Category: Futbòl

Posted on

Kòrsou ku kambio den su konvokatorio debi na varios leshon

WILLEMSTAD — Tur kos ta kla pa nos selekshon nashonal enfrentá Antigua & Barbuda awe, 5 di òktober, 8’or di anochi den Stadion Ergilio Hato. Esaki lo ta e promé kompromiso válido pa loke ta trata e terser buèlta di Scotiabank Caribbean Cup.

Nos hungadónan residensiá den eksterior a pisa suela di Kòrsou pa asina djòin nos hugandónan lokal i kontinuá ku práktikanan intensivo pa e partido di awe. Nos kontrinkante, e selekshon di Antigua & Barbuda tambe a yega Kòrsou.

E hungadónan ku ta forma parti di nos selekshon ta lo siguente;

  1. Eloy Room
  2. Rowendy Sumter
  3. Jarzinho Pieter
  4. Germaine ‘Kemy’ Agustien
  5. Jarchino Antonia
  6. Leandro Bacuna
  7. Shanon ‘Cheese’ Camelia
  8. Elson ‘Sontje’ Hooi
  9. Rangelo Janga
  10. Juriën Gaari
  11. Gino van Kessel
  12. Jason Wall
  13. Quinten Jakoba
  14. Michaël Maria
  15. Dustley Mulder
  16. Gevaro Nepomuceno
  17. Ayrton Statie
  18. Felitciano Zschusschen
  19. Christoper ‘Papa’ Isenia
  20. Ashar ‘Acha’ Bernardus

E 2 últimonan aki a keda skohé pa forma parti di nos selekshon durante e partido di mañan, despues ku 5 hungadó áktivo den Liga MCB a wòrdu yama pa un ‘try out’ ku nos selekshon nashonal. E 3 otro nan ta keda entrená ku nos selekshon ku chèns di mira akshon durante e próksimo partido.

Lamentabelmente Darryl Lachman, Jeremy de Nooijer i Gillian Justina a wòrdu leshoná i lo no forma parti mas di nos selekshon. Na nan lugá a bin Juriën Gaari i Quentin Jakoba ámbos hungadónan di e ekipo hulandes Kozakken Boys. Mas despues nos kapitan Rhu-Endly ‘Cuco’ Martina tambe a kai afo debí na motibunan personal. Pero no opstante esakinan, nos selekshon ta bon prepará i kla pa e partido di mañan.

Karchinan pa e partido aki ta optenibel na FFK bou di ora di ofisina, Botika Mampuritu, Beep Beep, 4th of July Snèk na Barber, pòmp di gasolin Santa Maria i na tur filial di C-Post N.V.

Mañan, dia di wega karchinan lo ta optenibel na tur e puntonan di benta te ku mèrdia i promé ku wega karchinan lo ta optenibel na e lokèt nan di SDK.

E partido ta 8’or pero portanan ta habri for di 5’or di atardi, yega trempan pa evitá e trafiko!

E preisnan pa e diferente paketenan pa sekshonnan ta lo siguiente:

  • VIP ta kosta Fl.250,-  (konsumo inkluí);
  • Bou di tribuna kubrí ta Fl.75,-
  • Bou di tribuna kubrí parti Festival Center ta Fl.50,-
  • Tribuna no kubrí ta Fl.25,-
  • Den e sekshon di tribuna no kubrí mucha te ku 12 aña i 60+ ta paga Fl.15,-

Tur ku ta interesá den e sekshon VIP por bèl reservá bo karchi trempan pa bo tin sigur ku bo ta aden. E karchinan di VIP nos ta entregá te kaminda bo ta.

Pa pedido di bo karchi VIP òf pa kualke informashon bo por yama òf app nos riba: 520 4141/518 2381/ 565 5555.

Ahinda tin mas suèter di nos selekshon nashonal ku shal optenibel na FFK bou di ora di ofisna na balor di 35 ku 25 florin. Pasa buska di bo pa asina bo bin sostené i apoya nos hungadónan.

