Category: Futbòl

Posted on

Jetro Willems i Jürgen Locadia den pre-selekshon ‘Jong Oranje’

ZEIST, HULANDA – Pa e siguiente wega amistoso di e selekshon Hulandes U-21 e Direktor Tékniko, Albert Stuivenberg a hinka den otro un selekshon tentativo di 31 hungando. Den e selekshon tentativo aki tin entre otro, Jetro Willems i Jürgen Locadia.

Jong Oranje lo hunga kontra Israel riba djárason 5 di mart próksimo. Esaki ta e promé enkuentro pa e selekshon di Jong Oranje e aña aki. E selekshon ta buskando klasifikashon pa e Kampionato Europeo na aña 2015.

Djabièrnè 28 di febrüari, Stuivenberg ta anunsiá e selekshon definitivo pa e partido kontra Israel.

E selekshon tentativo:

Nathan Aké (Chelsea)
Yassin Ayoub (FC Utrecht)
Bilal Basaçikoglu (sc Heerenveen)
Sven van Beek (Feyenoord)
Lucas Bijker (SC Cambuur)
Luc Castaignos (FC Twente)
Chris David (Fulham)
Stefano Denswil (Ajax)
Kyle Ebecilio (FC Twente)
Warner Hahn (FC Dordrecht)
Mickey van der Hart (Ajax)
Jorrit Hendrix (PSV)
Mike van der Hoorn (Ajax)
Guus Hupperts (Roda JC)
Ola John (Hamburger SV)
Terence Kongolo (Feyenoord)
Dico Koppers (FC Twente)
Stefan van der Lei (FC Groningen)
Ruben Ligeon (Ajax)
Jürgen Locadia (PSV)
Adam Maher (PSV)
Terell Ondaan (Willem II)
Mustafa Saymak (PEC Zwolle)
Alex Schalk (PSV)
Sonny Stevens (FC Twente)
Lesly de Sa (Ajax)
Deniz Türüc (Go Ahead Eagles)
Tonny Trindade de Vilhena (Feyenoord)
Mike te Wierik (sc Heracles)
Jetro Willems (PSV)
Hakim Ziyech (sc Heerenveen)

Posted on

Skedjel Pre-Mundial pa e selekshon Hulandes di futbòl

WILLEMSTAD – Ku mira riba Mundial di Futbòl 2014 na Brazil den luna di yüni/yüli próksimo, e diferente selekshon nashonal nan a kuminsá publiká nan skedjel di wega nan di fogeo. E selekshon Hulandes a anunsiá kuater partido di fogeo promé ku Mundial 2014.

Djárason 5 di mart ta fecha stipulá pa FIFA pa wega nan amistoso. Pues riba e fecha aki mayoria si no ta tur e diferente selekshon nan nashonal lo tin partido nan amistoso programa. Despues di esaki riba 26 di mei e diferente klup nan mester hasi na hungadó disponibel pa e diferente selekshon nashonal nan. Pues di 26 di mei bai kontra Mundial riba 12 di yüni lo tin un kantidat mas di partido amistoso.

E skedjel ku a keda presentá pa e Federashon di Futbòl Hulandes ta lo siguiente:

Djárason 5 di mart 2014
Hulanda kontra Fransia na Fransia

Djasabra 17 di mei 2014
Hulanda kontra Ecuador na Hulanda

Djasabra 31 di mei 2014
Hulanda kontra Ghana na Hulanda

Djárason 4 di yüni 2014
Hulanda kontra Wales na Hulanda

Posted on

RKSV Centro Dominguito den CFU Club Championship Cup

WILLEMSTAD – E ekipo di futbòl di Kòrsou, RKSV Centro Dominguito lo ta un di e diestres ekipo nan ku lo partisipá den e CFU Club Championship Cup na mart próksimo. E torneo aki, ku ta e torneo klasifikatorio pa CONCAFAC Champions League lo tuma lugá entre 19 i 26 di mart próksimo.

E ekipo di Centro Dominguito lo ta den Grupo 1 i lo hunga su partido nan na Bayamon, Puerto Rico. Segun informashon nan di Caribbean Football Union (CFU), Centro Dominguito ta hunga nan promé partido dia 21 di mart kontra Unite Saint Rosienne di Guadeloupe. Riba 23 di mart, Dominguito lo enfrentá e ekipo di kas ku ta Bayamon FC. Por ultimo, Centro Dominguito ta hunga dia 25 di mart kontra Bodden Town FC.

