Category: Futbòl

Posted on

Korsou den buelta final di Caribbean Cup 2014

WILLEMSTAD – E selekshon di Korsou a logra klasifikashon pa e buelta final di Caribbean Cup. Esaki despues ku e selekshon nashonal di Korsou a logra un viktoria di 1-0 kontra Guadeloupe. Despues di a empata e prome partido i perde e di dos partido e viktoria kontra Guadeloupe tabata un mester pa Korsou. E partido tabata empata te den 90+ minut i akinan tabata Vidarell Merencia ku a manda Korsou ariba. Ku e viktoria Korsou a elemina Guadaloupe for di e komptensia den nan kas. Huntu ku Korsou den Grupo 9 tambe a klasifika e selekshon di Martinique.

E buelta final di Caribbean Cup ta kuminsa dia 10 di november proksimo na Jamaica. Segun e planifikashon aktual di Caribbean Football Union, Korsou lo ta den Grupo A huntu ku Cuba, Trinidad i Tobago i French Guiana. Den Grupo B tin Jamaica, Martinique, Haiti i Antigua i Barbuda. E top dosnan di kada grupo lo pasa pa CONCACAF Gold Cup na 2015.

Tabla di posishon final:

Selekshon PH G E P GF GK GD Pt.
Martinique 3 2 1 0 7 5 2 7
Korsou 3 1 1 1 2 2 0 4
Guadeloupe 3 1 0 2 4 4 0 3
St. Vincent & the Grenadines 3 1 0 2 5 7 -2 3
Posted on

Kòrsou ta empatá ku Martinique

WILLEMSTAD – Kòrsou su selekshon nashonal a empatá ku Martinique den e promé partido di e CFU Men’s Caribbean Cup Tournament na Guadeloupe. Despues di a kai atras ku skor di 1-0, e selekshon Kurasoleño a lucha i bin empatá e partido na 1 gol faltando 5 minüt di tempu reglamentario.

Den e otro partido ku a tuma lugá den e pul di Kòrsou, e ekipo di kas Guadeloupe ta derota St. Vincent & The Grenadines ku skor di 3-1.

Pa Kòrsou e siguiente partido lo ta djabièrnè 10 di òktober ora ku e selekshon nashonal enfrentá St. Vincent & The Grenadines.

Tabla di posishon despues di e promé partido: 

Ekipo PH G E P GF GK GD Pt
Guadeloupe 1 1 0 0 3 1 2 3
Curacao 1 0 1 0 1 1 0 1
Martinique 1 0 1 0 1 1 0 1
St. Vincent & The Grenadines 1 0 0 1 1 3 -2 0
Posted on

Nos selekshon nashonal senior ta rumbo pa Guadeloupe

WILLEMSTAD – Despues ku luna pasa nos selekshon nashonal senior a sa di klasifiká komo number un den su pul pa e weganan di CFU Men’s Caribbean Cup Tournament, nos selekshon ta kla pa su kompromisonan den e di 2 buèlta di e weganan aki.

E weganan aki lo tuma lugá na Guadeloupe i nos selekshon nashonal a biaha djaluna, 6 di òktober i ta regresá dia 13 di òktober próksimo.

Despues di yegada di 8 hungadó for di Hulanda, 1 di Bangkok i 1 di Rumania ku a bin pa reforsá nos selekshon, nos ta kla pa kumpli ku e weganan di e segunda buèlta.

Nos pul ta konsistí di e siguiente paisnan; Guadeloupe, St Vincent & The Grenadines, Martinique i Kòrsou.

Skema di weganan:

Fecha Tim di kas Bishitante Orario Lugá
1 8 òktober 14 Curacao Martinique 6:00pm Serge NabajothStadium(Guadeloupe)
2 Guadeloupe St Vincent & The Grenadines 8:30pm
3 10 òktober 14 St Vincent & The Grenadines Curacao 6:00pm
4 Guadeloupe Martinique 8:30pm
5 12 òktober 14 Martinique St Vincent & The Grenadines 6:00pm
6 Guadeloupe Curacao 8:30pm

 

 

Nos selekshon nashonal di senior ta konsistí di un grupo di 19 hungadó ku ta wòrdu dirigí pa Sr. Ingemar Pieternella ku ta e direktor tékniko di e selekshon aki i Sr. Jozef Nivillac ku ta e asistente di e direktor tékniko.