Posted on

Konvokatorio di Futbòl Kòrsou ta yega for di Hulanda faltando diferente hungado

WILLEMSTAD — Djárason 5 di òktober próksimo nos selekshon nashonal lo enfrentá Antigua & Barbuda 8’or di anochi den Stadion Ergilio Hato den e promé kompromiso bálido pa loke ta trata e terser buèlta di Scotiabank Caribbean Cup.

Apesar di tabata plania pa yega Kòrsou awe mèrdia tin algun hungadó ku a keda konvoká pa e selekshon ku no a yega. Segun informashonnan, tin algun ta yega mas lat awe i otronan mañan.

Rhu-Endly ‘Cuco’ Martina, kapitan di e selekshon ta un di e hungadonan ku no a logra yega Korsou ainda. Jeremy de Nooijer i Rangelo Janga tampoko no a logra yega ainda i ta plania pa yega mas despues. E dos hungadonan di Kozakken Boys ku lo debuta ku e selekshon nashonal di Korsou, Juriën Gaari i Quinten Jakoba tampoko no a yega.

E hungadónan ku ta forma parti di nos selekshon ta lo siguiente;

  1. Eloy Room
  2. Rowendy Sumter
  3. Jarzinho Pieter
  4. Germaine ‘Kemy’ Agustien
  5. Jarchino Antonia
  6. Leandro Bacuna
  7. Shanon ‘Cheese’ Camelia
  8. Elson ‘Sontje’ Hooi
  9. Rangelo Janga
  10. Juriën Gaari
  11. Gino van Kessel
  12. Jason Wall
  13. Quinten Jakoba
  14. Micheal Maria
  15. Rhu-Endly ‘Cuco’ Martina
  16. Dustley Mulder
  17. Gevaro Nepomuceno
  18. Jeremy de Nooijer
  19. Ayrton Statie
  20. Felitciano Zschusschen

Tambe tin 5 hungadó aktivo den Liga MCB ku a wòrdu invitá pa un ‘try-out’ ku e selekshon.

Esakinan ta lo siguiente:

  1. Ashar Bernardus
  2. Randall Winklaar
  3. Ruensley Martina
  4. Christopher Isenia
  5. Jimbertson Vapor

Karchinan pa e partido aki ya ta na benta i ta optenibel na FFK bou di ora di ofisina, Botika Mampuritu, Beep Beep, 4th of July Snèk na Barber, pòmp di gasolin Santa Maria i na tur filial di C-Post N.V.

E preisnan pa e diferente paketenan pa sekshonnan ta lo siguiente:

  • VIP ta kosta Fl.250,-  (konsumo inkluí);
  • Bou di tribuna kubrí ta Fl.75,-
  • Bou di tribuna kubrí parti Festival Center ta Fl.50,-
  • Tribuna no kubrí ta Fl.25,-
  • Den e sekshon di tribuna no kubrí mucha te ku 12 aña i 60+ ta paga Fl.15,-

Tur ku ta interesá den e sekshon VIP por bèl reservá bo karchi for di awe pa bo tin sigur ku bo ta aden. E karchinan di VIP nos ta entregá te kaminda bo ta.Pa pedido di bo karchi VIP òf pa kualke informashon bo por yama òf app nos riba: 520 4141/518 2381/ 565 5555.

Ainda tin mas suèter di nos selekshon nashonal ku shal optenibel na FFK bou di ora di ofisina na balor di 35 ku 25 florin. Pasa buska di bo pa asina bo bin sostené i apoyá nos hungadónan.

Reservá djárason 5 di òktober pa bo ta den Stadion Ergilio Hato komo e number 12 sosteniendo nos selekshon nashonal. Nos muchanan mester di e pueblo di Kòrsou kompletu su sosten pa asina nos sali viktorioso for di e promé enkuentro aki.

Posted on

Kanselashon di partidonan di Liga MCB

WILLEMSTAD — Direktiva di FFK kier a anunsiá ku e partidonan di Liga MCB di awe, 29 di sèptèmber 2016 a keda kanselá te un próksimo aviso.

Esaki en konekshon ku e estado di wer.

