Category: Futbòl

WILLEMSTAD — Empeñonan grandi manera subi e trayekto eliminatorio pa kampeonato mundial di futbòl na Rusia 2018 bal keda identifiká na un forma úniko. Pa e motibu aki Federashon Futbol Korsou (FFK) a desaroyá un símbolo/logo i estilo pa identifiká e esfuerso aki. E logo ta duna rèspèt na kolonan di nos bandera na un forma digno. E logo mas aleu ta rekonosé e importansha di e pueblo di Kòrsou komo e di 12 hungadó ku ta parti integral di e esfuerso di nos estreanan ku ta batayá riba tereno. Huntu nos mester por ta viktorioso paso ta Nos ekipo + Nos Pais = nos ta e 12 viktorioso! Pues Nos ekipo ta e 11 hungadonan riba tereno. Nos Pais ta kada 1 di nos ku a uni den patriotismo bira 1. I asina nos añadi nan ku otro e ta bira Nos Viktoria. Paso e echo ku nos komo pueblo para firme pa algu i lucha p’e ya ta hasi nos viktorioso kaba. NOS TA 12! E símbolo aki ta liber pa keda kompartí ku tur ku ta orguyoso i ta demonstrá su sosten na nos selekshon nashonal. Por download e for di e website i Facebook di FFK i kompartié atraves di retnan sosial komo muestra di sosten na nos selekshon. Kompania i organisashonnan tambe ta keda enkurashá pa inkluyé libremente, komo un bon suidadano koperativo den nan promoshonnan. Laga nos ban mustra nos sosten poniendo bandera di korsou na nos kasnan, autonan i tambe e negoshi nan. Pa e hungado nan sinti ku nos ta apoyanan i ku nos enbèrdat ta 12!

Kumpra bo karchi awe!

Un i tur ta keda enkurashá pa pasa awe mes na ofisina di F.F.K., pòmp di gasolin Sta Maria, Beep Beep òf Botika Mampuritu i kumpra bo karchi adelantá:

* VIP ta kosta Nafl.250,- ( inklui snek i kos di bebe);

* Bou di tribuna kubri ta Naf.50,-;

* Bou di tribuna kubri parti Festival Center ta Nafl.35,-

* Tribuna no kubri ta Nafl.25,-.

Kompanianan ku ke kumpra un kantidat di karchi por tuma kontakto ku ofisina di FFK na numbernan di telefon: 736-5042/ 736-5040.

Un yamada ta bai pa hinter e pueblo di Kòrsou pa bin apoyá i sostené nos selekshon nashonal. Bin bisti na e kolonan di nos bandera, bin kubo bandera den bo man i animá nos selekshon nashonal komo e number 12.

WILLEMSTAD — Preparashonnan ta kanando den ful swing pa tur kos ta kla pa dia 27 di mart próksimo e selekshon nashonal di Kòrsou enfrentá Montserrat den e wega di eliminatorio pa mundial Rusia 2018. E partido aki lo tuma lugá djabièrnè 27 di mart pa 8’or di anochi den stadion Ergilo Hato (SDK).  Pa e partido aki por kumpra karchi na FFK di 8’or di mainta pa 12’or di merdia i 2’or di atardi pa 5’or di atardi. Karchinan di VIP lo ta optenibel solamente na FFK. Tambe tin karchi disponibel na Beep Beep, Pòmp di gasolin Sta Maria i Botika Mampuritu (Sta Rosa).

Aktualisá (25-03-2105): Guyon Fernandez na ultimo ora a kanselá su partisipashon ku e selekshon, miéntras ku Ashar Bernardus a keda añadí na e selekshon

Selekshon definitivo pa partido kontra Montserrat:

