Category: Futbòl

WILLEMSTAD – Riba e ultimo fecha di futbòl Liga MCB buèlta di 6, Jong Holland ta logra pasa pa e buèlta di 4. Ku e derota di Victor Boys djabièrnè siman pasa, Jong Holland a haña porta habri pa kana drenta e buèlta di 4. E ekipo tabata tin mester di solamente un viktoria, kontra e ekipo di SUBT ku no a gana niun partido ainda den e buèlta di 6.

Jong Holland a drenta atake for di trempan den e partido i ya despues di 10 minüt tabata ariba 2-0. E partido e drenta tempu di sosiegu ku Jong Holland ariba 3-1. Den e di dos mitar Jong Holland ta añadí otro gol mas pa asina aki derota SUBT ku skor di 4-1. Ku e viktoria Jong Holland ta logra klasifiká na e di kuater puesto pa e buèlta di 4 ku ta kuminsá wikènt benidero.

Tabla di posishon final di buèlta di 6:

WILLEMSTAD – Futbòl Liga MCB su buèlta di 6 a kontinuá ku partidonan riba djabièrnè i djadumingu ultimo. Riba djabièrnè tabata tin e partido entre UNDEBA i Victory Boys. Akinan tabata UNDEBA ku a bai ku e viktoria i retrasá un posibel pase di Victory Boys pa Kaya 4. Ku e derota di 4-1, Victory Boys tin ku sinta warda i wak kiko ta bai pasa awe nochi den e partido di Jong Holland kontra SUBT.

Victory Boys tabata tin e bentaha di 1-0 den e partido aki te den di 76 minüt, akinan UNDEBA a empatá e enkuentro i despues añadí tres gol mas pa gana 4-1. Pa UNDEBA e golnan a keda anotá pa; Christopher Lopez, Norvianle Naar, Jimbertson Vapor i Edison Welvaart. Miéntras ku pa Vylison Lake. Victory Boys lo ta den Kaya 4 ku tur resultado ménos un viktoria di Jong Holland awe nochi.

Riba djadumingu tabata tin e partido entre e dos Centronan. Akinan tabata Centro Dominguito ku a derota Centro Barber ku skor di 2-0. Pa Centro Dominguito e viktoria ta garantisá ku e ekipo ta klasifiká na e promé puesto pa Kaya 4. Ambos gol di Dominguito a keda anotá pa Ashar Bernardus.

Awe nochi tin e ultimo partido di e Buèlta di 6 ora ku Jong Holland enfrentá SUBT. SUBT ya no tin niun chèns mas pa drenta e buèlta di 4, miéntras ku pa Jong Holland un viktoria awe nochi lo hinka nan den Kaya 4 i saka Victory Boys afó.

Tabla di posishon:

WILLEMSTAD – Futbòl Liga MCB su buèlta di 6 a kontinuá ku tres partido den wikènt tras di lomba na Stadion Ergilio Hato. Riba djabièrnè tabata e ekipo di UNDEBA ku a enfrentá SUBT. Akinan tabata UNDEBA ku a logra e viktoria di 1-0 riba SUBT i asina aki logra na pase pa e buèlta di 4. Ku e derota, SUBT no tin niun chèns mas pa drenta den e buèlta di 4. E úniko gol di UNDEBA e keda anotá pa Edgard Casiani.

Riba djasabra tabata tin e di dos partido ora ku Centro Dominguito a topa ku Victory Boys. Akinan tabata Dominguito ku a logra nan di tres viktoria den e buèlta di 6 ganando ku e skor di 2-0. Di e forma aki Centro Dominguito tambe sigurá nan pase pa buèlta di 4. E ekipo di Victory Boys tin un pia den e buèlta di 4 pero mester gana otro siman si nan ke kontrolá nan futuro. E golnan di Centro Dominguito a keda anotá pa Shayron Bernardus i Shaquelle Clements.

