Futbòl Archives | Page 42 of 62

August 19, 2014August 19, 2014

Selekshon Nashonal U-17 a sali pa eliminatorio Mundial FIFA U-17

WILLEMSTAD – E selekshon Nashonal di Kòrsou U-17 a sali pa St. Lucia kaminda nan lo partisipá na e partidonan di klasifikashon pa mundial di FIFA U-17.

Despues ku e selekshon Nashonal di U-20 i e selekshon Nashonal di dama U-15 tabata tin e oportunidat di a representá Kòrsou, awor ta toka turno na e selekshon nashonal di U-17 pa saka kara di Kòrsou den e weganan di klasifikashon pa mundial di FIFA U-17 ku ta tuma lugá na St. Lucia.

Despues di dianan di training intensivo i un temporada di preparashon ekstenso, ayera djaluna 18 di ougùstùs e selekshon nashonal di U-17 a sali pa St. Lucia pa asina kumpli ku nan kompromisonan den e promé buèlta di e weganan di klasifikashon pa mundial di FIFA U-17 ku ta tuma lugá di 18 pa 25 di ougùstùs próksimo.

E selekshon di Kòrsou ta den pul ku e siguiente paisnan; Trinidad & Tobago, Grenada, St. Lucia.

Skema di weganan:

20 ougùstùs 14

Trinidad & Tobago vs Grenada
St. Lucia vs Curacao

22 ougùstùs 14

Curacao vs Trinidad & Tobago
St. Lucia vs Grenada

24 ougùstùs 14

Grenada vs Curacao
St. Lucia vs Trinidad & Tobago

E selekshon Nashonal di U-17 ta konsistí di un grupo di 18 hungadó ku ta wòrdu dirigí pa Sr. Ludwig Alberto ku ta e direktor tékniko di e selekshon i Sr. Marcelo Marcelie ku Sr. Reynold Mercera ku ta e asistentenan di e direktor tékniko.

Tambe a biaha huntu ku e selekshon Sr. Hans van Elden ku ta e konsehero tékniko, Sr. Eulogio Leocadia ku ta enkargá ku e materialnan di e selekshon, un masahista kual ta Sr. Malcolm Pieternella i e hefe di delegashon ku ta Sr. Mirco Colina, miembro di direktiva di FFK.

E selekshon U-17 ta konsistí di e siguiente hungadónan:

1. William Plaate
2. Jehudi Marselia
3. Giordanny Marchena
4. Rouel Bisschop
5. Georgino Ascencion
6. Ronathan Willems
7. Ludwig Regina
8. Danel Rosa
9. Mygryelly Hieroniumus
10. Nigel Valoriaan
11. Jurien Provance
12. Hesus Pieterz
13. Davison Rosa
14. Jordan Stuart
15. Sherendric Fransinet
16. Aldrion Troeman
17. Louis Steenbaar
18. Kevin Lodovica

August 19, 2014August 19, 2014

Centro Barber ta golia Vesta den Liga MCB

WILLEMSTAD – Futbòl Liga MCB a kontinuá ayera djaluna ku un partido na Stadion Ergilio Hato na momentu ku e ekipo di Vesta a enfrentá Centro Barber. Den e partido aki tabata Centro Barber ku golia Vesta ku skor di 9-1 i bai ku e tres puntonan. E golnan di Barber a keda anotá pa: Andruw Stokkel, Jurensley Martina, Norman Hoyer (2x), Kenneth Kunst (2x) i Ruensley Leuteria a bai ku e hat-trick. E úniko gol di Vesta keda anotá pa Mounit Kasmi.

Ku e viktoria aki awor Barber ta pasa na di dos lugá riba e tabla di posishon ku 33 punto, miéntras ku Vesta ta keda den bòm ku 8 punto.

August 18, 2014August 18, 2014

Victory Boys ku un pia den Kaya 6 miéntras ku Jong Colombia eliminá

WILLEMSTAD – Futbòl Liga MCB a kontinuá den wikènt tras di lomba na Stadion Ergilio Hato. Den e promé partido djabièrnè anochi e ekipo di SUBT a enfrentá Centro Dominguito. Akinan tabata SUBT ku a duna Centro Dominguito su di dos derota di temporada. Centro Domiguito a pèrdè ambos partido despues di e reseso ku Liga MCB a tuma den luna di yüli. Ku gol di Stallone Isenia SUBT a derota Centro Dominguito ku skor mínimo di 1-0.

Den promé partido di djasabra e ekipo di Jong Colombia a enfrentá Victory Boys. Ku kuater gol den e di dos mitar di e partido Victory Boys a garantisá nan tres punto i gana Jong Colombia ku skor di 4-0. Ku e resultado aki Victory Boys a kaba ku tur speransa di Jong Colombia pa drenta Kaya 6. Victory Boys tin 19 punto faltando dos partido miéntras ku Jong Colombia tin 12 punto. Ku por lo mínimo un empate den un di su próksimo dos partidonan Victory Boys ta garantisá su pase den Kaya 6.