	Defensornan
1	Rhu-endly Martina	FC Twente
2	Jason Wall	RKTVV
3	Shelton Martis	Osotspa Saraburi FC
4	Gilian Justiana	Helmond Sport
5	Darrel Lachman	FC Twenthe
6	Dustley Mulder	Apollo Limassol
7	Soranley Tomsjansen	C.S.D. Barber
8	Derwin Martina	RKC
	Mediokampistanan
9	Germaine Agustien	Brighton & H Albion
10	Vidarrell Merencia	Ado den Haag
11	Shannon Carmelia	FC Cuyk
12	Ayrton Statie	FC den Bosch
13	Luidjino Hoyer	Centro Dominguito
14	Ashar Bernardus	Centro Dominguito
	Delanteronan
15	Prince Rajcomar	BEC Tero Sasana
16	Gianluca Maria	RKC Waalwijk
17	Gevaro Nepomuceno	FC Petrolul Ploiesti Roemenie
18	Rihairo Meulens	FC Dordrecht
19	Felitciano Zschusschen	NAC Breda
20	Charlton Vicento	Willem 2
21	Romero Regales	Lommel United
	Kipernan
22	Zeus de la Paz	PSV
23	Rowendy Sumter	Jong Holland
24	Jarzinho Pieter	Centro Dominguito

WILLEMSTAD — Liga MCB Promé Divishon ta kontinuá den gran forma, miéntras Liga MCB Segundo Divishon ta tuma un pousa en konekshon ku e wega di nos selekshon nashonal vs Montserrat ku ta tuma lugá djabièrnè 27 di mart binidero.

Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl. Liga MCB Promé Divishon ta kosta solamente fl.6,- general miéntras ku mucha te ku 12 aña i 60+ ta kosta fl.2.50.

Wega nan pa wikènt, Liga MCB promé Divishon

Djabierne	20 mart 15	20.30	Subt	vs	Scherpenheuvel	SUBT
Djasabra	21 mart 15	19.00	Victory Boys	vs	Jong Colombia	SDK
		21.00	Undeba	vs	C. Dominguito
Djadumingu	22 mart 15	17.00	CSD Barber	vs	FC Sithoc	SDK
		19.00	Hub. Fortuna	vs	Jong Holland

 

WILLEMSTAD — Federashon Futbol Kòrsou ta invitá hinter e pueblo di Kòrsou pa bin disfrutá i apoyá nos muchanan i damanan na e kontinuashon di e weganan di Kampionato Hubenil i Dama pa e aña aki. E weganan Hubenil ta tuma lugá for di mainta te atardi riba djabièrnè i djasabra na diferente vèlt rònt Kòrsou miéntras esnan di dama ta tuma lugá riba djasabra na tereno di FFK. Bin ku hinter bo famia pa bin disfrutá di e tremendo partidonan aki i alabes bin apoyá nos futuro nan di mañan ku nos damanan, tur wega ta grátis.

Resultadonan di siman pasa i skema Hubenil ku Dama pa wikènt binidero.

Resultadonan u-11 te ku u-15

Fecha	Tim di kas	Bishitante	Velt	U-11	U-13	U-15
14-03-2015	Excellence A	Scherpenheuvel	SDK	Cancelled	Cancelled	Cancelled
14-03-2015	Gemstones United	New Song	FFK	1-6	2-2	Cancelled
14-03-2015	Willemstad A	Sithoc-Marchena	WILLEMSTAD (1)	3-2	5-0	9-2
14-03-2015	VESTA	Victory Boys	VESTA	5-0	D 3-0	–
14-03-2015	Hubentud Fortuna	Mahuma	SERU FORTUNA	3-0	6-0	–
14-03-2015	Quick ’60	Genesis Boys	QUICK ’60	0-3	0-6	–
14-03-2015	SUBT A	UNDEBA	SUBT	–	6-0	0-4

Kategoria u-17 & u-20

Fecha	Tim di kas		Bishitante	Velt	U-17	U-20
13-03-2015	Willemstad A		Jong Holland	FFK	4-0	–
13-03-2015	Mahuma		New Song	FFK	–	8-1
13-03-2015	Atletiko Salinja		Scherpenheuvel	VESTA	1-2	–
13-03-2015	Sithoc-Marchena		VESTA	VESTA	–	0-7
14-03-2015	Hubentud Fortuna		SUBT	SUBT	Cancelled	–
14-03-2015	Jong Holland		Hubentud Fortuna	SUBT	–	Cancelled
14-03-2015	Quick ’60		VESTA	FFK	0-6	–
14-03-2015	Mahuma		Excellence	FFK	2-2	–
14-03-2015	Victory Boys		Willemstad A	FFK	–	Cancelled
15-03-2015	UNDEBA		Victory Boys	FFK	D 3-0	–
15-03-2015	INDEKOR		Scherpenheuvel	FFK	–	1-3

