Category: Otro

Posted on

FDDK a trese coach cubano Kòrsou pa preparashonnan pa CARIFTA 2017

WILLEMSTAD — For di promé di aprel último, atletismo di Kòrsou ku intermediashon di Fundashon Desaroyo Deporte Kòrsou(FDDK), ta disponé di un coach cubano den persona di Luis Varona Moret. Coach Luis ta na Kòrsou pa yuda den preparashon di atletanan lokal ku bista riba CARIFTA 2017 ku lo tuma lugá aki na Kòrsou dianan 16, 17 i 18 di aprel 2017 den Stadion Ergilio Hato, SDK. FDDK i Curaçaose Atletiek Bond (CAB) a firma un akuerdo di koperashon mediante kua FDDK riba e diferente areanan ta duna su sosten na CAB pa e evento regional aki.

Luis Varona Moret tin 38 aña di eksperensha komo treiner di atletismo. El a optené su Master den Deporte i Edukashon Físiko na Universidad de Cuba. Durante di varios aña el a traha na e país afrikano Burkina Faso i despues tambe na Venezuela, ku amplio eksperensha den Weganan Afrikano, Weganan Sentroamerikano i di Karibe, Weganan Panamerikano i Kampionato Mundial. Ademas, e ta wes di atletismo i treiner pa Special Olympics.

De Ron Machine Shop tambe ta partner den e proyekto aki ku kubrimentu di gastunan di e coach, mientras ku dòkter Wallid Elhage lo bai buta su konosementu disponibel pa huntu ku un tim prepará e atletanan pa 1 aña largu i analisá biomekánika, ku ta parti importante di deporte moderno.

Coach Luis Varona Moret además di ta bira e coach pa e disiplínanan di lansamentu(diskus, bala di heru, speer), lo bai traha huntu ku otro téknikonan ku e guia general di parti di FDDK pa loke ta trata e trabounan ku lo tuma lugá pa CARIFTA 2017.

Mientras tantu, e coach cubano durante di seis dia pa siman ta aktivo riba tereno ku atletanan ya establesí komo tambe hóbennan ku a keda reklutá durante luna di aprel último. Den siman parti atardi e ta na SDK di 5’or pa 7’or, mientras ku djasabra mainta e ta aktivo riba vèlt di Barber di 10’or pa 11.30’or.

Posted on

Kareda di Micro Boat na Boka Sami

WILLEMSTAD — Den e dianan di fiesta tabatatin kareda di microboat na Boca Sami. Tatin basta interes bou di nos hobennan.

Aki mi ta manda nomber di esunan ku a kai den premio:

1 luga: Gion Silie
2 luga: Juwendrik Martha
3 luga: Jeandre Constancia

Tur esaki a bai bou di guia di señor Nelson Tremus. Tur major ku ta intresa pa nan yunan hanja les di boto por jama tel: 5668633.

Un danki ta bai tambe na Zeerover ku a zorg pe ambiente durante e karedanan di boto.

Posted on

Resultado Curaçao International Drag Fest 2016

WILLEMSTAD — FAC i su Komishon Organisadó ta yama danki na henter pueblo i fanátiko nan di Aruba, Boneiru i Kòrsou pa e sosten y ta sumamente satisfecho ku e éksito total di “Curaçao International Drag Fest 2016” ku selebrashon 45 aña drag racing ABC y 20 aña Curaçao International Raceway.

Pa 5 dia largu kuminsando for di djamars 26 ku e Auto & Bike Show na Brionplein. Sigui pa djaweps 29 di aprel ku e sekshon di Test & Tune. Y 29, 30 di aprel y 1 di mei ku e tremendo kareda nan internashonal.

Pa loke ta e dia nan di kareda sin ningun duda e héroe di e fiesta tabata sr. Arthur “Tuchi” Zimmerman ku su Pontiac Firebird ku su tim “Sin Stress Racing” a bari ku premio nan. Tur dia Tuchi a bai final y ku e promé puesto.