Riba djadumingu tabata Centro Barber i Jong Holland ku a mira akshon. Den e partido aki tabata Centro Barber ku a sali di e porta grandi derotando Jong Holland ku skor di 3-1. Ku e viktoria, Barber ta bira e di tres ekipo ku ta logra su pase pa e buèlta di 4. Jong Holland ainda no ta eliminá pero mester gana otro siman i spera ku Victory Boys ta perde of empatá. Den e partidio di ayera e golnan di Barber a keda anotá pa: Norman Hoyer, Kenneth Kunst i Jurensley Martina. Miéntras e úniko di Jong Holland a keda anotá Dannick Koeiman

Tabla di posishon despues di 4 partido:

WILLEMSTAD – Futbòl Liga MCB su buèlta di 6 a kontinuá ku tres partido den wikènt tras di lomba na Stadion Ergilio Hato. Riba djabièrnè tabata e ekipo di Victory Boys ku a enfrentá SUBT. Akinan tabata Victory Boys ku a logra duna SUBT nan di tres derota konsekutivo den e buèlta di 6 i gana ku skor di 2-1. Pa Victory Boys e golnan a keda anotá pa; Charginio Bilkerdijk i Vylison Lake. Miéntras ku e úniko di SUBT a keda anotá pa Geryon Alberto.

Riba djasabra tabata tin e di dos partido ora ku Centro Barber a topa ku UNDEBA. Akinan tabata UNDEBA ku a logra nan promé viktoria den e buèlta di 6 ora ku nan a derota Barber ku skor di 2-0. Ku e derotá aki, Centro Barber ta haña nan promé wega pèrdí den e buèlta di 6. Ambos gol di UNDEBA a keda anotá pa Edgard Casssiani.

Riba djadumingu tabata Centro Dominguito i Jong Holland ku a mira akshon. Tabata Centro Dominguito ku a habri a markadó pa medio di un gol di Luidjino Hojer. Pero Jong Holland a sa di bin bek i empatá e partido na 1 ku gol di Jerome Jemeison. E partido ta terminá den un empate na 1 gol i ambos ekipo ta bai kas ku 1 punto.

Tabla di posishon despues di 3 partidó den buèlta di 6:

Ainda e ekiponan den buèlta di 6 tin dos partido mas pa bai. Manera kos ta awor aki nada no ta definí ainda.

WILLEMSTAD – Debí ku e selekshon nashonal senior di Kòrsou a biaha pa Guadeloupe pa bai representá pais den e di 2 buèlta di e CFU Men’s Caribbean Cup Tournament, Liga MCB Promé Divishon no a mira akshon e siman tras di lomba. Pero awor ku a nan a regresá e weganan lo kontinuá e wikènt aki den Stadion Ergilio Hato.

E partido nan ku tin programa pa wikènt aki ta lo siguiente:

Tabla di posishon Liga MCB Promé Divishon buèlta di 6:

Segunda divishon su buèlta di 6 a kulminá algun dia pasa i e 4 ekiponan ku lo kontinuá den e buèlta di 4 ya ta konosí. Esakinan ta; Mahuma, Scherpenheuvel, Tera Kora i New Song. Awor aki tur kos lo bai kuminsá di nobo i tur ekipo ta kuminsá na 0. Pues nan tur tin ku bai hasi nan bèst pa asina nos sa ta kua ta e 2 partidonan ku lo bai enfrentá oro den e gran final di Liga MCB Segunda Divishon.

E partido nan ku tin programa pa otro siman den Segunda Divishon:

Tabla di posishon final di Segunda Divishon buèlta di 6:

FFK i MCB kier invitá hinter e pueblo di Kòrsou pa bin presensia e kontinuashon di Liga MCB su buèlta di 6 i e promé partidonan di Segunda Divishon su buèlta di 4 i mas despues pa e wega final ku ta plania pa tuma lugá den kuminsamentu di novèmber.

E kosto pa e weganan di Liga MCB Promé Divishon ta lo siguiente; fl. 7.50 pa hende grandi i fl. 2.50 pa mucha i 60+. Pa Liga MCB Segunda Divishon ta fl.2,- so so pa tur hende. Bin ku hinter bo famia pa asina pasa un ratu agradabel i disfrutá di e tremendo partidonan di Liga MCB Promé Divishon buèlta di 6 i Segunda Divishon buèlta di 4.

Terser Divishon tambe a yega na su final i e ekipo kampion ya ta konosí. Esaki despues ku den e luna di yüli e divishon aki a kuminsá ku 4 ekipo ku kada wikènt i tambe durante siman tabata hunga kontra otro. E 4 ekiponan aki ta Undeba, Caribbean International University, Juventut Westpunt i Didi Skerpene. E ekipo ku a titulá kampion di Terser Divishon ta Caribbean International University (CIU) ku un total di 15 punto. Undeba su partisipashon na e divishon aki no ta konta den e puntuashon debí ku nan a partisipá pa kontribuí na e divishon. CIU ta pasa mesora pa e Segundo Divishon mirando ku e ekipo di Buena Vista a degradá pa Terser Divishon.

Tabla di posishon final di Terser Divishon: