Futbòl Archives | Page 47 of 62

April 14, 2014April 14, 2014

Resultado Futbòl Liga MCB #5

WILLEMSTAD – Futbòl Liga MCB a kontinuá den wikènt tras di lomba ku sinku partido. Djabièrnè anochi 11 di aprel tabata tin e promé partido ora ku Hubentut Fortuna a topa ku Centro Barber. E partido aki a terminá den un empate na tres gol.

Djasabra 12 di aprel tabata tin dos partido. Den e promé partido entre Victory Boys i Jong Colombia tabata Victory Boys ku a sa di sali di e porta grandi, derotando Jong Colombia ku skor di 3-0.

Despues di e partido aki e siguí e partido entre Sithoc i Jong Holland. E partido aki a finalisá ku un viktoria di 2-1 pa Jong Holland.

Riba djadumingu Liga MCB a kontinuá ku dos partido. Den e promé partido SUBT a topa ku UNDEBA. Akinan ambos ekipo a sa di bai kas ku un punto despues di empatá na un gol.

Den e di dos partido di djadumingu, Centro Dominguito a topa ku Vesta. Den e partido aki Centro Dominguito a sa di anotá na kuater okashon pa gana di Vesta ku skor di 4-0.

April 11, 2014April 11, 2014

Futbòl Liga MCB wikènt di 11 di aprel

WILLEMSTAD – Futbòl Liga MCB ta kontinuá wikènt aki ku sinku partido na Stadion Ergilio Hato. Awe 11 di aprel 8’or di anochi tin e promé partido pa wikènt aki, na momentu ku Hubentud Fortuna topa ku Centro Barber. Djasabra 12 di aprel tin dos partido, kuminsando 7’or di anochi ku Victory Boys kontra Jong Colombia i despues 9’or, Jong Holland lo topa Sithoc. Djadumingu tambe tin dos partido, 5’or ta e promé partido ora ku SUBT topa ku UNDEBA i despues 7’or Centro Dominguito ta topa Vesta.

April 7, 2014

Resultado Futbòl Liga MCB #4

WILLEMSTAD – Futbòl Liga MCB a kontinuá den wikènt tras di lomba ku sinku partido. Djabièrnè anochi 4 di aprel tabata tin e promé partido ora ku SUBT a topa ku Jong Colombia. Den e partido aki tabata SUBT ku a sa di bai ku e tres puntonan, ganando di Jong Colombia ku skor di 3-0. Pa SUBT a golnan a keda anotá pa Geryon Alberto na dos okashon i Irving Doran.

Djasabra 5 di aprel tabata tin dos partido. Den e promé partido entre Jong Holland i Centro Barber tabata Jong Holland ku a sa di sali di e porta grandi, derotando Barber ku skor di 3-2. Pa Jong Holland e golnan a keda anotá pa Fernando Zimmerman, Quinton Christina i Charles Martina. Pa Centro Barber ambos gol a keda anotá pa Jurensley Martina.

Despues di e partido aki e siguí e partido entre Vesta i Hubentut Fortuna. E partido aki a finalisá na un empate na un gol. Pa Hubentut Fortuna tabata Lisandro Trinidat ku a habri e markadó, miéntras ku Ruchendro Kierindongo a igualá e markadó pa Vesta.

Riba djadumingu Liga MCB a kontinuá ku dos partido. Den e promé partido Centro Dominguito a topa ku Sithoc. Akinan ku dos gol di Mirco Colina Jr i otro di Ashar Bernardus, Centro Dominguito ta gana ku skor di 3-1. Pa Sithoc tabata Oswin Luiciano ku a anotá.

Den e di dos partido di djadumingu, Victory Boys a topa ku UNDEBA. Den e partido aki UNDEBA a sa di anotá na tres okashon pa gana di Victory Boys ku skor di 3-1, ku golnan di Deannejive Willems, Christopher Lourens i Jimbertson Vapor. E úniko gol di Victory Boys a keda anotá pa Raylison Lindo.

April 4, 2014

Partidónan di Liga MCB pa promé wikènt di aprel

WILLEMSTAD – Futbòl Liga MCB ta kontinuá wikènt aki ku sinku partido na Stadion Ergilio Hato. Awe 4 di aprel 8’or di anochi tin e partido entre SUBT i Jong Colombia. Djasabra 5 di aprel tin dos partido, kuminsando ku 7’or di anochi Centro Barber kontra Jong Holland i despues 9’or, Hubentut Fortuna lo topa Vesta. Djadumingu tambe tin dos partido, 5’or ta e promé partido ora ku Centro Dominguito topa ku Sithoc i despues 7’or Victory Boys ta topa UNDEBA.

April 3, 2014

FC Barcelona lo apelá sanshonnan imponé pa FIFA

BARCELONA – E ekipo di futbòl Barcelona FC a duna di konosé ku nan lo apelá e sanshonnan imponé pa FIFA. Esaki a keda anunsiá pa e ekipo den un komunikado. Mas aleu e ekipo a bisa ku nan lo bai e Tribunal di Arbitrahe Deportivo den kaso ku ta nesesario.

FIFA ayera a anunsiá ku nan ta prohibí Barcelona FC pa firma hungadó den e próksimo dos periodonan di kambio di hungadó pa motibu di violashonnan di regla. Ku esaki Barcelona no por firma hungadó den e periodo di yüli pa ougùstùs próksimo, tampoko e periodo di yanüari pa febrüari di 2015. Segun FIFA e ekipo Spañó a viola reglanan ku ta regulá firmamentu i kambionan di hungadónan bou di 18 aña di edat. Banda di esaki tambe Barcelona a haña un multa di $509.000 dòler. E ekipo a haña 90 dia pa regulá e situashon di tur hungadó menor di edat ku e la firma.