E partidonan ku a keda kanselá ta lo siguiente:

Liga MCB Promé Divishon:

Djaweps 29 sept.16     20.00 Undeba vs J.Holland SDK

Liga MCB Segundo Divishon:

Djaweps 29 sept.16     21.00 Willemstad vs Atomic SUBT
29 sept.16     19.00 C.H. Mahuma vs Indekor FFK
29 sept.16     21.00 FC Sithoc vs Sta Cruz FFK
Posted on

Eksitoso kurso pa entrenadó di dama ouspisiá pa FIFA

WILLEMSTAD — Resientemente, komo parti di e programa edukativo di FFK, a tuma lugá un kurso di nivel avansá pa bira entrenadó di dama ouspisiá pa FIFA. Sra. Andrea Rodebaugh, instruktor di FIFA, tabata esun enkargá pa duna e kurso aki ku a konta ku un total di 26 partisipante.

Sra Andrea Rodebaugh, oriundo di Méhiko, ta un eks futbolista ku den pasado a partisipá na mundial di dama i tambe a fungi komo kapitan di e selekshon di futbòl mehikano di dama. Aktualmente Sra. Andrea ta un instruktor di FIFA ku ta dediká su mes na duna diferente kurso di futbòl di dama i kompartí su konosementu i eksperensia ku otronan.

Meta di e kurso aki ta pa stimulá e interes di futbòl pa dama aki na Kòrsou. Den e aktual kampionato di dama nos tin solamente 4 ekipo partisipando i ta e intenshon pa den futuro nos futbòl konta ku mas ekipo pa asina engrandesé futbòl di dama.

E kurso a kuminsá djárason 21 di sèptèmber i a terminá djadumingu 25 di sèptèmber.

Den e promé parti di e kurso e kursistanan a haña e parti teorétiko ku diferente informashon i material di FIFA ku tabata destiná pa e kurso aki. Tambe e kursistanan ta tin diferente seshon den grupo kaminda nan tabata diskutí i interkambiá di opinion riba e diferente tópikonan ku nan a haña durante e kurso. Den e di dos parti, esun práktiko, e kursistanan mester a apliká loke nan haña den e parti teorétiko di e kurso aki huntu ku un grupo di hobensita futbolista, ku ta militá den diferente ekipo di nos Kampionato di Dama, ku a bin pa yuda durante e práktikanan di e kurso.

Despues di 5 dia di kurso intensivo tur e kursistanan aki a kaba e kurso ku éksito a risibí nan sertifikado komo entrenadó di dama, nivel avansá.

Awó nos por bisa ku e famia di futbòl pa dama ta konta ku 26 entrenadó di dama mas.

FFK ta hasi un apelashon na tur e personanan ku no ta pertenesé na un klup ainda, pa djòin un klup di FFK pa yuda desaroyá i engrandesé e deporte di futbòl pa dama!

FFK ta deseá tur e kursistanan aki éksito i pabien ku nan logro!

Posted on

Selekshon nashonal U-17 ta keda na di 4 puesto di e torneo di CONCACAF

WILLEMSTAD — Manera ya ta konosí nos selekshon nashonal kategoria U-17 a sali rumbo pa Trinidat & Tobago, djaweps, 15 di sèptèmber último pa asina representá nos durante e segundo buèlta di e weganan di kualifikashon pa mundial di FIFA U-17.

Nos pul tabata konsistí di e siguiente paisnan: Sürnam, Guadeloupe i Cuba.

Durante nos promé kompromiso kontra Cuba, nos a kai vensí ku e skor di 2-1. E uniko gol di Kòrsou a keda anotá pa Shurendric Fransinet. Despues nos a enfrentá Sürnam i a sali viktorioso ganando ku e skor di 3 pa 0. E golnan durante e partido aki a keda anotá pa Nathan Bernadina (2x) i Shurendric Fransinet. Den e último partido nos a sa di empata na 0 kontra Guadeloupe. Ku e resultado aki nos a terminá komo e mihó number 2 i a klasifiká pa e terser buèlta di e weganan di kualifikashon pa mundial di FIFA U-17 ku lo tuma lugá na India.