Den e di dos partido di djasabra Hubentud Fortuna a topa ku Sithoc. Akinan e ekiponan a hasi bon ku otro i a empatá na 0 gol. Ku esaki ambos ekipo tin 13 punto. Ainda Sithoc i Hubentud Fortuna no ta kompletamente eliminá pero e dos ekiponan aki su situashon ta krítiko. Ambos ekipo mester gana nan dos ultimo partidonan anotando un andanada di gol i spera ku Victory Boys ta pèrdè su dos ultimo partidonan.

Djadumingu tabata tin un partido so, ora ku UNDEBA a topa ku Jong Holland. Ambos di e ekiponan aki tin nan lugá di Kaya 6 sigurá. Apesar di esaki Jong Holland a gana UNDEBA ku skor di 3-1.

Awe kampionato Liga MCB ta kontinuá ku e partido entre VESTA i Centro Barber.

Tabla di posishon Liga MCB

Posishon	Ekipo	WH	WG	WE	WP	GF	GK	Saldo	Punto
1	Centro Dominguito	16	11	3	2	46	17	29	36
2	UNDEBA	16	9	5	2	35	17	18	32
3	Centro Barber	15	9	3	3	34	22	12	30
4	Jong Holland	16	9	2	5	29	21	8	29
5	SUBT	16	8	4	4	22	15	7	28
6	Victory Boys	16	5	4	7	18	16	2	19
7	Sithoc	16	3	4	9	20	28	-8	13
8	Hubentud Fortuna	16	3	4	9	15	34	-19	13
9	Jong Colombia	16	3	3	10	12	35	-23	12
10	Vesta	15	2	2	11	8	34	-26	8

August 11, 2014August 11, 2014

Liga MCB a kontinuá den wikènt tras di lomba

WILLEMSTAD – Despues di algu mas ku un luna futbòl Liga MCB a kontinuá den wikènt tras di lomba na Stadion Ergilio Hato. Tabata tin sinku partido den wikènt, kuminsando djabièrnè ku e partido entre SUBT i Undeba. Den e partido aki tabata Undeba ku a bai ku e viktoria, ganadó SUBT ku skor di 3-0. Pa Undeba tur tres gol a keda anotá pa Norvianel Naar.

Djasabra e kampionato a sigui ku dos partido. Den e promé partido Centro Barber a duna Centro Dominguito su promé derota di temporada. Barber ku golnan di Ruensley Leuteria (2x) i Kenneth Kunst a gana ku skor di 3-1. E úniko gol di Centro Dominguito a keda anotá pa Ashar Bernardus.

Despues a sigui e partido entre Jong Holland i Victory Boys. Akinan ambos ekipo a disidí di kompartí punto i finalisá e partido no 0 gol.

Riba djadumingu e promé ekiponan ku a mira tabata Hubentut Fortuna i Vesta. Akinan tambe ambos ekipo a hasi bon ku otro i finalisá e partido na 0 gol.

E ultimo partido di e wikènt tras di lomba tabata entre Jong Colombia i Sithoc. Akinan tabata Sithoc ku a sa di bai ku e tres puntonan derotando Jong Colombia ku skor di 3-1. Pa Sithoc e golnan a keda anotá pa Oswin Luciano, Rowendley Poppen i Shurwendell Roosje. E úniko di Jong Colombia a keda anotá pa Clinton Sirvania.

August 4, 2014August 4, 2014

Kòrsou U-20 ta pasa pa siguiente buèlta

WILLEMSTAD – Ku un viktoria di 3-0 kontra di e selekshon di St. Kitts and Nevis e selekshon di Kòrsou U-20 ta logra su klasifikashon pa e siguiente buèlta di e klasifikatorio pa mundial U-20.

E selekshon di Kòrsou tabata tin mester di un viktoria di mas di dos gol kontra St. Kitts and Nevis pa terminá na kabes di Grupo 5. E partido a yega e tempu di sosiegu empatá na 0 gol. Pero den di dos mitar e selekshon di Kòrsou a bin desidido pa hasi e trabou i tabata na di 12 minüt di e di dos tempu ku Ronald Alberto ta habri e markadó. No a dura masha ku kuater minüt despues Isai Marseila ta hasi e partido 2-0. Seis minüt despues Isai Marseila ta pone e wega riba ijs anotando su di dos gol di e partido i hasiendo e partido 3-0.