Seguidamente e Jet Car “Speedcult” a hòrta kurason di mucha i hende grandi. Tur dia ku su show ku hopi hende a keda sumamente kontentu di wak e show aki.

Un biaha mas e kategoria di Krioyo Outlaw Bike ta hala mas atenshon di e públiko ora ku e field di e motosaikel nan a registrá tempu nan rekòrt. E rekòrt nobo di e pista a keda buta pa Jason Angela di “SBR” di tune pa Ronnie Mitchell ku un tempu di 6.92 sekònde. Otro banda e tim di “Angelo Power” ku su tunner y driver Rodney Williford a kore dos biaha e tempu di 6.94 sekònde. Registrando asina e promé 6 sekònde riba motosaikel den Caribe aki na Kòrsou.

Tempu nan rekòrt a bai tambe pa Shannigan Poula di “ECS Racing” a marka un tempu di 7.12. E ganador di e kategoria a resultá Richenell Justiana ku ta un hóben ku ta pronostiká hopi pa futuro.

E otro ta e outo nan chikí ku ta sigui hala atenshon di e públiko. Di Puerto Rico tantu e “Doña Silvia” i “El Capo” huntu ku nos outo nan, entre nan “Ryso Tech” di tune i manehá pa Ryan Simoons y ku stock suspenshon di set dor di Randall Wederfoort di Mr. Punch Racing pues puro lokal nan a buta un tempu di 7.98 sekònde.

Lamentablemente e outo “Cosa Nostra” di Alessandro De Luca a kibra un piesa ku no por a keda drecha i no por a kore e Match Race. Otro banda King Kong 4 a haña su driver nobo den Tonny Gentlie a handle e makaku ku tempu nan igual ku Pat Musi.

Despues di 20 aña Johannes De Boer ta bolbe gana den e kategoria di Super Modified A.

Resultado di djabièrnè 29 di aprel:

Kategoria Pro Comp. 7.90 

1]Follow Me Too Arthur Zimmerman Pontiac Firebird Kòrsou

2]JM Promotion Jorge Castro Chevy Corvette Puerto Rico

Kategoria Super Gas 9.90 

1]Top GunSherwin Lindebourgh Chevy Camaro Kòrsou

2]Mr. Holley 2 Virgil Henriquez Plymouth Duster Kòrsou

Kategoria E.T. Bracket (No Box) 

1]Dodge Boyzz Jean Carlo Reyes Dodge Dart Aruba

2]Dodge Boyzz Jose Roberto Reyes Ford Mustang Aruba

Kategoria Super Comp. Bike 8.90 

1]Merite Racing Juralden Merite Suzuki Hayabusa Kòrsou

2]Quart Mile Racing Patrick Isenia Suzuki Hayabusa Kòrsou

Resultado di djasabra 30 di aprel: 

Kategoria Quick 32 Bike 

1]Mente Sano Racing Richard Croes Suzuki Hayabusa Aruba

2]Merite Racing Alden Merite Suzuki Hayabusa Kòrsou

Kategoria Super Comp. 8.90 outo: 

1]Don Flip Racing DHL Felipe Werleman Pontiac Firebird Aruba

2]Proud & Rebel Shaquille Geerman Chevy Corvette Aruba

Kategoria Import Class 11.99 pa faster: 

1]Watash Racing Acho Liberia BMW Kòrsou

2]Grawatashi Racing Argenis Rodriquez Honda Civic Kòrsou

Kategoria Top Sports Man 8.50 pa 6.00: 

1]Follow Me Too Arthur Zimmerman Pontiac Firebird Kòrsou

2]Don’t Panic Mustang Keidy Koolman Ford Mustang Aruba

Resultado djadumingu promé di mei: 

Kategoria Krioyo Bracket 10.99 pa 7.00 (Box) 