Total 5 tim di Karibe por a klasifiká pa e terser buèlta di e partidonan di kualifikashon pa mundial di FIFA U-17.

Esakinan ta:

  1. Haiti
  2. Cuba
  3. Jamaica
  4. Kòrsou
  5. Sürnam

E partidonan aki lo tuma lugá di 21 di aprel pa 7 di mei na Panama.

Tabla di posishon:

Fecha Resultado Tim di kas Bishitante Lugá
1 17 sept.16 2-0 Sürnam Guadeloupe Ato Boldon Stadium

(Trinidat & Tobago)
2 2-1 Cuba Kòrsou
3 19 sept. 16 0-6 Guadeloupe Cuba
4 1-3 Sürnam Kòrsou
5 21sept. 16 0-0 Kòrsou Guadeloupe
6 2-1 Cuba Sürnam

 

Fecha Resultado Tim di kas Bishitante Lugá
Semi  Fianl 23 sept.16 1-3 Kòrsou Haiti Ato Boldon Stadium

(Trinidat & Tobago)
Terser i di 4 lugá 25 sept. 16 0-3 Kòrsou Jamaica

E úniko gol di nos selekshon durante e partidonan di semi final a keda anotá pa Luchently Vrutaal. Despues di e 2 derotanan aki nos selekshon a terminá na di 4 puesto di e torneo aki miéntras Jamaica ta keda na terser puesto, Cuba ta sali supkampion i Haiti ta titulá nan mes komo e kampionnan.

Nos selekshon nashonal di U-17 ta konsistí di un grupo di 20 hungadó ku a wòrdu dirigí pa Sr. Ludwig Alberto ku ta e entrenadó di e selekshon aki i Sr.Reynold Mercera ku ta e asistente di e entrenadó.

Tambe a biaha huntu ku e selekshon Sr.Gino Costina ku ta entrenadó di portero di nos selekshon, un masahista kual ta Sr. Malcolm Pieternella i e hefe di delegashon ku ta Sr. Hubert Isenia, miembro di direktiva di FFK.

Nos selekshon ta konsistí di e siguiente hungadónan:

  1. Kevin Juliana
  2. Danèl Rosa
  3. Quinton Burk
  4. Alexander Suart
  5. Ayodele Kwidama
  6. Roderick Bolijn
  7. Sellfrine Pieters
  8. Jared Tyrol
  9. Shurendric Fransinet
  10. Richajier Oleana
  11. Jonathan Libiana
  12. Nathan Bernadina
  13. Luchenthly Vrutaal
  14. Ronathan Willems
  15. Derrick Gijsbertha
  16. Sharrion Pietersz
  17. Rogediën Lacruz
  18. Angérick Dorothea
  19. Everon Benschop
  20. Izairo Lindeborg

FFK i MCB kier a yama nos selekshon di U-17 pabien ku nan logro i tin sigur ku nan lo sa di sigui hasi e bon trabou durante e terser buèlta di e weganan di kualifikashon pa mundial di FIFA U-17.

Posted on

Kòrsou su selekshon tentativo pa terser buelta di Scotiabank Caribbean Cup

WILLEMSTAD — Manera ya ta konosí, nos selekshon nashonal a klasifiká invikto pa e terser buèlta di Scotiabank Caribbean Cup na yüni último. Nos a kaba na kabes di nos pul i huntu ku Jamaica, Trinidat i Haiti nos ta forma e 4 kabesante nan di e pulnan. Nos pul, kual ta pul 4, ta konsistí di e siguiente paisnan; Antigua & Barbuda, Puerto Rico i Kòrsou.

