Category: Otro

Posted on

Kampeonato di Karibe di Senioren i Master na Santo Domingo na honor di sr. Franklin Mathilda

WILLEMSTAD — Kuminsando djasabra awór, durante di e periodo di 3-9 di Sèptèmber, lo tin un Kampeonato di Karibe di Senioren i Master na Santo Domingo na honor di sr. Franklin Mathilda. Frank ku ta un di e fundadónan di e federashon LATTU, ku ta para pa Latin American Table Tennis Union, a nifiká hopi pa e deporte aki den region.

Frank a wòrdu invitá pa sr. Juan Vilas ku ta aktualmente presidente i huntu ku ne lo biaha su señora i un delegashon di Kòrsou ku 4 hungadó i e presidente aktual di pinpòn na Kòrsou sr. Napi Boekhoudt. Riba e potret aki por mira Frank den kompania di Juan Vilas na Weganan Panamerikano na Toronto.

Posted on

FDDK ta Trahando Riba Perfekshon di su Servisio – i Produktonan

WILLEMSTAD — Manera ta ampliamente konosí, aña pasá a presentá problema ku e kalidat di awa na nos pisina na SDK, motibu pa kua el a keda será ku tur e konskuenshanan konosí.

FDDK semper ke garantisá un produkto riba un nivel ekselente pa pueblo di Kòrsou, i pa hasi esaki posibel, ta trahando riba perfekshon di su servisio- i produktonan. For di aña pasá òktober, a bin ta hasi diferente ehersisio huntu ku profeshnalnan pa por garantisá ku e awa na Pisina Bennie Leito ta kumpli ku e normanan stipulá.

T’asina ku tur luna ta laga tèst e awa na laboratorio ADC pa por tin kòntròl riba su kalidat.
Resientemente FDDK a atkerí mashinnan pa internamente, riba un base mas regular, por midi e kalidat di awa. Personal a risibí entrenamentu dor di un profeshonal di kalidat di awa, ‘Watermanagement Expert’, sra. Janine Eurelia kon pa traha ku e mashinnan.

Posted on

Eerste Curacao Vegan Food Fest bij Hofi Cas Cora

WILLEMSTAD — Het eerste Curaçao Vegan Food Fest zal op zondag 28 augustus plaatsvinden in Hofi Cas Cora. Tijdens dit festival zullen een aantal bedrijven puur plantaardige maaltijden, snacks en producten presenteren en voor de kinderen worden verschillende activiteiten georganiseerd.

Een groeiend aantal mensen kiest om diverse redenen voor een volledig plantaardig dieet. Ook op Curaçao is er steeds meer belangstelling voor deze levenswijze. .

Het Vegan Food Fest wordt georganiseerd door Arnold van Putten, eigenaar van Super Nice Cold Pressed Juices en, uiteraard, vegan. Met het Vegan Food Fest wil hij het brede publiek laten zien hoe gezond en lekker puur plantaardig eten kan zijn. Inmiddels zijn er op Curaçao verschillende bedrijven die veganistische maaltijden verzorgen en andere vegan producten verkopen. Zij krijgen nu de kans zich te presenteren aan het publiek. Het restaurant op Hofi Cas Cora heeft ook verschillende veganistische gerechten op de kaart staan en verwerkt zoveel mogelijk op de plantage verbouwde groenten.

De bedrijven die zich presenteren zijn naast de Eatery van Hofi Cas Cora: The Spotted Banana, Jahman’s Place, Vita CUR, Maia Whole Foods, Spice Girl, Kome Konsiente, Paletas Curacao en Super Nice Fresh Cold Pressed Juices. Kinderen kunnen meedoen aan een workshop cupcakes versieren of een lesje Zumba for Kids door vegan instructrice en mede-initiatiefnemer van het Vegan Food Fest Marie-Louise Rigaud. Veganisten eten niet alleen plantaardig, maar gebruiken ook geen artikelen van dierlijk materiaal zoals leer en wol. Ook voor make-up en verzorgingsartikelen kiest de veganist voor producten die niet op dieren zijn getest. Op het festival kunnen kinderen zich laten schminken, dat gebeurt dan uiteraard met vegan producten en synthetische kwasten. Een ander aspect van veganisme is dat het houden van huisdieren alleen wordt geaccepteerd als het rescue animals betreft. De rescue organisatie CARF zal aanwezig zijn om informatie te geven over de door haar van straat geredde honden die ter adoptie worden aangeboden.