E ganadó nan di kada grupo ta pasa pa e buèlta final, ku lo tuma lugá entre 16 i 21 di april. E lokalidat pa e buèlta final no a keda anunsiá ainda.

Posted on

Jetro Willems su leshon no ta grave

EINDHOVEN – E ekipo di PSV a anunsiá awe ku e leshon na e hamstring di Jetro Willems no ta algu di gravedat. Segun e ekipo, despues di eksámen nan médiko ku entre nan un MRI scan, no a detektá leshon na e hamstring di e hungadó. Willems mes ora a haña lus bèrdè pa kontinuá ku training awe.

Jetro e keda leshoná den e partido di PSV kontra di AZ Alkmaar den wikènt tras di lomba. Den e partido aki Willems a manda PSV ariba ku skor di 1-0 na di 3 minüt di e partido. Pero na di 66 minüt e defensor di PSV mester a bandoná e partido ku un leshon na su hamstring.

E ekipo di PSV ta hunga nan siguiente partido djadumingu 2 di febrüari kontra RKC Waalwijk.

Posted on

Jetro Willems leshoná den partido kontra AZ Alkmaar

EINDHOVEN – Jetro Willems a keda leshoná den e partido di PSV kontra di AZ Alkmaar. E partido ku PSV a gana ku skor di 1-0 a kuminsá bon pa Willems ku na di 3 minüt di e partido a manda PSV ariba. Pero na di 66 minüt e defensor di PSV mester a bandoná e partido ku un leshon na su hamstring.

Un MRI-scan mester a keda hasi den transkurso di dia pa determiná e gravedat di e leshon. E resultado di MRI no ta konosí ainda. Pues ainda no por bisa si Jetro lo tin ku tuma algun tempu di deskanso pa rekuperá.

Na novèmber aña pasa Willems a pèrdè kasi un luna di aktividat pa un leshon na su rudia. Esaki a sosodé na momentu ku Jetro tabata huntu ku e selekshon Hulandes preparando pa e partido di fogeo entre Hulanda i Colombia.

Posted on

Quinton Christina no a keda selekshoná den draft di MLS

PHILADELPHIA – E liga di futbòl profeshonal Merikano mihó konosí komo MLS a tene e ultimo dos buèlta nan di e SuperDraft. Lástima mente, e hóben Kurasoleño, Quinton Christina no a keda selekshoná pa niun ekipo di MLS.

Apesar di esaki, Christina por ta satisfecho ku su prestashon. E hungadó di Jong Holland tabata un di solamente 23 hungadó di Karibe ku a keda invitá na e promé Caribbean Combine na Antigua. Tambe e futbolista tabata un di e dos futbolista nan di Karibe ku a keda selekshoná pa e MLS Combine Florida despues di un bon prestashon na Antigua.

E otro hungadó di Karibe ku a partisipá huntu ku Quinton na e MLS Combine Florida tabata Stefano Rijssel di Surnam. E hóben aki a keda di draft pa e ekipo di Seattle Sounders.

Posted on

Dia di desishon pa Quinton Christina

PHILADELPHIA – Despues ku Quinton Christina no a keda selekshoná den e promé dos buèlta nan di e 2014 MLS Superdraft siman pasa, e siman aki e hóben futbolista di Jong Holland tin un otro chèns.

Awe, 21 di yanüari pa 3’or ora lokal di Kòrsou lo tin e buèlta tres i kuater di e draft. Den e ultimo dos buèlta nan aki e diferente ekipo nan di futbòl profeshonal Merikano por selekshoná un total di 39 hungadó.

Christina a laga un bo impreshon atras despues di e tryout ku a tuma lugá siman pasa na Florida. Segun konosedó nan di futbòl, Christina tabata un di e hungadó mas sigur tras di bala na e tryout siman pasa, ku abilidat di konektá pase nan.