Ku e pase pa e siguiente buèlta e selekshon di Kòrsou lo hunga na Trinidad i Tobago dianan 12 pa 19 di sèptèmber próksimo. Korsou lo ta den Grupo A huntu ku Aruba, Cuba i Surnam

Den e otro partido ku tabata tin e ekipo di Cayman Islands a derota Anguila ku skor di 5-0.

Tabla di posishon di Grupo 5:

	Pais	WH	WG	WE	WP	GF	GK	Saldo	Punto
1	Kòrsou	3	2	0	1	12	1	11	6
2	St. Kitts and Nevis	3	2	0	1	12	4	8	6
3	Cayman Islands	3	2	0	1	7	5	2	6
4	Anguilla	3	0	0	3	0	21	-12	0

August 2, 2014

Kòrsou U-20 ta golia Anguila

WILLEMSTAD – E selekshon di Kòrsou U-20 a logra su promé viktoria den e klasifkatorio pa mundial U-20 di FIFA na Stadion Ergilio Hato. Despues di a pèrdè e promé partido Kòrsou tabata tin mester di un viktoria kontra Anguila pa keda na bida den e torneo. Ku golnan di Jean-Louis Fortin, Andruw Stokkel, Shuremy Felomina, Isai Marselia (2x) i Quinton Christina e promé mitar di e partido ta terminá ku skor di 6-0 na fabor di Kòrsou.

Den e di dos mitar Isai Marselia ta anotá otro gol pa kompletá e hat trick, miéntras ku Liandro Martis ta anotá dos gol pa e partido finalisá ku un skor di 9-0 pa e selekshon Kurasoleño. Ku e viktoria aki e selekshon di Kòrsou ta bai na di dos lugá riba e tabla di posishon ku tres punto i un saldo di gol di ocho.

Den e otro partido ku tabata tin ayera e selekshon di St. Kitts and Nevis a logra su di dos viktoria ganando di Cayman Islands ku skor di 5-1. E próksimo enkuentro pa Kòrsou lo ta mañan anochi 7’or na Stadion Ergilio Hato ora ku Kòrsou enfrentá St. Kitts and Nevis.

Tabla di posishon:

		WH	WG	WE	WP	GF	GK	Saldo	Punto
1	St. Kitts and Nevis	2	2	0	0	12	1	11	6
2	Kòrsou	2	1	0	1	9	1	8	3
3	Cayman Islands	2	1	0	1	2	5	-3	3
4	Anguila	2	0	0	2	0	16	-16	0

July 31, 2014July 31, 2014

Kòrsou ta pèrdè su promé partido di U-20

WILLEMSTAD – E selekshon di Kòrsou U-20 a pèrdè su promé partido den e klasifikatorio pa mundial U-20 di FIFA na Stadion Ergilio Hato. Na ultimo ora FIFA a trese kambio den e skema di partido i en bes di enfrentá Anguila, e selekshon di Kòrsou a enfrentá Cayman Islands ayera. Na di 45 minüt di e promé tempu e selekshon di Cayman Islands a habri e markadó. Den e di dos tempu di e partido Kòrsou tabata ataká en buska di e empate pero no por a logra esaki I a pèrdè ku skor di 1-0.

Den e partido mas tempran e selekshon di St. Kitts & Nevis a golia Anguila ku skor di 7-0. Djabièrnè 1 ougùstùs e selekshon di Kòrsou lo enfrentá Anguila, 9’or di anochi na SDK.

July 30, 2014July 30, 2014

Selekshon U-20 ku promé partido awe

WILLEMSTAD – Awe e selekshon Kurasoleño U-20 ta mira su promé akshon den e promé buèlta di klasifikatorio pa mundial U-20 di FIFA. E selekshon U-20 di Kòrsou ku ya tin algun tempu ta prepará lo enfrentá e selekshon di Anguilla awe nochi 9’or den Stadion Ergilio Hato.

E skema di partidonan pa e promé buèlta di e klasifikatorio ta los siguiente:

30 yüli 2014

19:00: Cayman Islands vs St Kitts & Nevis

21:00: Kòrsou vs Anguilla

1 ougùstùs 2014

19:00: St Kitts & Nevis vs Anguilla

21:00: Kòrsou vs Cayman Islands

3 ougùstùs 2014

17:00: Anguilla vs Cayman Islands

19:00: Kòrsou vs St Kitts & Nevis

Entrada general pa hende grandi ta kosta Fl.10,- pa dia (tin 2 wega pa dia) i fl.25,- pa tur 3 dia. Mucha te ku 12 aña i 60+ ta kosta fl. 5,- pa dia (tin 2 wega pa dia) i fl.10,- pa tur 3 dia. VIP ta kosta fl. 75,- pa un dia (tin 2 wega pa dia), fl. 140,- pa 2 dia i fl. 200,- pa tur 3 dia. Karchinan ta optenibel na e lokètnan di SDK promé ku e weganan òf na ofisina di FFK bou di ora di ofisina.

