ku entrante e wikènt aki te ku fin di mei tur wega di Liga MCB Promé Divishon lo ta na Stadion Antoine Maduro (SUBT) debí ku SDK lo ta será pa motibu di konstrukshon di e tereno.

Wega nan pa wikènt, Liga MCB Promé Divishon: 

Djabièrnè 24 aprel 15  20.30 Jong Holland vs FCSithoc SUBT
Djasabra 25 aprel 15  19.00 CSD Barber vs Victory Boys SUBT
 21.00 Hub. Fortuna vs JongColombia
Djadumingu 26 aprel 15  17.00 Scherpenheuvel vs C.Dominguito SUBT
 19.00 Subt vs Undeba

Tur e partidonan aki ta tuma lugá na Stadion Antoine Maduro (SUBT) 

Weganan pa próksimo siman, Liga MCB Segundo Divishon: 

 

Djamars 28 aprel 15 19.00 C.H.Mahuma vs StaCruz FFK
 21.00 DeKoning vs New Song
Djárason 29 aprel 15  19.00 Indekor vs U.D.TeraKora FFK
21.00 Inter Willemstad vs Vesta
 20.30 Marquita vs Car. In. University SDK

 

Posted on

Gobièrnu di Kòrsou ta finansiá yerba artifisial nobo pa Stadion Ergilio Hato

WILLEMSTAD — Stadion Ergilio Hato (SDK) ta bai haña un renobashon di e vèlt di futbòl kompleto, den sentido ku yerba artifisial nobo lo keda poné riba henter e vèlt. Gobièrnu di Kòrsou, enkabesá pa nos Promé Minister, sr. Ivar Asjes, via di e fondonan pa invertí den fasilidatnan deportivo ku Reda Sosial ta manehá, ta bai realisá esaki den kooperashon ku e Federashon di Futbòl Kòrsou i Fundashon Fasilidatnan Deportivo Kòrsou.

Segun planifikashon, aki algun siman nos deportistanan i hóbennan por praktiká nan deporte preferí riba un tereno totalmente renobá ku yerba nobo. Ku e desaroyo positivo aki, Gobièrnu ta demostrá un biaha mas ku ta trahando duru pa engrandesé deporte na Kòrsou.

Ta premirá ku e vèlt di futbòl renobá lo ta kompletamente kla promé ku e wega di nos selekshon Nashonal di futbòl kontra Cuba na yüni awor. Promé Minister Asjes ta sumamente kontentu ku kosnan ta kanando den un bon direkshon pa nos Pueblo masalmente bin stadion i animá nos selekshon Nashonal di futbòl riba un tereno di yerba nòbs nòbs ku ta kumpli ku reglanan di FIFA.

Posted on

UNDEBA ta propiná Sithoc su di sinku derota

WILLEMSTAD — E kampionato di futbòl promé divishon Liga MCB a kontinuá ayera ku un partido den Stadion Ergilio Hato ora ku UNDEBA topa ku e ekipo di Sithoc. Den e partido aki tabata e ekipo di UNDEBA kua bai ku e tres puntonan derotando Sithoc ku skor di 3-2. Pa UNDEBA e golnan a keda anotá pa; Jimbertson Vapor (2x) i Ruensley Leuteria. Miéntras ku pa Sithoc e golnan a keda anotá pa Jason Inecia i Jonnathan Geertruida.

Tabla di posishon despues di kuater siman:

Ekipo H G E P GF GK GD Pt.
C. Dominguito 5 5 0 0 11 3 8 15
Jong Holland 5 3 2 0 6 3 3 11
Victory Boys 5 3 1 1 10 3 7 10
CSD Barber 5 2 1 2 16 8 8 7
Undeba 5 2 1 2 9 8 1 7
Scherpenheuvel 5 1 3 1 7 7 0 6
Jong Colombia 5 2 0 3 5 13 -8 6
Subt 5 1 1 3 8 8 0 4
Hub. Fortuna 5 1 1 3 4 6 -2 4
FC Sithoc 5 0 0 5 4 21 -17 0
Posted on

Barber, Dominguito, Jong Holland i Victory Boys ku triunfo den Liga MCB

WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan na Stadion Antoine Maduro i na Stadion Ergilio Hato. Riba djabièrnè tabata e ekipo di Hubentud Fortuna ku a enfrentá Victory Boys den Stadion Antione Maduro. Akinan tabata Victory Boys ku a logra bai ku e viktoria derotando Hubentud Fortuna ku skor di 2-0. Pa Victory Boys e golnan a keda anotá pa Randel Winklaar i Jhudamier Marchena.