Awor aki nos selekshon nashonal tin partidonan sumamente importante na kaminda durante e terser buèlta di e Scotiabank Caribbean Cup. Si nos sali number un di nos pul, nos lo klasifiká direktamente pa Gold Cup ku por wòrdu konsiderá manera Euro Cup òf Kopa Amerika pero pa Karibe, Norte i Sentro Amerika. E 3 mihó segundo finalistanan lo kompetí ku otro den luna di novèmber 2016 i e ganadó lo okupa e di 5 puesto, kual ta e último puesto pa un pais di Karibe klasifiká pa hunga un wega di deskite ku e pais ku sali di 5 luga de Sentro Amerika, pa un di nan ku por klasifiká pa Golden Cup. E final di Scotiabank Caribbean Cup lo tuma lugá na komienso di yüni 2017 (kalendario di FIFA). Gold Cup 2017 lo tuma lugá den luna di yüli na Merka i esaki ta un evento grandi ku lo konta ku kobertura mundial.

Según informashonnan e selekshon tentativo pa Kòrsou den e terser buelta di Scotiabank Caribbean Cup ta lo sigiuente:

  1. Eloy Room (Vitesse/Hulanda)
  2. Rowendy Sumter (Scherpenheuvel/Kòrsou)
  3. Jarzinho Pieter (Centro Dominguitu/Kòrsou)
  4. Rhu-endy ‘Cuco’ Martina (Southampton/Inglatera)
  5. Germaine ‘Kemy’ Agustien (FC Dordrecht/Hulanda)
  6. Jarchinio Antonia (Go Ahead Eagles/Hulanda)
  7. Leandro Bacuna (Aston Villa/Inglatera)
  8. Shanon ‘Cheese’ Carmelia (Ijsselmeervogels/Hulanda)
  9. Elson ‘Sontje’ Hooi (Ermis Aradippou/Chipre)
  10. Rangelo Janga (AS Trencin/Slovakia)
  11. Gillian Justiana (Helmond Sport/Hulanda)
  12. Gino van Kessel (Slavia Praag/Repúblika Cheko)
  13. Darryl Lachman (Willem II/Hulanda)
  14. Gevaro Nepomuceno (CS Maritimo/Portugal)
  15. Jeremy De Nooijer (Levski Sofia/Bulgaria)
  16. Ayrton Statie (FC Oss/Hulanda)
  17. Doriano Kortstam (Roda JC/Hulanda)
  18. Michael Maria*
  19. Dustley Mulder*
  20. Felitciano Zschusschen*

Djaluna 3 di òktober nos hungadónan residensiá aya na Hulanda lo yega Kòrsou p’asina djòin nos hungadónan lokal pa sigui ku e trainingnan i preparashonnan pa nos promé enkuentro di e terser buèlta di Scotiabank Caribbean Cup. E partido aki lo tuma lugá djarason 5 di òktober den Stadion Ergilio Hato 8’or di anochi i nos lo enfrentá Antigua & Barbuda. Djadumingu 9 di òktober nos selekshon lo sali pa Puero Rico kaminda dia 10, nan lo entrená pa dia 11 di òktober e segundo partido tuma lugá kontra e ekipo amfitrion, Puerto Rico.

Pronto karchinan pa e partido aki lo ta na benta i ta optenibel na FFK bou di ora di ofisina, Botika Mampuritu, Beep Beep, 4th of July Snèk na Barber, pòmp di gasolin Santa Maria i na tur filial di C-Post N.V.

E preisnan pa e diferente paketenan pa sekshonnan ta lo siguiente:

  • VIP ta kosta Fl.250,- (konsumo inkluí);
  • Bou di tribuna kubrí ta Fl.75,-
  • Bou di tribuna kubrí parti Festival Center ta Fl.50,-
  • Tribuna no kubrí ta Fl.25,-
  • Den e sekshon di tribuna no kubrí mucha te ku 12 aña i 60+ ta paga Fl.15,-

Ahinda tin mas suèter di nos selekshon nashonal ku shal optenibel na FFK bou di ora di ofisna na balor di 35 ku 25 florin. Pasa buska di bo pa asina bo bin sostené i apoya nos hungadónan.

Tambe FFK kier anunsiá ku próksimamente lo tuma lugá aki na Kòrsou e Final di CFU pa Mundial di FIFA kategoria U-20. Esaki lo ta di 21 pa 30 di òktober i lo konta ku partisipashon di 8 pais. Mas detaye di e gran evento aki lo wòrdu anunsiá despues.