Tambe a biaha huntu ku e selekshon Sr. Etiënne Siliee ku ta e advisor di e parti tékniko, Sr. Sherwin Martina ku ta esun enkargá ku e materialnan di e selekshon, un masahista kual ta Sr. Clinton Leocadia i e hefe di delegashon ku ta Sr. Remfis Donker, miembro di direktiva di FFK.

Nos selekshon ta konsistí di e siguiente hungadónan:

1. Ashar Bernardus
2. Shannon Carmelia
3. Germaine Geerman
4. Mickey Fecunda
5. Luidjino Hoyer
6. Joel Victoria
7. Rowendy Sumter
8. Gianluca Maria
9. Kenneth Kunst
10. Charlton Vicento
11. Shelton Martes
12. Derwin Martina
13. Prince Mathilda
14. Jervine Mook
15. Gevaro Nepomuceno
16. Jarzinho Pieters
17. Jason Wall
18. Soranly Thomsjansen
19. Vidarel Merencia

FFK i MCB kier a deseá nos selekshon senior tur klase di éksito i tin sigur ku nan lo sigui hasi e bon trabou na Guadeloupe den e segundo buèlta di CFU Men’s Caribbean Cup Tournament meskos ku nan a hasi luna pasa na Puerto Rico.

Posted on

Centro Dominguito ku otro viktoria den Kaya 6

WILLEMSTAD – Futbòl Liga MCB su buèlta di 6 a kontinuá ku dos partido den wikènt tras di lomba na Stadion Ergilio Hato. Riba djabièrnè tabata e ekipo di Victory Boys ku a enfrentá Jong Holland. E partido aki a finalisá den un empate na 3 gol. Esaki ta e di dos empate den Kaya 6 di Liga MCB pa e dos ekiponan aki. Pa Jong Holland e golnan a keda anotá pa; Jerome Jemeison, Danick Koeiman i Nathan Martina. Mientras ku pa Victory Boys e golnan a keda anotá pa; Randel Winklaar, Chargino Bilderdijk i Gerien Silva.

Riba djasabra tabata tin e di dos partido ora ku Centro Dominguito a topa ku UNDEBA. Akinan tabata Centro Dominguito ku a logra e viktoria ku skor mínimo riba UNDEBA. E úniko gol di Dominguito a keda anotá pa Shaquelle Clements.

Kaya 6 ta tuma un pause e wikènt próksimo i ta kontinuá atrobe djabièrnè 17 di òktober.

Tabla di posishon despues di 2 partido:

Posishon Ekipo PH G E P GF GK GD Pt
1 Centro Dominguito 2 2 0 0 5 1 4 6
2 Centro Barber 2 1 1 0 5 3 2 4
3 Victory Boys 2 0 2 0 6 6 0 2
4 Jong Holland 2 0 2 0 3 3 0 2
5 UNDEBA 2 0 1 1 0 1 -1 1
6 SUBT 2 0 0 2 1 6 -5 0
Posted on

Centro Barber ku viktoria riba SUBT

WILLEMSTAD – Centro Barber ta logra su promé viktoria den Kaya 6. Esaki despues di a derota SUBT ayera den Stadion Ergilio Hato ku skor di 2-0. Pa Barber e golnan a keda anotá pa Christopher Isenia i Kenneth Kunst. Ku e viktoria aki Barber ta subi bai 4 punto lagando SUBT den bòm ku 0 punto despues di 2 partido.

Tabla di posishon despues di dos partido:

Posishon Ekipo PH G E P GF GK GD Pt
1 Centro Barber 2 1 1 0 5 3 2 4
2 Centro Dominguito 1 1 0 0 4 1 3 3
3 Victory Boys 1 0 1 0 3 3 0 1
4 UNDEBA 1 0 1 0 0 0 0 1
5 Jong Holland 1 0 1 0 0 0 0 1
6 SUBT 2 0 0 2 1 6 -5 0

 

Kaya 6 ta kontinuá djabièrnè awor ora ku e ekipo di Victory Boys enfrentá Jong Holland den Stadion Ergilio Hato.

Posted on

SUBT kontra Centro Barber awe den Kaya 6

WILLEMSTAD – Futbòl Liga MCB ta kontinuá awe ku su playoff Kaya 6 den Stadion Ergilio Hato. Awe pa 20.30 e ekipo di SUBT ta enfrentá Centro Barber. SUBT ku 0 punto ta bai en búskeda di su promé puntonan den Kaya 6. Di otro banda Centro Barber ta bai buska pa surpasá nan empate di wikènt i amplia e 1 punto ku nan tin aktual.

