WILLEMSTAD — FDDK despues di a sera laso ku Inder (Instituto Nacional de Deportes, Educación Física y Recreación) i Cubadeportes a tuma e promé stap pa konkretisá akshonnan konkreto pa su maneho deportivo. ?Esaki ku e mira pa futuro kaminda lo mehorá servisio i amplia produktonan. Mas ku klaro esaki ta en espera di e supsidio nesesario.
Den e kuadro pa formashon deportivo FDDK a trese 4 persona Eksperto den e materia aki di nos bisiña Isla Cuba.
Nan lo ta di bishita na nos isla pa por diagnostiká e estado di nos deporte: téknikamente, organisatioriamente, administrativamente i mas prinsipal e humano ku mester traha den i rondó di tur loke tin di haber ku deporte.
FDDK ta konsiente ku nos tin skarsedat i ku mester di un mehorashon den e nivel deportivo. Ku e trayekto aki FDDK tambe a habri posibilidat e eksperto Cubanonan Duna sosten na FDOK tambe.
Tin ku bisa asekra ku direktiva di FDOK tabata hopi habri i positivo pa e oportunidat aki.
E delegashon cubano ku ta konsistí di Barbara Perlys de Lara Pacheco ,Tani Garcia Jimenez, , Alfredo Cabrera Miranda i Armando Pascual Liermo lo tei di bishita te ku 16 desèmber. Durante e periodo aki nan lo bishita vários organisashon i fasilidatnan deportivo pa wak kon nan ta funshoná.
Despues di e bishita nan lo traha i entrega un rapòrt splikando nos e punto nan kaminda nos por mehorá nos deporte nashonal.
Cuba apesar di ta un isla relativamente chikitu tin un rekonosimentu renombrá rònt mundu pa loke ta trata deporte i ta un di e pilar nan prinsipal den e mundu deportivo pa loke ta trata eksportashon di konosementu tékniko deportivo na nivel te doktoral. I tur esaki e a logra di produsí ku relativamente tiki rekurso. E logronan aki ta hasi nan pa nos e kandidato perfekto pa duna nos konseho pa drecha i pronto yega nan nivel di rekurso humano prepará i paga pa por traha den deporte.
Pa maneho di FDDK e ta konosí kaba e rekurso presisamente e rekurso humano ta un di nos debilidatnan mas grandi pa motibu ku e presupuesto pa esaki pa años kaba ta pone ku no tin espasio pa amplia e personal pa traha den deporte.
Señor Patricio Bridgewater ta e persona ku FDDK a apuntá komo e guiá i pa yuda e ekspertonan bishita e diferente fasilidat i organisashonnan.
Keda pendiente pa mas informashon durante e luna di bishita di e ekspertonan.