1]Follow Me Too Arthur Zimmerman Pontiac Firebird Kòrsou

2]Mr. Holley 2 Virgil Henriquez Plymouth Duster Kòrsou

3]Don’t Panic Mustang Keidy Koolman Ford Mustang Aruba

4]Blackmax Dragster Ronald Rosini Chevy Dragster Kòrsou

Kategoria Sportsman Bike 11.50 – 9.20 

1]JCJ Racing Christopher Soerka Suzuki Hayabusa Kòrsou

2]DMR Racing Richenelle Justiana Suzuki Hayabusa Kòrsou

Kategoria Extreme Import 

1]El Capo Jorge Vasquez Mazda RX-7 Puerto Rico

2]Ryso Tech Racing Ryan Simoons Toyota Starlet Turbo Kòrsou

Kategoria Krioyo Outlaw Bike 

1]DMR Racing Richenelle Justian Suzuki Hayabusa Turbo Kòrsou

2]Angelo Power 1 Rodney Williford Suzuki Hayabusa Turbo Kòrsou

Kategoria Super Modified Stock A 

1]Mr. Holley 4 Johannes De Boer Dodge Avenger 500 Kòrsou

2]Zapato Grande 2 Danilo Namour Ford Mustang 500 Venezuela

Danki na tur e spònser nan ku ta hasi “Curaçao International Drag Fest 2016” posibel ku ta CTB ofisina di Turismo di Kòrsou, Maduro & Curiels Bank, SAMBIL, NAPA Auto & Truck Parts, Alcolado Glasial, Monster Engery Drink, Universal Motors (KIA), Kuzeta ku su Shell Helix Motor Oil y Sonoco Racing Fuels, AVF Antiliaanse Verf Fabriek, Licores Maduro, IEPA Agencies, Star Motors, Don Andres, Apache Heavy Equipment, Medina Cargo Services, TCOBCUR i Exoticboost AUA & CUR.

Pa mas informashon y foto di e aktividat di Street Legal i kareda nan lokal i internashonal por bishita nos website nan ofisial: : www.curacaodrag.com, www.dragactioncuracao.com, www.tcobcur.com, www.adrena-zine.com, www.rpmaruba.com, www.racejunkies.com, www.radicalcompetition.com  www.exoticboost.com  huntu ku nan página di FaceBook y tambe riba FaceBook like page di curacaodrag i BoyzToyz i speedoutlawscuracao i exoticboostcuracao i exoticboostaruba.

Posted on

Swordfish Aquatic Group ku tremendo Opendag

WILLEMSTAD — E organisashon di landamentu sinkronisá, Swordfish Aquatic Group, durante di e fin di siman benidero lo organisá un tremendo opendag.

Ta asina ku djadumingu awor 24 di Aprel pa ta mas eksakto, Swordfish Aquatic Group, ta organisá un Opendag pa tur mucha muhé di 4 aña bai ariba, ku ta interesá pa sera konosí i ke praktiká e dushi deporte di landamentu sinkronisá.

E Opendag aki lo tuma lugá na pisina di SOV Asiento ku ta situá na Emma stad.

E Opendag lo ta parti den dos parti di kual e promé parti lo start 12’or di mèrdia ku baile i zumba, siguí pa e di dos parti ku lo ta di 2’or pa pa 5’or atardi ku demostrashon di e deporte den awa.

Fecha: 24 aprel 2016

Sitio: SOV Asiento na Emmastad

Orario: 12or pa 2or (Baile i Zumba) – 2or pa 5or (Den pisina)

Direktiva di Swordfish Aquatic Group ta konta ku presensia di mas tantu mucha muhé, kompañá pa nan mayornan, posibel.

Probechá di e oportunidat aki pa haña tur informashon relashoná ku e dushi deporte di landamentu sinkronisá i e tremendo ekipo di natashon Swordfish Aquatic Group.

