Category: Futbòl

Posted on

Eksitoso proyekto di Flow, Manchester United i FFK

WILLEMSTAD — Djasabra, 18 di mart último a tuma lugá na tereno di FFK e ‘The Flow Ultimate Football Experience’. Flow i Manchester United Football Club a uni pa brinda na 15 pais di Karibe un tremendo oportunidat. Konhuntamente ku FFK a selekshoná 40 hungadó, di 13 pa 16 aña, aktivo di nos kampionato hubenil pa partisipá na e kompetensia ‘The Flow Ultimate Football Experience’.

E hungadó nan e keda evaluá a base di e siguiente 3 abilidatnan;

  1. Abilidat di kontrol di bala
  2. Abilidat di pase nan kòrtiku
  3. Abilidat pa ‘dribbel’ ku bala

Tur hungadó a keda repartí den diferente grupo i a keda evaluá dor di algun entrenadó lokal. Na final di dia e 2 hungadónan ku e puntuashon di mas altu a resultá e 2 ganadó nan ku lo representá Kòrsou na Trinidat & Tobago. Aya na Trinidat nan lo tin un seshon individual ku entrenadónan di CFU i Manchester United. Tambe nan lo kompetí ku e ganadó nan di e otro 14 paisnan partisipante p’asina saka un ganadó. E ganadó lo sigui pa London pa representá nos region durante e kompetensia aki.

E 2 ganadónan a resultá di ta Emian-Johar Semedo di e ekipo di Willemstad i Sharrion Pietersz di e ekipo di Excellence School. Emian i Sharrion lo biaha dia 6 di mei próksimo akompañá pa un mayor i nan entrenadó pa Trinidat & Tobago.

Banda di e 2 ganadó nan aki FFK a premia e hungadónan ku a anotá mas gol durante e kompetensia aki.

Esaki nan ta lo siguiente;

  1. Adriel Evertsz
  2. Leroy Dickens
  3. Ruhairon Sambo
  4. Reuel-Jaden Stewart
  5. Richainro Adamus

Lindsey Hart i Sofia Colina tambe a keda premiá komo e 2 mucha muhé nan ku e puntuashon di mas haltu.

FFK ta felisitá tur hungadó pa nan tremendo trabou durante e kompetensia aki i ta deseá e 2 ganadónan, Emian-Johar Semedo i Sharrion Pietersz tur klase di éksito aya na Trinidat & Tobago.

Posted on

Kòrsou i El Salvador ta empatá den partido amistoso

WILLEMSTAD — E selekshon nashonal di Kòrsou ku ta preparando pa Kopa Karibe i tambe Kopa Oro a hunga un partido amistoso kontra e selekshon di El Salvador ayera den Stadion dr. Antoine Maduro. Ámbos selekshon ta den Grupo C di Kopa Oro i lo bolbe enfrentá otro durante e torneo den luna di yüli próksimo.

E partido a finalisá na un empate na un gol. E selekshon lokal a bai ariba na di 73 minüt ku gol di Felitciano Zschusschen. E ekipo di El Salvador a logra empatá e partido den di 90+ minüt.

E selekshon di Kòrsou ta keda na Kòrsou te ku dia 29 di mart próksimo. durante e dianan aki e selekshon lo sigui entrená. Djasabra dia 25 di mart e selekshon lo hunga otro partido di entrenamentu. Esaki lo ta un partido kaminda lo dividí e selekshon den dos pa hunga kontra otro.

Posted on

Kòrsou kontra El Salvador di ekshibishon awe

WILLEMSTAD — Tur kos ta kla pa nos selekshon nashonal enfrentá El Salvador awe, 22 di mart, 8’or di anochi den Stadion Antoine Maduro. Esaki lo ta nos promé wega di fogeo komo preparashon pa e delaster buèlta di Scotiabank Caribbean Cup tuma lugá na Martnique den luna di yüni i Gold Cup 2017 ku lo tuma lugá na Merka den luna di yüli.

Den dianan tras di lomba nos hungadónan residensia den eksterior a pisa suela di Kòrsou pa kontinuá ku e práktikanan intensivo pa e partido di awe. Nos kontrinkante, e selekshon di El Salvador tambe a yega Kòrsou ayera den oranan di mèrdia i a kuminsá ku nan preparashonnan.

Aki ta sigui un biografia chikí di e hungadó nobo di nos selekshon nashonal.

Nòmber: Brandley Kuwas
Fecha di nasementu: 19 sèptèmber 1992
Ekipo: Heracles Almelo
Posishon: Mediokampo

Brandley Kuwas ta un hóben futbolista di 24 aña di edat, nasé na Hulanda (Hoorn) dia 19 di sèptèmber 1992.  Su posishon preferí ta mediokampo i for di yüli 2016 e ta militá den e ekipo di divishon di honor, Herecles Almelo. Promé ku e ekipo ku e ta militá aden, ela forma parti di ekiponan manera, SVB Excelsior, FC Volendam i KFC den kual ela gana diferente kampionato i trofeo.

For di edat yòn Brandley a kuminsá práktika e deporte di futbòl i a militá den diferente ekipo hubenil. El militá den ekiponan manera; Hellas Sport, AZ I KFC 1910. Despues di a partisipá na e partido amistoso entre nos selekshon i Achilles’29 ku a tuma lugá resientemente aya na Hulanda, Brandley a kuminsá evaluá si e lo ke keda hunga pa nos selekshon òf forma parti di e selekshon di Hulanda. Pero despues di a tuma varios konseho entre otro di su mama kende ta un yu di Kòrsou, ela skohe pa forma parti di nos selekshon i representá nos dushi isla durante e partidonan importante ku tin na kaminda. Pues Brandley tambe ta kla pa enfrentá El Salvador mañan anochi durante e partido di fogeo aki.

Karchinan pa e partido aki lo ta optenibel solamente na FFK bou di ora di ofisina.

Dia di wega karchinan lo ta optenibel na e lokèt nan di Stadion Antoine Maduro.

E partido ta kuminsá 8’or di anochi pero portanan ta habri for di 5’or di atardi, yega trempan pa evitá e trafiko!

E preisnan pa e diferente sekshonnan ta lo siguiente:

  • Sekshon A; Tribuna pariba di tribuna di honor ta Fl.50,-
  • Sekshon B; Tribuna patras di golnan na lado di Maripampoen ta Fl.25,-
  • Sekshon C; Tribuna patras di golnan na lado di Willemstad ta Fl.25,-
  • Sekshon D; Tribuna pabou di tribuna di honor ta Fl.15,-
  • Den e sekshon B i C (tribuna patras di golnan) mucha te ku 12 aña i 60+ ta paga Fl.15,-

E hungadónan di nos selekshon ku lo partisipá na e wega di fogeo aki ta lo siguiente;

  1. Eloy Room
  2. Reangelo Janga
  3. Jeremy de Nooijer
  4. Quintin Jacoba
  5. Doriano Kortstam
  6. Jurriën Gaari
  7. Rhu-Endly Martina
  8. Darryl Lachman
  9. Gillian Justiana
  10. Dustley Mulder
  11. Shanon Carmelia
  12. Ayrton Statie
  13. Michaël Maria
  14. Leandro Bacuna
  15. Germaine Agustien
  16. Brandley Kuwas
  17. Elson Hooi
  18. Jarchino Antonia
  19. Gino van Kessel
  20. Gevaro Nepomuceno
  21. Felitsiano Zschusschen
  22. Rowendy Sumter
  23. Jarzinho Pieter
  24. Ashar Bernardus
  25. Jimbertson Vapor
  26. Christopher Isenia

Un yamada ta bai na henter e pueblo di Kòrsou pa bin na bòshi, bin disfrutá di un tremendo partido! Sali ku bo bandera di Kòrsou, bo t-shirt, bo shal, bin apoyá i sostené nos hungadónan komo e number 12!

Posted on

Preparashonnan pa e final di Scotiabank Caribbean Cup i Gold Cup ta kontinuá

WILLEMSTAD — Manera ya ta konosí nos selekshon nashonal tin 2 evento grandi na kaminda. E promé lo ta nos partidonan den e buèlta final di e Scotiabank Caribbean Cup ku lo tuma lugá na Martinique di 22 pa 25 yüni 2017.

E paisnan ku ta den nos pul ta lo siguiente;

  1. Jamaica
  2. Martinique
  3. Kòrsou
  4. Frans Guyana

E promé partido lo ta dia 22 di yüni 6’or di atardi entre Jamaica i Frans Guyana miéntras e segundo partido lo ta 8or di anochi, kaminda nos selekshon nashonal lo enfrentá e ekipo anfitrion, Martinique.

Djis despues nos selekshon lo mester enfrentá Mexico, Jamaica i El Salvador ku ta e 3 pais nan ku huntu ku Kòrsou ta forma parti di grupo C di Gold Cup 2017.

E promé ronda di weganan lo tuma lugá den 9 stadion na 9 siudat di Merka di 7 pa 16 di yüli 2017 i esaki nan ta lo siguiente;

7 yüli, Grupo A – NY/NJ – Red Bull Arena (Harrison, NJ)
8 yüli, Grupo B – Nashville – Nissan Stadium (Nashville, TN)
9 yüli, Grupo C – San Diego – Qualcomm Stadium (San Diego, CA)
11 yüli, Grupo A – Houston – BBVA Compass Stadium (Houston, TX)
12 yüli, Grupo B – Tampa Bay – Raymond James Stadium (Tampa, FL)
13 yüli 13, Grupo C – Denver – Sports Authority Field (Denver, CO)
14 yüli 14, Grupo A – Dallas – Toyota Stadium (Frisco, TX)
15 yüli, Grupo B – Cleveland – FirstEnergy Stadium (Cleveland, OH)
16 yüli, Grupo C – San Antonio – Alamodome (San Antonio, TX)

Despues di e promé ronda ta sigui e partidonan di ‘knockout’ ku lo ta den 5 stadion den 5 siudat di Merka.

Kuart final,19 yüli; Philadelphia – Lincoln Financial Field (Philadelphia, PA)
Kuart final,20 yüli;  Phoenix – University of Phoenix Stadium (Glendale, AZ)
Semi final, 22 yüli; Dallas – AT&T Stadium (Arlington, TX)
Semi final, July 23 yüli; Los Angeles – Rose Bowl (Pasadena, CA)
Final, 26 yüli; Bay Area – Levi’s Stadium (Santa Clara, CA)

Skema di weganan Grupo C:

Fecha Tim di kas Bishitante Stadion Siudat
1 9 yüli 2017 Kòrsou Jamaica Qualcomm Stadium San Diego
2 Mexico El salvador
3 13 yüli 2017 El Salvador Kòrsou Sports Authority Field Denver
4 Mexico Jamaica
5 16 yüli 2017 Jamaica El Salvador Alamodome San Antonio
6 Kòrsou Mexico

Pues preparashonnan ta kontinuá e siman aki ku yegada di nos hungadónan residensá den eksterior pa djòin esnan lokal i sigui ku training nan pa e gran eventonan aki. Djarason, 22 di mart pa 8’or den Stadion Antoine Maduro nos selekshon lo enfrentá e selekshon di El Salvador den un partido amistoso. Despues di e partido aki nos lo tin diferente partido amistoso ku diferente pais pa sigui prepará pa e final di Scotiabank Caribbean Cup i Gold Cup 2017.

Nos muchanan ta konta ku sosten di hinter e pueblo di Kòrsou, djarason awor 22 di mart 8’or di anochi den Stadion Antoine Maduro! Sali ku bo bandera di Kòrsou, bo t-shirt, bo shal i bin apoyá nos hungadónan komo e number 12!

Posted on

Kòrsou lo topa selekshon di El Salvador den un partido di fogeo djárason

WILLEMSTAD — Komo preparashon pa e 2 eventonan grandinan aki ku nos selekshon tin na kaminda, di 20 pa 28 di mart próksimo, durante kalendario di FIFA, nos hungadónan residensia den eksterior lo bin Kòrsou pa huntu ku nos hungadónan lokal sigui ku e training nan pa e kompromiso nan aki.

Nos hungadó nan lo yega djaluna, dia 20 di mart 3or di atardi ku buelo di KLM, pa djárason 22 di mart 2017, nos selekshon nashonal lo enfrentá e selekshon di El Salvador den un wega di fogeo, 8’or di anochi den Stadion Antoine Maduro (SUBT).

E selekshon di El Salvador tambe lo yega Kòrsou djaluna 20 di mart, 12’or di mèrdia riba vuelo di Copa Airlines pa kuminsá ku preparashonnan pa e wega di djárason.