Reservá djarason 5 di òktober pa bo ta den Stadion Ergilio Hato komo e number 12 sosteniendo nos selekshon nashonal.

Posted on

Kòrsou lo enfrentá Antigua & Barbuda 5 di òktober durante partido válido pa e terser buèlta di Kopa Karibe

WILLEMSTAD — Preparashonnan ya a kuminsá pa loke ta trata e terser buèlta di Scotiabank Caribbean Cup.

Manera ya ta konosí, nos selekshon nashonal a klasifiká invikto pa e terser buèlta di Scotiabank Caribbean Cup na yüni último. Nos a kaba na kabes di nos pul i huntu ku Jamaica, Trinidat i Haiti nos ta forma e 4 kabesante nan di e pulnan. Nos pul, kual ta pul 4, ta konsistí di e siguiente paisnan; Antigua & Barbuda, Puerto Rico i Kòrsou.

Awor aki nos selekshon nashonal tin partidonan sumamente importante na kaminda durante e terser buèlta di e Scotiabank Caribbean Cup. Si nos sali number un di nos pul, nos lo klasifiká direktamente pa Gold Cup ku por wòrdu konsiderá manera Euro Cup òf Kopa Amerika pero pa Karibe, Norte i Sentro Amerika. E 3 mihó segundo finalistanan lo kompetí ku otro den luna di novèmber 2016 i e ganadó lo okupa e di 5 puesto, kual ta e último puesto pa un pais di Karibe klasifiká pa hunga un wega di deskite ku e pais ku sali di 5 luga de Sentro Amerika, pa un di nan ku por klasifiká pa Golden Cup. E final di Scotiabank Caribbean Cup lo tuma lugá na komienso di yüni 2017 (kalendario di FIFA). Gold Cup 2017 lo tuma lugá den luna di yüli na Merka i esaki ta un evento grandi ku lo konta ku kobertura mundial.

Nos selekshon ta tin su promé wega di training aya na Hulanda kontra e ekipo di Achilles’90 kual ta un ekipo ku ta militá den e divishon di honor di Hulanda. Nos selekshon bou di direkshon di nos entrenadó nobo, Remko Bicentini, a sa di gana e partido amistoso aki ku e skor di 1-0 ku gol anotá pa Gianluca Maria.

Djaluna 3 di òktober nos hungadónan residensiá aya na Hulanda lo yega Kòrsou p’asina djòin nos hungadónan lokal pa sigui ku e trainingnan i preparashonnan pa nos promé enkuentro di e terser buèlta di Scotiabank Caribbean Cup. E partido aki lo tuma lugá djarason 5 di òktober den Stadion Ergilio Hato 8’or di anochi i nos lo enfrentá Antigua & Barbuda. Djadumingu 9 di òktober nos selekshon lo sali pa Puero Rico kaminda dia 10, nan lo entrená pa dia 11 di òktober e segundo partido tuma lugá kontra e ekipo amfitrion, Puerto Rico.

Pronto karchinan pa e partido aki lo ta na benta i ta optenibel na FFK bou di ora di ofisina, Botika Mampuritu, Beep Beep, 4th of July Snèk na Barber, pòmp di gasolin Santa Maria i na tur filial di C-Post N.V.

E preisnan pa e diferente paketenan pa sekshonnan ta lo siguiente:

  • VIP ta kosta Fl.250,- (konsumo inkluí);
  • Bou di tribuna kubrí ta Fl.75,-
  • Bou di tribuna kubrí parti Festival Center ta Fl.50,-
  • Tribuna no kubrí ta Fl.25,-
  • Den e sekshon di tribuna no kubrí mucha te ku 12 aña i 60+ ta paga Fl.15,-

Ahinda tin mas suèter di nos selekshon nashonal ku shal optenibel na FFK bou di ora di ofisna na balor di 35 ku 25 florin. Pasa buska di bo pa asina bo bin sostené i apoya nos hungadónan.