Posted on

8 baluarte den Salon di Fama

WILLEMSTAD — Direktiva Federashon Deporte i Olímpiko Korsou ku honor ta anunsiá ku dia djasabra 23 aprel 2016 Io instalá 8 baluarte di nos deporte den SALON Di FAMA FDOK.

E baluartenan ta:

(den órden alfabétiko)

Sr. Alvin A. Fléming

Sr. Celsio V. Polinet

Sr. Franklin W. Mathilda Sr. Harold D. Laurens

Sr. Johnny Hellmund Sr. Raymond R. Martha

Sr. Wendell Prince

Sr. Wilhelm J. Keman

E anochi di instalashon ta tuma lugá den Sala di Sentro di Rekreo ABVO situá na Kaya Thomas Henríquez 21, Brievengat di 19.45 — 22.30 or.

Posted on

Kòrsou ku resultadonan positivo den Weganan Interinsular 201

WILLEMSTAD — Kampeonato Interinsular ta un kampeonato deportivo pa nos hobennan ku meta pa uni nos islanan, dunando nan e oportunidat di bishitá i eksperensiá deporte kompetitivo for di kas.

Na mart último, Kòrsou tabata anfitrion di hobennan for di Aruba, Bonèiru i St. Maarten, kendenan huntu ku Kòrsou a kompetí den basketbòl i vòlibòl. Den e disiplinanan aki St. Maarten a sali kampeon di Basketbòl, mientras ku Kòrsou, International School of Curaçao, tabata kampeon di vòlibòl. Den basketbòl skol di fundeshi Sta. Rosa de Lima a terminá na di dos lugá.

Despues a sigui na Aruba, unda ku nos muchanna di St. Jozef a terminá na di tres lugá pa loke ta futsal, mientras ku den atletismo nos a bari ku premio ganando no menos ku 9 medaya.

Fin di siman tras di lomba, tabata final di Weganan Interinsular 2016 na Bonaire. Aki Kolegio Mgr. Wim Ellis a sali kampeon den futbòl skol di fundeshi mucha muhé i Kolegio Erasmo a sali sub-kampeon den vòlibòl skol di fundeshi mucha muhé.

Deporte no ta solamente un bon manera pa rekreá i keda den bon kondishon so; tambe e ta evitá hobennan di ta riba kaya kaminda nan por wòrdu enfrentá ku entre otro kriminalidat. Nos tur huntu mester sigui sostené deporte pa asina halsa e nivel di nos deporte lokal en general i kontribuí na un mihó bienestar, prevenshon di kriminalidat, prevenshon di obesidat i kalidat di bida di nos komunidat.

No por keda sin remarká ku otro aña nos lo ta selebrando 25 aña di Weganan Interinsular era nobo!

Posted on

SOV BRANDWEER SATISFECHO DESPUES DI FIREFIGHTERS WALK 2016

WILLEMSTAD — Ya pa di dos aña konsekutivo, Sport en Ontspannings Vereniging di Brandweer Korsou a organisa e kaminata ku ta hiba di nomber “Firefighters Walk”. Durante anja 2015 mas di 1500 persona a partisipa I e anja aki e sifra di partisipantenan a krese I mas di 2000 persona a kana huntu ku bomberonan den kayanan di Steenrijk, Punda I tambe Otrobanda.

Tur e partisipantenan por a skohe entre un ruta di 7 KM I tambe un ruta di 10KM, kual nos por a mira klaramente ku mayoria a bai pa ruta di 10KM pa asina por disfruta di por pasa riba Brug Juliana.

Lokual ku mas a fasina tur nos kanado nan, tabata ku pa prome bes nan a krusa brug di e direkshon di Punda, subiendo for di e bogt banda di Waaigat, I a krusa brug Juliana ku bista riba Refineria Isla I hinter e area di Santa Maria I bisendario I a baha brug na Arubastraat.