Karchinan pa e partido aki lo ta optenibel djaluna na FFK bou di ora di ofisina, Botika Mampuritu, Beep Beep i pòmp di gasolin Santa Maria.

Dia di wega karchinan lo ta optenibel na e lokèt nan di Stadion Antoine Maduro.

E partido ta kuminsá 8’or di anochi pero portanan ta habri for di 5’or di atardi, yega trempan pa evitá e trafiko!

E preisnan pa e diferente sekshonnan ta lo siguiente:

  • Sekshon A; Tribuna pariba di tribuna di honor ta Fl.50,-
  • Sekshon B; Tribuna patras di golnan na lado di Maripampoen ta Fl.25,-
  • Sekshon C; Tribuna patras di golnan na lado di Willemstad ta Fl.25,-
  • Sekshon D; Tribuna pabou di tribuna di honor ta Fl.15,-
  • Den e sekshon B i C (tribuna patras di golnan) mucha te ku 12 aña i 60+ ta paga Fl.15,-

E hungadónan di nos selekshon ku lo partisipá na e wega di fogeo aki ta lo siguiente;

  1. Eloy Room
  2. Reangelo Janga
  3. Jeremy de Nooijer
  4. Quintin Jacoba
  5. Doriano Kortstam
  6. Jurriën Gaari
  7. Rhu-Endly Martina
  8. Darryl Lachman
  9. Gillian Justiana
  10. Dustley Mulder
  11. Shanon Carmelia
  12. Ayrton Statie
  13. Michaël Maria
  14. Leandro Bacuna
  15. Germaine Agustien
  16. Brandley Kuwas
  17. Elson Hooi
  18. Jarchino Antonia
  19. Gino van Kessel
  20. Gevaro Nepomuceno
  21. Felitsiano Zschusschen
  22. Rowendy Sumter
  23. Jarzinho Pieter
  24. Ashar Bernardus
  25. Jimbertson Vapor
  26. Christopher Isenia

Miéntras e selekshon di El Salvador su hungadonan ta;

  1. Benji Villalobos
  2. Oscar Aroyo
  3. Bryan Tamacas
  4. Josué Santos
  5. Alexander Larin
  6. Andrés Flores
  7. Gerson Mayen
  8. Efrain Burgos
  9. Oscar Cerén
  10. Rodolfo Zelaya
  11. Irving Herrera
  12. Fernando Castillo
  13. Iván Mancía
  14. Roberto Domínguez
  15. Juan Barahona
  16. Henry Romero
  17. Herbert Sosa
  18. Bryan Landaverde
  19. Darwin Cerén
  20. Richard Menjivar
  21. Victor García
  22. Dennis Pineda
  23. Harold Alas

Un yamada ta bai na henter e pueblo di Kòrsou pa bin na bòshi, bin disfrutá di un tremendo partido! Sali ku bo bandera di Kòrsou, bo t-shirt, bo shal, bin apoyá i sostené nos hungadónan komo e number 12!

Posted on

Jürgen Locadia i Patrick van Aanholt riba radar di Remko Bicentini

HULANDA — Otro siman e selekshon nashonal di Kòrsou lo tin un kampamentu di entrenamentu na Kòrsou. Komo parti di e kampamentu aki e selekshon di Kòrsou lo hunga un partido di fogeo kontra El Salvador.

Tras di kortina trabounan ta sigui i segun informashonnan, direktor tékniko di e selekshon di Kòrsou Remko Bicentini ketu bai ta buskando refuerso pa e selekshon. Jürgen Locadia di PSV i Patrick van Aanholt di Crystal Palace ta entre e hungadónan ku ta riba radar di Bicentini.

Den un deklarashon na De Gelderlander, Bicentini a bisa ku ámbos hungadó por spera un invitashon di selekshon di Kòrsou den e dianan ku ta bini. Mas aleu Bicentini a bisa ku tambe e tin bista riba Guyon Fernandez i Gervane Kastanneer di ADO Den Haag.

Posted on

Nos selekshon nashonal U-13 a sali pa Aruba

WILLEMSTAD — Despues di dianan di trainingnan intensivo i un temporada di preparashon ekstenso, ayera, djadumingu 12 di mart nos selekshon nashonal U-13 a biaha pa Aruba pa asina kumpli ku nan kompromisonan den e torneo internashonal Himno i Bandera ku ta tuma lugá di 13 pa 18 di mart.