July 23, 2014July 23, 2014

Selekshon Nashonal di futbòl U-20

WILLEMSTAD – Ayera e selekshon nashonal di Kòrsou U-20 ku ta den preparashon pa hunga nan partidonan di kualifikashon rumbo pa mundial di U-20 na New Zealand tabatin un wega di training kontra di Centro Barber.

Despues di e partido aki entrenadó Henry Caldera huntu ku su asistente Emo Schotborg a anunsiá e nòmbernan di e hungadónan ku lo forma parti di e selekshon nashonal U-20. Henry Caldera a hasi un yamada na un total di 20 hungadó, for di kua 13 ta di Kòrsou i 7 hungadó ta bin for di Hulanda. Tambe di dos hungadó tentativo ku a keda selekshoná pa e staf tékniko.

Awe e 7 hungadónan lo yega for di Hulanda i awe mes nan lo djòin e ekipo den e partido di training ku nan tin kontra selekshon mayor di Kòrsou.

E hungadónan ku a wòrdu skohe ta:

1. Shuremy Felomina (FC den Bosch)
2. Zues De la Paz (PSV)
3. Leonardo Martes (Willem 2)
4. Jersylee Riley (eks hungadó di NAC)
5. Wesley Richardson (eks hungadó di PEC Zwolle)
6. Junior Albertus (Feyenoord)
7. Luivieno Statia (Dordrecht)
8. Jhudamier Marchena (Victory Boys)
9. Andruw Stokkel (Centro Barber)
10. Jahir Valerius (Victory Boys)
11. Charginio Bilkerdijk (Victory Boys)
12. Quinton Christina (Jong Holland)
13. Shaquelle Clements (Rksv Centro Dominguito)
14. Luigino Pinedo (Centro Barber)
15. Bryan Cristian Bakboord (Victory Boys)
16. Isaï Marselia (Jong Holland)
17. Cedricson Antonio (Victory Boys)
18. Shurwendly Vicento (Undeba)
19. Gerffert Koster (Willemstad)
20. Jeanluis Fortin (C.H Mahuma)

21. Mitchell Isidora (Jong Holland)
22. Juricmar Arnhem (C.H Mahuma)

July 18, 2014July 18, 2014

Torneo internashonal di futbòl U-20 na Kòrsou

WILLEMSTAD – Fin di yüli i kuminsamentu di ougùstùs lo bai tuma lugá aki na Kòrsou den stadion Ergilio Hato (SDK) un torneo internashonal di futbòl U-20, ku ta e hungadónan bou di 20 aña.

E torneo aki ta e promé rònt di e weganan di klasifikatorio pa mundial di U-20 di FIFA. E torneo lo konta ku partisipashon di Cayman Islands, Anguilla, St Kitts & Nevis i nos selekshon nashonal di U-20.

Despues ku aña pasa pa promé biaha den historia nos selekshon di U-20 a yega final na Mexico i tabata entre e último 8 di e 42 paisnan di CONCACAF ku a partisipá, e biaha aki nos lo bai pa klasifiká pa Mundial di FIFA U-20.

Nos selekshon di U-20 ta konta ku un total di 20 hungadó di for di kua sinku ta bini for di Hulanda pa asina reforsá nos selekshon.

Skema di e weganan:

30 yüli 2014

19:00: Cayman Islands vs St Kitts & Nevis

21:00: Kòrsou vs Anguilla

1 ougùstùs 2014

19:00: St Kitts & Nevis vs Anguilla

21:00: Kòrsou vs Cayman Islands

3 ougùstùs 2014

17:00: Anguilla vs Cayman Islands

19:00: Kòrsou vs St Kitts & Nevis

E kosto pa asistí na e weganan ta lo siguiente;

Entrada general pa hende grandi ta kosta Fl.10,- pa dia (tin 2 wega pa dia) i fl.25,- pa tur 3 dia.

Mucha te ku 12 aña i 60+ ta kosta fl. 5,- pa dia (tin 2 wega pa dia) i fl.10,- pa tur 3 dia.

VIP ta kosta fl. 75,- pa un dia (tin 2 wega pa dia), fl. 140,- pa 2 dia i fl. 200,- pa tur 3 dia.

Karchinan ta optenibel na e lokètnan di SDK promé ku e weganan òf na ofisina di FFK bou di ora di ofisina.

FFK i MCB e amigu di deporte ta invitá hinter e pueblo di Kòrsou pa bin ku bo famia i bin sera bo fakansi i disfrutá di tremendo partidonan di kualifikashon pa e mundial di U-20. Bin sostené i apoyá nos hungadónan lokal i yuda engrandese e deporte rei, futbòl.