Klaro ku un bes mas, algu ku a pone su stempel kaba durante di e kaminata di Brandweer ta, ku SOV Brandweer ta malkria tur e hende muhenan ku bishita e kaminata aki.

Na Oranjestraat, bomberonan a sa di regala tur hende muhe un bunita sombre kual nan a lusi kune bunita durante kaminata. Na final na Parasasa un I tur a disfruta di un tremendo sopi di berdura, energy drinks, juicenan di Lovers I tambe fruta.

SOV Brandweer kier a yama un danki special na Vanddis, Ennia, UTS,Curacao Airport Partners, Maduro & Curiels Bank, Guardian Group, Sagicor, Margil Party Rentals, MNO Vervat, Aqualectra, Korant Extra, Gomez Enterprises, Korant Vigilante, TDS, Curoil, Pricewaterhouse Coopers, CORE, Selikor, Banko Sentral, Autocity, Zenitel, EWT, Cost U Less, Medionan di Komunikashon, Fundashon Sokudi, Pro Bista, Kuerpo Polisial, Miembronnan di Padvinderij I tur boluntario ku a yuda ku nan granito pa asina hasi Firefighters Walk un biaha mas SUPER eksitoso.

SOV Brandweer Korsou kier a yama un danki tambe na TUR partisipante ku a djoin e kaminata aki I hasi e ambiente unu tur afo. Anto for di awor SOV Brandweer ta partisipa ku pa anja 2017 lo bai tin otro edishon di Firefighters Walk, pues un I tur keda pendiente.

Posted on

Swim Club Orca Curaçao i Curaçao Sharks Aquatics su atletanan a logra medaya di bròns

WILLEMSTAD — Tabata den fin di siman ku dos grupo (U 14 i U 19) di waterpolo a biaha pa kompetí na un torneo regional di waterpolo kual a tuma lugá na Trinidad &Tobago.

Paisnan ku tambe a partisipá na e torneo aki, tabata: Boneiru ( U 16), Barbados (U 16 i U 19), Bahamas (U 14,U 16 i U 19), Trinidad & Tobago (U 14, U 16 i U 19) i Kòrsou ( Swim Club Orcà Curaçao i Curaçào Sharks Aquatics (U14 i U19).
Nos atletanan di U14 a logra  medaya di bròns i e atletanan di U19 a logra sali na di kuater lugá.

Trinidad &Tobago a gana den tur kategoria. Bahamas a logra di dos lugá den tur kategoria. Barbados a logra di tres lugá den kategoria U16 i U19 i Kòrsou a logra di tres lugá den U 14.

Nos atletanan a siña hopi for di e kompetensia aki, paso ta un aña só mayorià ta praktiká i trein den tur e kondishonnan ku e mundu di natashon ta pasa aden aworaki.

Posted on

THE WAR FACE 2 FACE dia 18 juni 2016 proksimo

WILLEMSTAD — E evento aki ta konsentra riba deporte di auto ku awor mundial mente a wordu nombra komo DRIFT. Pero den añanan 1991 mi persona Gabriel da Camara mio konosi komo Gabi tabata hasi e sport aki , i aki na korsow nan tabata yamele ?Fever.

Fever normalmente ta algu ku bo ta hasi kenshi ku e auto i bo mester dominele pa o mantene riba e pista stipula. Durante años mi a hasi esaki pero na aña 2007 mi mester a bandona e sport aki pa asuntu personal. Di e forma aki mi primo ALI a sigi sigi sigi non stop te ku awe na aña 2016 e ta un di e mio driver nan ku nos tin den Karibe.

Pero danki na dios e aña aki 2016 mi lo hasi un evento grandi pa demostra ALI i publiko ku e korona ta ami ta karge. Meskos e evento THE WAR FACE 2 FACE  lo konta ku un total di 40 partisipante mas, ku lo ke demostra ku nan ta bai ku e titulo.