E paisnan ku lo partisipá na e torneo aki ta lo siguiente; Aruba, Boneiru, Colombia, Kòrsou, St. Maarten i Venesuela.

Skema di nos weganan:

Fecha Orario Tim di kas Bishitante Lugá
1 13 mart 17 4:30 PM Kòrsou Boneiru Compleho Deportivo Guillermo Prospero Trinidat

(Dakota)
2 14 mart 17 6:20 PM Colombia Kòrsou
3 15 mart 17 6:20 PM Aruba Kòrsou
4 16 mart 17 7:30 PM Kòrsou Venesuela
5 17 mart 17 5:00 PM Kòrsou St. Maarten

Weganan final:

Fecha Orario Tim di kas Bishitante Lugá
1 18 mart 17 4:30 PM Terser puesto Di 4 puesto Compleho Deportivo Guillermo P. Trinidat
2 18 mart 17 6:00 PM Promé puesto Segundo puesto

Nos selekshon nashonal di U-13 ta konsistí di un grupo di 19 hungadó ku ta wòrdu dirigí pa Sr. Germain Ignacius ku ta e entrenadó di e selekshon aki i Sr. Mayron Agustin ku Sr. Brenton Balentien ku ta e asistentenan di e entrenadó.

Tambe a biaha huntu ku e selekshon Sr. Eulogio Leocadia ku ta e masahista di e selekshon i e hefe di delegashon ku ta Sr. Stanley Coffy, miembro di direktiva di FFK.

Awe, durante nos promé enkuentro nos a sa di gana Boneiru ku e skor di 3-0. Nos golnan a keda anotá pa Rensver Juliana (2x) i Joshua Rosaria.

Nos selekshon ta konsistí di e siguiente hungadónan:

  1. Quihaindri Bibiana
  2. Dayron Boelijn
  3. Keaton Bouwland
  4. Yesias Ignacius
  5. Yermal Inees
  6. Jhurielmerson Ines
  7. Rayhim Inesia
  8. Rensver Juliana
  9. Nicolas Loaiza Atehortua
  10. Melbourne Marquez Ricardo
  11. Reuel Martina
  12. Shedrion Mathilda
  13. Joshua Rosaria
  14. Gior Selassa
  15. Arthur Suart
  16. Nirik van Thijs
  17. Kane Velting
  18. Zain Virginia
  19. Marro Wilms

FFK i MCB kier a deseá nos selekshon di U-13 tur klase di éksito i tin sigur ku nan lo sa di hasi un bon trabou na Aruba den e torneo internashonal Himno i Bandera.

Posted on

Hubentut Fortuna a titulá kampion di e torneo di 5 vs 5 di Kampionato di Dama

WILLEMSTAD — Ayera, djadumingu 12 di mart, na tereno di FFK a tuma lugá e partidonan final di torneo pa ‘warm up’ 5 vs 5 di Kampionato di Dama. E partido final tabata entre e ekipo di Hubentut Fortuna 1 i Subt 2. Hubentut Fortuna 1 a golia Subt 2 i a gana ku e skor di 6-0, p’asina titulá kampion di e torneo aki lagando Subt 2 komo e ekipo sup kampion. Mesun pareu a tuma lugá e partido pa determiná e terser i di 4 puesto. Aki nan Subt 3 a gana Willemstad 1 ku e skor pèrtá di 3-2. E públiko presente por a disfrutá di tremendo partidonan di futbòl di nos damanan i a presensiá algun wega hopi emoshonante durante e gran final aki.

E meta di e torneo di ‘warm up’ aki ta pa stimulá e desaroyo di futbòl di dama. Den luna di aprel lo tin e Kampionato pa Dama di 7 vs7 i den ougùstùs lo tin e kampionato di 11 vs 11. Tur e diferente torneonan aki ta forma parti di e preparashon pa e diferente selekshonnan ku lo bai representá nos den eskterior durante e aña aki. Nos selekshon di dama senior lo biaha den luna di mei, e U-20 lo representá nos na luna di yüli, esun di U-17 lo a den luna di ougùstùs miéntras e U-13 lo biaha den luna di òktober 2017. Pues e aña aki nos dama nan lo bai represntá nos den diferente kategoria i den diferente kampionato internashonal.