Riba djasabra tabata tin dos partido den Stadion Ergilio Hato. Den e promé partido tabata Centro Barber ku a derota Jong Colombia ku skor di 4-1. Pa Centro Barber e golnan a keda anotá pa; Geryon Alberto (2x), Christopher Isenia i Jurensley Martina. Miéntras ku e úniko di Jong Colombia a keda anotá pa Kendrith Poulino

Den e di dos partido di djasabra tabata e ekipo di SUBT ku a enfrentá Centro Dominguito. Akinan tabata Centro Dominguito ku a sali di e porta grandi derotando SUBT ku skor di 3-0. Pa Dominguito e golnan a keda anotá pa Norvianel Naar (2x) i Shaquelle Clements.

Riba djadumingu tabata Jong Holland ku a enfrentá Scherpenheuvel den e úniko partido pa djadumingu. Akinan Jong Holland ku a bai kas ku e tres puntonan despues di a derota Scherpenheuvel ku skor di 2-1. Pa Jong Holland e golnan a keda anotá pa Nathan Martina i Kemoy Reid, miéntras ku pa Scherpenheuvel e úniko gol a keda anotá pa Naigel Valorian.

Awe djaluna Liga MCB ta kontinuá ora ku UNDEBA topa ku e ekipo di Sithoc den Stadion Ergilio Hato.

Posted on

Liga MCB Promé i Segundo Divishon ta kontinuá

WILLEMSTAD — Liga MCB Promé i Segundo Divishon ta kontinuá e wikènt i siman aki den gran forma. E biaha aki ku algun adaptashon den siman i wikènt. Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl. Liga MCB Promé Divishon ta kosta solamente fl.6,- general miéntras ku mucha te ku 12 aña i 60+ ta kosta fl.2.50. Liga MCB Segundo Divishon ta grátis.

Wega nan pa wikènt i siman, Liga MCB Promé Divishon: 

Djabierne 17 aprel 15  20.30 Hub. Fortuna vs Victory Boys SUBT
Djasabra 18 aprel 15  19.00 CSD Barber vs Jong Colombia SDK
 21.00 Subt vs C. Dominguito SDK
Djadumingu 19 aprel15  19.00 Jong Holland vs Scherpenheuvel SDK
Djaluna  20 aprel15  20.30 Undeba vs FC Sithoc SDK

Wega nan pa wikènt i siman, Liga MCB Segundo Divishon: 

Djadumingu 19 aprel15 17.00 Car. In. University vs New Song SDK
Djaluna 20 aprel15  21.00 C.H. Mahuma vs Vesta FFK
Djamars 21 aprel15  19.00 De Koning vs Sta Cruz FFK
 21.00 Marquita vs Indekor FFK
Djarason 22 aprel15 19.30 Inter Willemstad vs U.D. TeraKora FFK

 

Posted on

Andres Constansia ta drenta Salon di Fama di CONCACAF

BAHAMAS — CONCACAF a anunsiá ayera ku tres persona a keda skohe pa su Salon di Fama komo muestra di honor pa nan kontribushon na futbòl. E tres persona nan ku a keda selekshoná ta Andres Constansia di Kòrsou, Rafael Callejas di Honduras i Aaron Padilla di Meksiko.

Segun presidente di CONCACAF, Jeffrey Webb; “Salon di Fama ta e manera apropiá pa honra personanan prominente manera Andres Constansia, Rafael Callejas i Aaron Padilla, ku kada un a hasi un impakto den historia di e deporte i e konfederashon.”

Huntu ku presidente di FIFA Joseph Blatter, presidente Webb a otorga un plakat na e honorarionan. Ku e adishon di señornan Constansia, Callejas i Padilla e Salon di Fama di CONCACAF tin 36 miembro. Di e 36 meimronan aki awor Korsou tin dos miembro den Salon di Fama di CONCACAF, esta sr. Andres Constansia i sr. Mordy Maduro (dfm).

Sr. Andres Avelino Constansia a nase na Kòrsou dia 10 di novèmber 1936 i a traha na fabor di futbòl pa mas di 50 aña. E la kuminsá komo hungadó di Jong Colombia, pa despues sirbi komo coach i dirigente pa e ekipo. Bou di su supervishon Jong Colombia a logra numeroso título di Kòrsou i di Antias. Tambe Sr. Constansia a sirbi komo presidente di Curaçaose Voetbal Bond (CVB) i tambe Nederlands Antilliaanse Voetbal Unie (NAVU). Tambe Sr. Constansia tabata miembro di direktiva di Caribbean Football Union i tambe miembro di e Komishon Finansiero di FIFA.