Tambe FFK kier anunsiá ku próksimamente lo tuma lugá aki na Kòrsou e Final di CFU pa Mundial di FIFA kategoria U-20. Esaki lo ta di 21 pa 30 di òktober i lo konta ku partisipashon di 8 pais. Mas detaye di e gran evento aki lo wòrdu anunsiá despues.

Reservá djarason 5 di òktober pa bo ta den Stadion Ergilio Hato komo e number 12 sosteniendo nos selekshon nashonal.

Posted on

Selekshon definitivo pa Kòrsou den partido kontra Achilles’29 ku algun kara nobo

WILLEMTAD — Manera ya nos a anunsiá, awe, djaweps promé di sèptèmber nos selekshon nashonal lo bai tin un partido di training kontra Achilles’29 kual ta un ekipo di e liga Jupiter di Hulanda. Durante e partido aki Sr. Remko Bicentini lo fungi komo entrenadó di nos selekshon nashonal pa promé biaha. E partido aki lo tuma lugá na Sportpark De Heikant (Groesbeek) na Hulanda pa 4’or di atardi i ta kompletamente grátis.

E hungadó ku a keda selektá pa tuma parti na e partido aki ta lo siguiente:

  1. Eloy Room (Vitesse)
  2. Joel Saro (Babberich/Liemers)
  3. Jafar Arias (FC Dordrecht)
  4. Germaine ‘Kemy’ Agustien
  5. Jarchino Antonia (FC Groningen)
  6. Ayrton Statie (FC Oss)
  7. Shanon ‘Cheese’ Carmelia (Ijsselmeer Vogels)
  8. Felitciano Zschusschen
  9. Gillian Justiana (Helmond Sport)
  10. Jason Wall
  11. Civard Sprockel (FC Eindhoven)
  12. Gianluca Maria (JVC Cuijk)
  13. Micheal Maria
  14. Rhu-Endly ‘Cuco’ Martina (Southampton)
  15. Everon Pisas (FC Dordrecht)
  16. Dustley Mulder
  17. Rihairo Meulens (FC Volendam)
  18. Doriano Kortstam (Roda JC)
  19. Mischa Boelens (Achilles 29)
  20. Leandro Bacuna (Aston Villa)

E partido aki lo ta parti di e preparashonnan pa nos 2 kompromisonan di e terser buèlta di e Scotiabank Caribbean Cup. E promé partido lo ta djárason 5 di òktober próksimo aki na Kòrsou kontra Antigua & Barbuda miéntras e segundo partido lo tuma lugá djamars 11 òktober na Puerto Rico kontra Puerto Rico.

Posted on

Siman di Grassroots na Kòrsou

WILLEMSTAD — Manera ta konosí nos ta den e siman di Grassroots aki na Kòrsou. T’asina ku Grassroots ta para pa desaroyo di futbòl serka muchanan di 4 te ku 13 aña di edat. Nos tin algun ehèmpel di futbolistanan ku fundeshi di Grassroots na Kòrsou. Esaki sin duda a kontribui den nan karera profeshonal.
Algun dje futbolistanan aki ta: Brutil Hose, Roque Silberie, Jurick Winklaar, Sontje Hooi, Kenneth Cicilia, Vernon Anita i Tahit Chong.
Un model real ku a sali for di skol i a pasa su desaroyo di grassroots na nivel di skol, na nivel di komunidat i na nivel di klup tabata Elson Hooi miho konosí komo Sontje.
Djaweps próksimo den oranan di mainta e bario di Buena Vista ta wordu hinka den spotlight. E bario aki na nivel di skol a destaká ku Prinses Magriet Skol komo un di e grassroots skolnan ku semper a usa futbòl  komo un instrument pa forma  nos hobennan. Di 10’or pa 12’or mainta, CONCACAF ta bai duna un demonstrashon di kon bo por introdusí  futbòl na skol den forma simpel. Tambe riba e mainta aki lo rekonosé tres persona ku semper tabata  enbolbi ku futbòl di skol. Ta trata aki di sra. Soraida Juliana, srs. Andy Janga  i Mirco Colina.
Den e espiritu di selebrashon di “grassroots week” FFK i CONCACAF lo rekonosé baluartenan ku a dediká atenshon komo mentor,edukador, tutor i coach den e último 10 pa 15 añanan  na nos hobennan di entre 6 pa 13 aña di edat.
E baluartenan lo haña un rekonosementu djaweps awor di 17:00 pa 18:00 den e sala patras den Fitness Centre di FFK na Brievengat..
E siguiente personanan lo haña e honor:
Edsel Koster, Arthur Manzana, Gilmar Pisas, Anamarie de La Cruz, Stanley Pieters, Rusel Schmidt, Winston Beach, Rita de Leca.  Frensel Trinidad, Silvio Alberto, Elbert Serbonie, Linchi Ortela, Edgard Gachi Kwidama, Siegfried Pipi Constancia, John Isidora,  Leo Davelaar, Mayron Martis, Frensel Bulo,  Rignald Martina, Dalila Romano, Anthony Bernardus, Marelva Miguel, Rutsel Mathilda, Hubert Ibi Schoop, Leo Plaate, Papito Nivellac, Mau Maria i Nelson Cristian.
Posted on