Resultadonan di partidonan anterior:

Hub. Fortuna 1 vs Vesta 1 4-1
Subt 3 vs Subt 2 2-1
Hub. Fortuna 2 vs Vesta 2 3-1
Willemstad 2 vs Willemstad 1 1-3
Vesta 1 vs Willemstad 2 3-1
Subt 3 vs Hub. Fortuna 1 0-3
Hub. Fortuna 2 vs Subt 1 3-1
Vesta 2 vs Willemstad 1 0-7
Willemstad 2 vs Vesta 2 4-0
Hub. Fortuna 1 vs Subt 2 0-1
Willemstad 1 vs Subt 1 2-0
Vesta 1 vs Hub. Fortuna 2 1-0
Posted on

Kòrsou ku partido amistoso kontra El Salvador i Canada

WILLEMSTAD — Ku mira riba Kopa Karibe i e edishon 2017 di Gold Cup e selekshon nashonal di Futbòl di Kòrsou lo kuminsá prepará den luna di mart aki. Entre dianan 20 i 29 di mart e selekshon lo bin huntu na Kòrsou pa un kampamentu di entrenamentu.

Banda di esaki e selekshon lokal lo hunga un partido di fogeo kontra su rivalnan di Grupo C den Gold Cup kual ta El Salvador. E partido aki lo tuma lugá riba 22 mart próksimo pa 8’or di anochi na stadion di SUBT.

Mas aleu ta konfirmá tambe ku e selekshon di Kòrsou lo hunga un partido amistoso kontra Canada. Esaki lo tuma lugá dia 13 di yüni den Stade Saputo, na Montreal Canada.

Banda si e dos partido amistoso nan aki tin informashonnan ku tin interes di algun otro pais pa hunga partido di fogeo kontra Kòrsou. Aparentemente, Luxemburgo, Uganda i Venezuela tin interes pa fogea kontra e selekshon di Kòrsou. Ainda no tin nada konkreto ku niun di e paisnan aki.

Posted on

Kòrsou lo ta den Grupo C di CONCACAF Gold Cup 2017

MERKA — CONCACAF a anunsiá awe e partidonan i kalendario kompleto pa e edishon 2017 di  CONCACAF Gold Cup. E evento aki a tuma luga na Brocade Club den Levi’s Stadium, Santa Clara California.

Durante e evento tabata presente presidente di CONCACAF Sr. Victor Montagliani, e sekretario general di CONCACAF Sr. Philippe Moggio i e entrenadó ku ofisialnan di tur e paisnan ku a kualifiká pa Gold Cup 2017.

Pa representá Kòrsou na e sorteo di djamars, a biaha pa California Sr. Alexander Molina, hefe di delegashon di nos selekshon, nos ‘Head Coach’ Sr. Remko Bicentini, Sr. Pauletta, nos ‘team manager’ i Sr. Rignaal Francisca, presidente di FFK i alabes segundo vise presidente di Caribbean Football Union.

E selekshon di Kòrsou a kai den Grupo C huntu ku Mexico, El Salvador i Jamaica. Den e buèlta di grupo Kòrsou lo hunga den e siudatnan di San Diego, Denver i San Antonio.

Kòrsou su promé partido lo ta djadumingu 9 yuli kontra Jamaica na Qualcomm Stadium, San Diego. Despues e selekshon ta biaha pa Denver kaminda lo e enfrentá El Salvador riba 13 di yüli den Sports Authority Field. Por último, e selekshon lokal lo biaha pa San Antonio, Texas kaminda e lo enfrentá Mexico djadumingu 16 di yüli den Alamodome.

E gruponan a keda repartí di e siguiente manera:

Grupo A
New York/New Jersey (Red Bull Arena), Houston (BBVA Compass Stadium), Dallas (Toyota Stadium)

  • Honduras
  • Costa Rica
  • French Guiana
  • Canada

Grupo B
Nashville (Nissan Stadium), Tampa (Raymond James Stadium), Cleveland (FirstEnergy Stadium)

  • United States
  • Panama
  • Martinique
  • Haiti of Nicaragua

Grupo C
San Diego (Qualcomm Stadium), Denver (Sports Authority Field), San Antonio (Alamodome)

  • Mexico
  • El Salvador
  • Curaçao
  • Jamaica
Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media