Entrada general pa e weganan di Liga MCB promé divishon su buèlta di 6 ta fl.7.50 pa hende grandi i fl.2.50 pa mucha ku 60+. Preisnan pa e buèlta di 4 ta fl.10,- pa hende grandi i fl.2.50 pa mucha ku 60+ i pa e gran final e preis lo ta fl. 12.50 pa hende grandi i mucha ku 60+ ta paga fl.5,-.

Posted on

Proyekto di FIFA; Live Your Goals ta kontinuá

WILLEMSTAD – Den kuadro di e aktividat nan di e proyekto Live Your Goals di FIFA, djabièrnè último 26 di sèptèmber 2014 a tuma lugá e inisio di un seri di weganan eskolar pa damitanan di kategoria U-13.

E torneo aki a tuma lugá na SDK di 2or di mèrdia pa mitar di 5 di atardi i ta kontinuá riba tur djabièrnè te ku otro aña yanüari 2015. Un total di 10 skol a inskribí i ta partisipá na e torneo eskolar. Esaki nan ta lo siguiente; Mgr Niewindt College, Maduro School, Kolegio Dodo Palm, Prinses Margriet School, Joan Maurits School, Kolegio Wim Ellis, Kolegio Bellefaas Martis, Oranje School, Johan van Walbeeck ku Kolegio Nechi Pieters.

Aki ta sigui e resultadonan ku e nòmbernan di e goliadónan:

Den e promé partido Prinses Margriet School a gana Kolegio Dodo Palm ku e skor di 3 pa 1 i Christina Smith ta e hungadó ku a anotá tur e tres golnan di Prinses Margriet School. Pa Kolegio Dodo Palm, Sjulienne Martina ta esun ku a anotá e gol.

Despues, den e segundo partido, Oranje School a sa di gana Joan Maurits School (tim A) ku e skor di 4 pa 1.

Pa Oranje School e goliadónan tabata Ashantie Gray (2x) i Rishanty Meyers (2x). Pa Joan Maurits School, Ajonna Martina tabata esun ku a anotá e úniko gol pa su skol.

Skema di e weganan pa 3 di òktober den S.D.K , 2or di atardi.

Tim di kas   Bishitante
1 Maduro School vs Mgr. Niewindt College
2 Joan Maurits School (tim B) vs Kolegio Wim Ellis
3 Johan van Walbeeck school (tim A) vs Prinses Margriet School
4 Kolegio Bellefaas Martis vs Joan Maurits School (tim A)
Posted on

Eksitoso kurso pa entrenadó di Grassroots ouspisiá pa FIFA

WILLEMSTAD – Resientemente, komo parti di e programa edukativo di FFK, a tuma lugá un kurso pa bira entrenadó di Grassroots ouspisiá pa FIFA. Grassroots ta para pa kategoria u-6 te ku u-13, esta pa hóbennan ku ta praktiká futbòl hubenil, bou di 13 aña di edat. Sr.Marcos Tinocco, instruktor di FIFA tabata esun enkargá pa duna e kurso aki ku a konta ku un total di 33 partisipante. E kurso a kuminsá djaluna 22 di sèptèmber i a terminá djabièrnè 26 di sèptèmber.

Den e promé parti di e kurso e kursistanan a haña e parti teorétiko ku diferente informashon i material di FIFA ku tabata destiná pa e kurso aki. Den e di dos parti, esun práktiko e kursistanan mester a apliká loke nan haña den e parti teorétiko di e kurso aki huntu ku un grupo di hóbennan futbolista ku a bin pa yuda durante e práktikanan di e kurso.

Riba djabièrnè e partisipantenan mester a organisá un Grassroots Festival kaminda a partisipá alrededor di 184 muchanan di skol básiko di Kòrsou.

E hóbennan a partisipá den diferente sirkuito tékniko di weganan redusí di futbòl.

Despues di 5 dia di kurso intensivo tur e kursistanan aki a kaba e kurso ku éksito a risibí nan sertifikado komo entrenadó di Grassroots.

Awó nos por bisa ku e famia di futbòl hubenil ta konta ku 33 entrenadó mas.

FFK ta hasi un apelashon na e personanan aki ku no ta pertenesé na un klup ainda, pa djòin un klup di FFK pa yuda desaroyá i engrandese e deporte di futbòl hubenil.