Preparashonnan a kuminsá pa e terser buèlta di Scotiabank Caribbean Cup

WILLEMSTAD — Manera ya ta konosí, nos selekshon nashonal a klasifiká invikto pa e terser buèlta di Scotiabank Caribbean Cup na yüni último. Nos a kaba na kabes di nos pul i huntu ku Jamaica, Trinidat i Haiti nos ta forma e 4 kabesante nan di e pulnan. Nos pul, kual ta pul 4, ta konsistí di e siguiente paisnan; Antigua & Barbuda, Puerto Rico i Kòrsou.

Awor aki nos selekshon nashonal tin partidonan sumamente importante na kaminda durante e terser buèlta di e Scotiabank Caribbean Cup. Si nos sali number un di nos pul, nos lo klasifiká direktamente pa Gold Cup ku por wòrdu konsiderá manera Euro Cup òf Kopa Amerika pero pa Karibe, Norte i Sentro Amerika. E final di Scotiabank Caribbean Cup lo tuma lugá na komienso di yuni 2017. Gold Cup 2017 lo tuma lugá den luna di yüli na Merka i esaki ta un evento grandi ku lo konta ku kobertura mundial di televishon. Si nos sali viktorioso, esaki lo ta e promé biaha ku nos lo klasifiká pa Gold Cup.

P’esei djarason 5 di òktober kontra di Antigua & Barbuda aki na Kòrsou, nos ta spera un yeno kompleto di nos pueblo pa bin apoya i sostene nos muchanan. E segundo partido lo tuma lugá djamars 11 òktober na Puerto Rico kontra Puerto Rico. Nos selekshon mes lo yega Kòrsou djaluna 3 dia òktober pa nos promé kompromiso dia 5 di òktober próksimo.

Manera tur hende sa, Sr. Patrick Kluivert a despedí na yüni ùltimo komo entrenadó di nos selekshon i awor e ta fungi komo direktor tékniko di e prestigioso klup di Fransia, Paris Saint-Germain. Manera nos a bisa anteriormente Sr. Patrick Kluivert lo keda ku lasonan estrecho ku nos selekshon i lo fungi komo ambasador di nos selekshon. Tambe e lo duna konseho kaminda esei ta posibel.

Den konsulta ku Sr. Kluivert i nos direktor tékniko, Sr. Etiënne Siliëe, direktiva di FFK a nombra Sr. Remko Bicentini komo e entrenadó nobo di nos selekshon nashonal. Sr. Remko Bicentini no ta un deskonosí i a fungi den pasado kaba komo entrenadó asistente di nos selekshon nashonal.

Nos ta deseá Sr. Remko Bicentini tur klase di éksito den su funshon nobo komo direktor tékniko di nos selekshon nashonal.

Den kuadro di esaki, djaweps promé di sèptèmber binidero e lo fungi komo entrenadó di nos selekshon nashonal durante un wega di training kontra Achilles’29 un ekipo di e liga Jupiter di Hulanda.

Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media