Posted on

Kòrsou lo enfrentá Cuba dia 10 i 14 di yüni próksimo

WILLEMSTAD — Despues ku resientemente e selekshon di Kòrsou a enfrentá e ekipo di Montserrat na dos okashon i a logra klasifiká pa e siguiente buèlta pa e weganan eliminatorio di mundial Russia 2018. Preparashonnan ya a kuminsá pa nos siguiente kompromisonan na yüni benidero kontra Cuba. Despues di algun negosiashon a yega na akuerdo ku e fecha nan pa e kompromisonan aki lo ta 10 i 14 di yüni benidero.

Dia 10 di yüni pa 8’or di anochi Kòrsou lo enfrentá Cuba den Stadion Ergilio Hato (SDK) miéntras 14 di yüni 4or di atardi Cuba lo enfrentá Kòrsou un bia mas na Havana, Cuba.

Interes den e pueblo ta sumamente altu pa asistí na tantu e partido ku lo tuma lugá aki na Kòrsou komo esun na Cuba, p’esei nos ke rekomendá tur hende ku ke bai Cuba pa presensia e wega aki i apoyá nos selekshon nashonal rumbo pa mundial Rusia 2018, pa tuma kontakto ku Insel Air òf un agensia di biahe pa asegurá bo lugá. Mas den transkurso di luna nos lo manda mas informashon pa tur ku ta interesá pa biaha ku nos selekshon.

Pronto karchinan lo ta na benta pa e partido ku ta tuma lugá 10 di yüni próksimo aki na Kòrsou.

E preisnan ta lo siguiente:

  • VIP ta kosta Nafl.250,- (inkluí konsumo);
  • Bou di tribuna kubri ta Naf.55,-
  • Bou di tribuna kubri parti Festival Center ta Nafl.40,-
  • Tribuna no kubri ta Nafl.30,- i den e sekshon aki mucha te ku 12 aña i 60+ ta paga Naf.15.-

Un yamada ta bai pa hinter e pueblo di Kòrsou pa sigui apoyá i sostené nos selekshon nashonal komo e number 12!

Posted on

Centro Dominguito, Jong Colombia, Jong Holland i Victory Boys ku tres punto den Liga MCB

WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan na Stadion Antoine Maduro i na Stadion Ergilio Hato. Riba djabièrnè tabata e ekipo di UNDEBA ku a enfrentá Victory Boys den Stadion Antione Maduro. Tabata Victory Boys ku a logra bai ku e viktoria derotando UNDEBA ku skor di 3-1. Pa Victory Boys e golnan a keda anotá pa Randel Winklaar, Jhudamier Marchena i Norman Hoyer. E úniko gol di UNDEBA a keda anotá pa Ruensley Leuteria.

Riba djasabra tabata tin dos partido den Stadion Ergilio Hato. Den e promé partido tabata Jong Holland ku a derota SUBT ku skor di 2-1. Pa Jong Holland tabata Nathan Marina i Jerachmeel Cleofa ku a anotá. Miéntras ku pa SUBT tabata Harold Vargas.

Den e di dos partido di djasabra tabata e ekipo di Jong Colombia ku a enfrentá Sithoc. Akinan tabata Jong Colombia ku a sali di e porta grandi derotando Sithoc ku skor di 2-1. Pa Jong Colombia e golnan a keda anotá pa Frenly Servania i Munier Asiedu. E úniko gol di Sithoc a keda anotá pa Jason Inecia.

Riba djadumingu tabata Hubentut Fortuna ku a enfrentá Scherpenheuvel den e promé partido. Akinan ambos e ekipo a logra bai kas ku un punto despues di un empate na un gol. Pa Hubentut Fortuna e gol a keda anotá pa Luis Miranda miéntras ku pa Scherpenheuvel e gol a keda anotá pa Naigel Valorian.

Den e ultimo partido di wikènt e ekipo di Centro Barber a topa ku Centro Dominguito. Akinan tabata Centro Dominguito ku a sali viktorioso ku skor di 3-1 riba Barber. E golnan di Dominguito a keda anotá pa Ashar Bernardus, Luidjino Hoyer i Shaquelle Clements. E gold i Barber a keda anotá pa Christopher Isenia.

Tabla di posishon despues di kuater siman:

Ekipo H G E P GF GK GD Pt.
C. Dominguito 4 4 0 0 8 3 5 12
Jong Holland 4 2 2 0 4 2 2 8
Victory Boys 4 2 1 1 8 3 5 7
Scherpenheuvel 4 1 3 0 6 5 1 6
Jong Colombia 4 2 0 2 4 9 -5 6
CSD Barber 4 1 1 2 12 7 5 4
Subt 4 1 1 2 8 5 3 4
Undeba 4 1 1 2 6 6 0 4
Hub. Fortuna 4 1 1 2 4 4 0 4
FC Sithoc 4 0 0 4 2 18 -16 0
Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media