April 2, 2014

FC Barcelona sanshoná pa FIFA

ZURICH – Den un komunikado FIFA a anunsia ku nan ta prohibí Barcelona FC pa firma hungadó den e próksimo dos periodonan di kambio di hungadó pa motibu di violashonnan di regla. Ku esaki Barcelona no por firma hungadó den e periodo di yüli pa ougùstùs próksimo, tampoko e periodo di yanüari pa febrüari di 2015. Segun FIFA e ekipo Spañó a viola reglanan ku ta regulá firmamentu i kambionan di hungadónan bou di 18 aña di edat. Banda di esaki tambe Barcelona a haña un multa di $509.000 dòler. E ekipo a haña 90 dia pa regulá e situashon di tur hungadó menor di edat ku e la firma.

April 1, 2014

Centro Domiguito no ta klasifiká pa CONCACAF Champions League

WILLEMSTAD – E ekipo di Centro Dominguito a anunsiá awe ku nan lo no klasifiká pa e siguiente buèlta di e CFU Club Championship Cup. Esaki tabata konosí for di siman pasa ora ku e ekipo di Centro Domiguito a finalisá e promé buèlta di e torneo na di dos lugá den su grupo. Pero pa motibu ku e ekipo di Valencia FC di Haiti no por a demostrá nan afiliashon na e Federashon di Futbòl Haitiano, tabata tin un posibilidat ku Centro Domiguito por a remplasá e ekipo aki den e torneo i asina tog pasa pa e di dos buèlta.

Sin embargo, e Union di Futbòl Karibense konosí komo CFU a tuma e desishon pa kompletamente eliminá e di dos buèlta di e kampionato. Ku esaki e tres ekiponan ku a gana nan grupo den e promé buèlta lo representá CFU den e 2014/2015 CONCAFAF Champions League.

Apesar di ku e ekiponan, Waterhouse FC (Jamaica), Bayamon FC (Puerto Rico) i Alpha United (Guyana) a avansá pa e CONCACAF Champions League, nan mester sigui kumpli ku e regulashonnan stipulá pa CONCACAF. Si esaki no ta e kaso, Centro Dominguito lo remplasá e ekipo aki komo e mihó di dos lugá di e kampionato.

April 1, 2014

Centro Domiguito ta gana di Jong Colombia

WILLEMSTAD – Ayera e di tres siman di Liga MCB a kontinuá ku e partido entre Centro Dominguito i Jong Colombia. E partido aki mester a tuma lugá for di djabièrnè pero pa motibu di kompromiso ku e ekipo di Centro Domiguito tabata tin den eksterior siman pasa, e partido a keda di skedjel pa djaluna. Ashar Bernardus tabata e hungadó di momento pa e ekipo di Centro Domiguito, anotando tur tres gol pa Centro gana di Jong Colombia ku skor di 3-0.

March 31, 2014

Resultado Futbòl Liga MCB #3

WILLEMSTAD – E di tres siman di futbòl Liga MCB a continua den wikènt tras di lomba. E partido di djabièrnè entre Centro Dominguito i Jong Colombia a keda postpone i lo wòrdu hunga awe 8’or di anochi na stadion Ergilio Hato.

Djasabra 29 di mart tabata tin e partido entre SUBT i Sithoc. Den e partido aki SUBT a sali di e porta grandi, goliando e ekipo di Sithoc ku un skor di 5-1. Pa SUBT Geryon Alberto a anotá na tres okashon, miéntras ku Stallone Isenia a anotá na dos okashon. E úniko gol di Sithoc a keda anotá pa Jason Inecia.

Despues di e partido aki e siguí e partido entre UNDEBA i Hubentut Fortuna. Den e partido aki UNDEBA a sali viktorioso ganando di Hubentut Fortuna ku skor di 3-1. Christopher Lourens, Norvianel Naar i Edelmar la Cruz a anotá pa UNDEBA. Miéntras ku Johuar Martina a anotá pa Hubentut Fortuna.

Riba djadumingu Liga MCB a kontinuá ku dos partido. Den e prome partido Jong Holland a topa ku Victory Boys. Akinan ku golnan di Randal Winklaar, Jonathan Lindo i Vylison Lake e ekipo di Victory Boys ta derota Jong Holland ku skor di 3-1. Pa Jong Holland e gol a keda anotá pa Charles Martina.

Den e di dos partido di djadumingu, Vesta a topa ku Centro Barber. Despues ku Centro Barber a kai atras 1-0 riba un gol di Ruchendro Kierindongo di Vesta e ekipo a sa di bini bek i gana e partido ku skor di 2-1. Jurensley Martina tabata e hungadó ku a sali na reskate di Barber, anotando tur dos gol pa e ekipo.

March 26, 2014

Centro Domiguito a gana di Bodden Town FC

BAYAMON, PUERTO RICO – Riba e ultimo fecha di e promé buèlta di e CFU Club Championship e ekipo di Centro Dominguito a sa di gana ku skor di 4-2 di Bodden Town FC. Tantu e ekipo di Centro Domiguito komo Bayamon FC i Unite Saint Rossiene a finalisá e promé buèlta invikto ku 5 punto.

Esaki a pone ku mester a wak diferensia di gol pa determiná ken ta gana e grupo. Centro Dominguito tabata tin un diferensia di gol di dos miéntras ku Bayamon FC tabata tin sinku. Pa e motibu aki e ekipo di Bayamon FC a keda na promé lugá i klasifiká pa e siguiente buèlta di e kompetensia.

Pa Centro Dominguito dos di e golnan a keda anotá pa Shairon Bernardus. Kemoy Reid a anotá otro i tabata tin un outo gol.