Posted on

VIDEO: Quinton Christina partisipando den 2014 Adidas MLS Player Combine

FT. LAUDERDALE, FLORIDA – E futbolista Kurasoleño, Quinton Christina ta partisipando na e 2014 Adidas MLS Player Combine. Den e evento aki scout nan di e diferente ekipo nan di futbòl profeshonal na Merka ta haña e oportunidat di wak i papia ku diferente prospekto di futbòl. E Adidas MLS Player Combine ta terminá ku e draft ku lo tuma lugá 16 di yanüari, 12’or di mèrdia ora Merikano.

Den e evento Christina a keda apuntá den e ekipo di Brazuca. Ku e ekipo aki Quinton lo hunga tres partido dilanti di scout nan. Dos partido ya ta tras di lomba, miéntras ku e di tres partido lo tuma lugá djamars dia 14 di yanüari. Awe, 13 di yanüari e hungadó nan lo tin entrevista ku e diferente ekipo nan di futbòl profeshonal na Merka.

Siguientemente bo por mira e momentu nan mas importante di e dos partido nan ku tin tras di lomba. Quinton Christina ta karga number 75 riba lomba i ta visibel den tur dos video.

Promé dia Brazuca (2) kontra adiZero (0)

 

Di dos dia Predator (0) kontra Brazuca (1)

 

Posted on

Rignal ‘Jean’ Francisca ta keda komo presidente di FFK

WILLEMSTAD – Den e reunion general pa miembro nan di Federashon Futbòl Kòrsou (FFK), algun miembro a presentá un moshon di deskonfiansa kontra e direktiva aktual di FFK presidí pa Rignal ‘Jean’ Francisca. E moshon aki a bin pa motibu ku algun miembro no ta kontentu na e manera ku e maneho di FFK ta bayendo.

E miembro nan ku a presentá e moshon tabata tin sigur ku nan lo por a logra kore ku e direktiva ya komo nan tabata tin mayoria. Apesar di esaki e miembro nan no a logra pasa e moshon di deskonfiansa. Esaki debí na e echo ku e miembro nan no a kumpli ku e prosedura stipulá den statuto nan na momentu di presentá un moshon. Konsekuentemente e moshon di deskonfiansa a keda anulá i por lo pronto e direktiva aktual ta keda.

Posted on

Federashon Futbòl Kòrsou ku premiashon pa Temporada 2013

WILLEMSTAD – Federashon Futbòl Kòrsou a tene un anochi di premiashon kaminda nan a premia nan miembro nan ku a destaká den temporada 2013.

E premio nan a keda repartí di e siguiente forma:

  • Ekipo kampion Terser divishon/Liga Reserva: UNDEBA
  • Ekipo supkampion Terser divishon/Liga Reserva: Hubentut Fortuna
  • Ekipo kampion segundo divishon: C.H.Mahuma
  • Ekipo supkampion segundo divishon: Inter Willemstad
  • Dirigente atministrativo segundo divishon: Micheal Stokkel (C.H.Mahuma)
  • Dirigente atministrativo promé divishon: Siegfried Constancia (Jong Colombia)
  • Dirigente tékniko segundo divishon: Silvio Alberto (C.H.Mahuma)
  • Dirigente tékniko promé divishon: Ingemar Pieternella (Centro Dominguitu)
  • Wes (rèfri): Edsel Dimie
  • Ekipo mas disiplina damas: Hubentut Fortuna
  • Ekipo mas disiplina segundo divishon: C.H.Mahuma
  • Ekipo mas disiplina promé divishon: SUBT
  • Ekipo di aña segundo divishon: C.H.Mahuma
  • Ekipo di aña promé divishon: Cento Barber
  • Nobato di aña: Nathaniel Pinedo (SUBT)
  • Mihó kiper segundo divishon: J.Arnhem (C.H.Mahuma)
  • Mihó kiper promé divishon: Jarzinho Pieter (Centro Dominguitu)
  • Goliadó damas: Ketsiah Nahr
  • Goliadó segundo divishon: A. Derval (Union Deportivo Tera Kora)
  • Goliadó promé divishon: Mirco Colina Jr (Centro Dominguitu) i Ruensly Leuteria (C.Barber)
  • Hungadó di aña damas: Shirvienny Jamanica (Inter Willemstad)
  • Hungadó di aña segundo divishon: Andrew Stokkel (C.H.Mahuma)
  • Hungadó di aña promé divishon: Luidgino Hoyer (Centro Dominguitu)
Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media