Posted on

Centro Dominguito úniko ekipo ku 3 punto den Kaya 6 despues di goliada

WILLEMSTAD – E promé partidonan di futbòl Liga MBB Kaya 6 a kuminsá den wikènt tras di lomba na Stadion Ergilio Hato. E promé partido tabata djabièrnè anochi ora ku Centro Barber a topa ku Victory Boys. Akinan ambos ekipo a bai kas ku un punto despues di a empatá na tres gol pa banda. E golnan di Barber a keda anotá pa; Jurensley Martina i Kenneth Kunst(2x). Pa Victory Boys golnan a keda anotá pa un outo gol di Barber i tambe golnan di Gerien Silva i Raylison Lindo.

Djasabra tabata tin e di dos partido ku a bai entre Centro Dominguito i SUBT. Akinan tabata Centro Dominguito ku a bai ku e viktoria, goliando SUBT ku skor di 4-1. Pa Dominguito e golnan a keda anotá pa; Micro Colina JR, Steward Sambo, Shairon Bernardus i Gedeon Poppen. E úniko gol di SUBT a keda anotá pa Alexander Klooster.

Riba djadumingu tabata e ekipo di UNDEBA ku a enfrentá Jong Holland. Akinan ambos ekipo a kompartí punto despues di a empatá na sero gol.

Puntuashon despues di e promé partidonan di Kaya 6:

Centro Dominguito – 3 punto

Centro Barber – 1 punto

Victory Boys – 1 punto

UNDEBA – 1 punto

Jong Holland – 1 punto

SUBT – 0 punto

Posted on

Liga MCB Kaya 6 ta kuminsá awe

WILLEMSTAD – Futbòl Liga MCB ta kontinuá e wikènt aki ku su buèlta di 6 na stadion Ergilio Hato. Tin tres partido programa pa wikènt aki, kuminsando ku awe e kampionan di e kampionato regular Centro Barber kontra Victory Boys.

Den e buèlta di 6 tur kos ta kuminsá na 0 bek. P’esei mes e 6 ekiponan aki tin ku bai traha duru pa asina nan sigui pa e buèlta di 4 i pasa pa e gran final di Liga MCB Promé Divishon ku ta planiá pa tuma lugá den kuminsamentu di dezèmber.

Entrada general pa e weganan di Liga MCB promé divishon su buèlta di 6 ta fl.7.50 pa hende grandi i fl.2.50 pa mucha ku 60+. Preisnan pa e buèlta di 4 ta fl.10,- pa hende grandi i fl.2.50 pa mucha ku 60+ i pa e gran final e preis lo ta fl. 12.50 pa hende grandi i mucha ku 60+ ta paga fl.5,-.

Skema di partido playoff Liga MCB: 

Playoff Buelta di 6
Djabierne 26 sept. 14 20.30 CSD Barber Victory Boys
Djasabra 27 sept. 14 20.30 Dominguito Subt
Djadumingu 28 sept. 14 18.00 Undeba Jong Holland
Djarason 1 okt. 14 20.30 Subt CSD Barber
Djabierne 3 okt. 14 20.30 Victory Boys Jong Holland
Djasabra 4 okt. 14 20.30 Dominguito Undeba
Djabierne 17 okt. 14 20.30 Victory Boys Subt
Djasabra 18 okt. 14 20.30 CSD Barber Undeba
Djadumingu 19 okt. 14 18.00 Jong Holland Dominguito
Djabierne 24 okt. 14 20.30 Undeba Subt
Djasabra 25 okt. 14 20.30 Dominguito Victory Boys
Djadumingu 26 okt. 14 18.00 CSD Barber Jong Holland
Djabierne 31 okt. 14 20.30 Undeba Victory Boys
Djasabra 1 nov. 14 20.30 CSD Barber Dominguito
Djadumingu 2 nov. 14 18.00 Subt Jong Holland
Play off Buelta di 4
Djasabra 8 nov. 14 20.30 1 4
Djadumingu 9 nov. 14 18.00 2 3
Djasabra 15 nov. 14 20.30 1 3
Djadumingu 16 nov. 14 18.00 4 2
Djabierne 28 nov. 14 20.30 3 4
Djaluna 1 des. 14 20.30 1 2
Liga MCB Prome Divishon FINAL
Djadumingu 7 des. 14 18.00 1 2
Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media