Kampionato timnan B

Fecha	Tim di kas	Bishitante	Velt	U-11B	U-13B	U-15B
14-03-2015	F.C. Stallions	Willemstad C	WILLEMSTAD (2)	8-0	–	–
14-03-2015	Willemstad B	Excellence C	WILLEMSTAD (2)	8-0	–	–
14-03-2015	SUBT B	Willemstad B	SUBT	–	2-2	–

Weganan pa wikènt binidero

Kategoria u-11 te ku u-15

Fecha	Tim di kas	Bishtante	Velt	U-11	U-13	U-15
21-03-2015	Atletiko Salinja A	UNDEBA	WILLEMSTAD	–	10:00 AM	11:30 AM
21-03-2015	Quick ’60	SUBT A	QUICK ’60	10:00 AM	11:30 AM	–
21-03-2015	UD Tera Kòrá	SUBT A	QUICK ’60	–	–	1:00 PM
21-03-2015	Mahuma	Sithoc-Marchena	MAHUMA	10:00 AM	11:30 AM	–
21-03-2015	Hubentud Fortuna	Gemstones United	SERU FORTUNA	10:00 AM	11:30 AM	1:00 PM
21-03-2015	Victory Boys	New Song	VICTORY BOYS	10:00 AM	11:30 AM	1:00 PM
21-03-2015	Excellence A	VESTA	FFK	10:00 AM	11:30 AM	1:00 PM

Kategoria u-17 & u-20

Date		Home Team		Away Team	FIELD	U-17	U-20
Djabierne	20-03-2015	Hubentud Fortuna	v/s	New Song	FFK	19:00	–
Djabierne	20-03-2015	Hubentud Fortuna	v/s	Willemstad A	FFK	–	21:00
Djabierne	20-03-2015	VESTA	v/s	Victory Boys	VESTA	19:00	–
Djabierne	20-03-2015	Scherpenheuvel	v/s	VESTA	VESTA	–	21:00
Djasabra	21-03-2015	Quick ’60	v/s	Scherpenheuvel	FFK	19:00	–
Djasabra	21-03-2015	New Song	v/s	Centro Dominguito	FFK	–	21:00
Djasabra	21-03-2015	SUBT	v/s	C-Stars United	SUBT	19:00	–
Djasabra	21-03-2015	Sithoc-Marchena	v/s	SUBT	SUBT	–	21:00
Djadumingu	22-03-2015	INDEKOR	v/s	Victory Boys	FFK	–	18:00

Kampionato timnan B

Fecha	Tim di kas	Bishtante	Velt	U-11	U-13	U-15
21-03-2015	Excellence C	Excellence D	WILLEMSTAD (2)	10:00 AM	–	–
21-03-2015	Willemstad B	Excellence B	WILLEMSTAD (2)	11:30 AM	–	–
21-03-2015	Atletiko Salinja B	SUBT B	WILLEMSTAD (2)	1:00 PM	–	–
21-03-2015	Willemstad C	F.C. Stallions	WILLEMSTAD (2)	2:30 PM	–	–
21-03-2015	Willemstad B	Atletiko Salinja B	WILLEMSTAD (1)	–	–	1:00 PM
21-03-2015	Excellence B	SUBT B	WILLEMSTAD (1)	–	–	2:30 PM

Kampionato Dama

Fecha	Orario	Tim di kas		Bishitante	Velt
21-Mart 2015	13:30	Willemstad	vs	Subt	FFK
	17:10	Fortuna	vs	Queens	FFK

 

 

WILLEMSTAD — Despues ku djamars ultimo a keda anunsiá ku Roly Bonevacia di Wellington Phoenix lo no hunga na final di e luna aki pa Kòrsou den e partido kontra Montserrat, tin tres otro hungadó ku segun informashonnan tambe a kanselá na partisipashon. Elson Hooi di Viborg FC a bisa ku e no por ta presente den e partido kontra Montserrat. Sin embargo, Hooi no ta deskartá e posibilidat di hunga kontra Cuba den kaso ku e selekshon di Kòrsou gana di Montserrat. Pa Hooi ta difísil pa e bandoná e ekipo di Viborg FC na e momentunan aki.