Informashon nan di e evento ta lo sigiente:

Evento: the war face 2 face (ali vs gabi)

Luga: international race way (ronde klip)

Fecha: 18 juni 2016

Porta ta habri pa publiko 5.30pm pero show ta start 6.30 pm te ku 12 am

Show: gymkhana i tambe freestyle burnout

Extra: vuurwerk show

Cherry riba e bolo: gabi vs ali face 2 face

Dikon nos a skohe e fecha 18 juni 2016?  

Riba e fecha 22 juni mi persona Gabriel da camara ta kumpli 40 anja i huntu ku tur e driver nan i nos dushi publiko mi lo selebra mi fecha gradisiendo na dios pa tur e bia nan ku e skapa mi den tur mi aksidente nan.

Posted on

SOV BRANDWEER KU TREMENDO FIREFIGHTERS WALK 2016

WILLEMSTAD — Ya pa di dos aña konsekutivo, Sport en Ontspannings Vereniging di Brandweer Korsou ta organisa e kaminata ku ta hiba di nomber “Firefighters Walk”. Aña pasa mas di 1500 persona a partisipa durante di e kaminata organisa pa miembronan di Brandweer Korsou i a kana durante kayanan di Otrobanda.

E aña aki tin kambionan GREAT den e kaminata di “Firefighters Walk” aki, kaminda ku lo sali for di Post di Brandweer na Steenrijk pasa den kayanan di Punda i Otrobanda i termina na Playa Parasasa. Tambe SOV Brandweer a komplase tur esnan ku a pidi pa hasi e ruta mas largu i nos lo tin un ruta di 10KM ku lo pasa via di Brug Juliana. Pa prome bes lo bo por krusa Brug Juliana na pia kanando for di Punda pa bai Otrobanda. Pues algu ku nos partisipantenan lo bai gusta sigur.

Ruta di 7 of 10 KM

Ruta di e kaminata pa djadumingu proksimo lo ranka Sali for di 6or di mainta na Kazerne di Brandweer na Steenrijk ku un tremendo warm-up. Pa mitar di 7 di mainta lo start Sali, unda lo pasa den kayanan di Steenrijk, Oranjesstraat bai direkshon di Abraham de Veerstraat of Concordiasstraat. E partisipantenan ku skohe ruta di 7 KM lo sigi via di De Ruyterkade I bai pasa den kayanan di Punda, mientras e partisipantenan ku kier kana e ruta di 10KM lo pasa via di Waaigat I bai subi Brug Juliana. Tur dos ruta lo topa otro bek na Rotonde Ergilio Hato na Otrobanda, unda ku lo sigi kana via di Pater Eeuwensweg, Helmin Wiels Bulevard pasa rotonde Beto Adamus I bai termina na Playa Parasasa.

Karchinan pa Firefighters Walk

SOV Brandweer kier enfatisa ku a sobra algun karchi na benta pa Firefighters Walk I ku por kumpra karchi e dianan aki for di 9or di mainta – 9or di anochi na Kazerne di Brandweer na Mundu Nobo. Pues hinter dia por pasa na Mundu Nobo, kumpra bo karchi, paso djaweps awor 31 di Mart 2016 lo reparti tshirtnan for di 5or di atardi na Ofisina di Brandweer na Roodeweg. Karchinan pa Firefighters Walk ta na rason di 15 florin kual ta inklui un tshirt, konsumo durante ruta I despues na final na Playa Parasasa tin fruta, I tambe un Goodie Bag pa tur nos partisipantenan. Pa kualkier informashon of benta di karchi pa Firefighters Walk 2016 lo por tuma kontakto ku 693 – 4666 of 527-7282 of 529-2222. Of tambe por like nos Facebook page di SOV Brandweer unda lo por risibi tur informashon di Firefighters Walk 2016.

Facebook Twitter Instagram Youtube
© 2024 Deporte Awe. Tur derechi reservá. Diseñá pa E² Media