Leandro Bacuna di Aston Villa ku tambe tabata indesiso a tuma un desishon i bisa ku e lo no forma parti di e selekshon blou ku hel. Meskos ta konta pa e kiper di Vitesse Eloy Room, ku no ke sera e porta pa su partisipashon ku e selekshon Hulandes.

Di e hungadónan di afó te ainda e selekshon di Kòrsou por konta ku entre otro Guyon Fernandez i Felitciano Zschusschen di NAC Breda. E ekipo di NAC Breda ya a deklará e dos hungadónan aki liber pa hunga pa e selekshon di Kòrsou.

Den e próksimo dianan e selekshon definitivo lo mester keda konfirmá pa Federashon Futbòl Kòrsou ku ta spera e hungadónan di afó pa dia 23 di mart próksimo. Sin embargo, tin informashonnan ku tin un grupo di Whatsapp krea bou di algun di e hungadonan internashonal ku ta hiba e nòmber di: “potensial internashonalnan di Kòrsou”. Den e grupo aki tin entre otro, Vurnon Anita, Charlison Benschop, Cuco Martina, Darryl Lachman i Eloy Room ku miéntras tantu a kanselá su partisipashon.

E promé wega di e selekshon Blou-Hel ta tuma lugá djabièrnè 27 di mart den stadion Ergilio Hato pa 8’or di anochi. E di dos partido lo tuma lugá djamars 31 di mart na Montserrat.

WILLEMSTAD — Di 27 febrüari te ku 15 di mart 2015 a tuma lugá e kampionato di U-17 di CONCACAF na Honduras pa saka e kuater paisnan di e zona di Nort, Sentro Amérika i Karibe ku ta bai representá CONCACAF na e kampionato Mundial U-17 na Chile aña aki.

Den e kampionato aki e kampion di e region a resultá Mexico siguí pa Honduras, despues Estados Unidos i di kuater Costa Rica.

Pa e enkuentronan aki, CONCACAF a skohe pa forma parti di su grupo di estudio tékniko un representante di kada region di CONCACAF. Komo miembro di e grupo CONCACAF tabata rekerí un tékniko eksperensiá komo eksperto pa por hasi análisis di wega profundo i pa trese rekomendashonnan tékniko pa mehorá e nivel di futbòl den e region di CONCACAF.

Den e grupo di estudio tékniko tabata tin un representante Merka (Los Angeles), un di Mexico, dos di Honduras, dos di e Union Sentro Amerikano di Futbòl, dos di e Union di Futbòl Karibense, un di Jamaica i un di Kòrsou. E miembro di Kòrsou ku a keda selekshoná tabata sr. Etienne Siliee.

Tur e miembronan di e grupo tin tras di nan CV, un of dos Mundial komo hungadó mundialista of komo entrenador mundialista. Sr. Etienne Siliee den e kaso aki komo un máksimo instruktor di CONCACAF, a ser invitá pa forma parti di e grupo aki komo eksperto den e zona di CONCACAF pa bini ku rekomendashonnan pa ser inkluí den programa tékniko pa mehorá i engradesé futbòl den e region.

WELLINGTON — Roly Bonevacia di Wellington Phoenix lo no hunga na final di e luna aki pa Kòrsou den e partido eliminatorio pa mundial Rusia 2018, segun reportero di 3News Zelandia Nobo. E mediokampista tabata un di e 30nan ku a keda selekshona den e selekshon tentativo di Kòrsou. Roly lo tabata tin ku pèrdè dos partido di su ekipo Wellington Phoenix ku ta en búskeda di un título den nan liga i a base di esaki a opta pa keda ku su ekipo.

Banda di Bonevacia ainda tin Leandro Bacuna i Eloy Room ku no ta sigur di nan partisipashon ku e selekshon di Kòrsou. Bacuna ainda ta pensando riba su partisipashon i a bisa ku lo e tuma un desishon ora ta mas serka di e fecha. Mientras ku e kiper di Vitesse, Eloy Room ta kana ku e speransa di hunga ku e selekshon Ulandes ainda i ta evaluando kiko ta e mihó desishon.

Federashon Futbòl Kòrsou ta spera ku e hungadónan di afó ta yega Kòrsou pa kuminsá entrená 23 di mart próksimo. Lo no dura masha mas ku mas hungadó lo tuma un desishon i e selekshon definitivo bira konosí.