Het Vegan Food Fest is op zondag 28 augustus bij Hofi Cas Cora en duurt van 15.00 tot 20.00 uur. Bel voor meer informatie met Arnold van Putten 6819529 .

Er is een speciale event page op Facebook met meer informatie << https://www.facebook.com/events/846828922127362/ >>

Posted on

Spartacus U11 Ta ‘Bring The Beat’ Den Basketbòl

WILLEMSTAD — Algun siman pasá Digicel a lansa su kampaña Bring The Beat kreando un fushon entre músika i deporte, pa esaki a enfoká riba deportistanan lokal i nan disiplina. Bring the Beat ta un ‘vibe’, un komportashon i un kompromiso ku ekselensia- den baile òf deporte.

Digicel ta konosí pa su esfuersonan den deporte lokal, sea ta basketbòl, beisbòl, futbòl òf kualke otro. E kampaña a hala hopi atenshon di klupnan deportivo; a kolaborá ku 4 deportista- i 2 koreógrafo lokal ku ta aparesé riba tur promoshon i arte komersial tantu imprimí òf digital.

Ta trata di Marionchelo Soleana ku ta kompetí den ‘Strongest Man’ i ya kaba den pasado a yega di okupá di dos lugar den e kompetensia aki. Tambe a kolaborá ku Nuhely Emerenciana, un siklista pashoná ku determinashon i ku a yega di gana vários medaya den kompetensia lokal i regional. Riba e imágennan tambe por mira Bryan Perret-Gentil, basketbòlista i Donovan Antonia, pelotero ku ta forma parti di nos selekshon nashonal. Ademas, den e kampaña aki klientenan di Digicel ta benefisiá di preisnan ‘unbeatable’.

Den kuadro di Bring The Beat, Digicel a duna tim di basketbòl Spartacus U11 un gesto. E tim kampion di CuBaFe pa 2015/2016 ta muchu mas ku un tim di basketbòl.

Di akuerdo ku Sharvelo Felomina di Digicel Kòrsou, Spartacus ta un ekipo ehemplar. Komo organisashon nan ta traha ku diferente skol básiko pa krea den forma sistemátiko un ‘farm system’ pa básketbòl lokal. Tambe, nan ta kontribuí na un desaroyo positivo di muchanan di bario. Hóbennan di Janwe, Dominguito, Rooi Santu, Koraal Specht i besindario tur ta familiar ku e tim di basket Spartacus.

Posted on

Proyekto “Pedagogia Deportivo” kla pa ranka sali

WILLEMSTAD — Tur kos ta kla pa e proyekto “Pedagogia Deportivo” di FDDK ranka sali. Manera ya konosí, e proyekto aki ta enserá ku tres(3) dosente lokal ku tin nivel di HBO lo sigui un trayekto “ Train de Trainer”. E meta prinsipal di e promé parti ta ku den futuro e tres dosentenan lokal aki lo mester bai duna lès na lokalnan den metodologia i pedagogia deportivo. E di dos parti hopi importante ta konsistí di diesdos (12)ku instruktor nivel MBO(CIOS/Sport & Beweging Coordinator) lo sigui un kurso di pedagogia i metodologia deportivo. Esaki ta nifiká e siensia ku e sertifikado di pedagogia aki e instruktornan nivel MBO por asistí den lès di edukashon físiko den skolnan di enseñansa di fundeshi.

Dor di un formashon pedagógiko mas fuerte e futuro dosentenan por logra diferente efekto positivo i korekto riba diferente tereno, entre otro riba aktuashon sosial, salubridat públiko i tambe riba nos prestashon deportivo internashonal en general.

Edukashon físiko ta base di nos deporte, motibu pa kua FDDK ke yuda halsa e nivel di formashon físiko prinsipalmente pa e grupo di enseñansa di fundeshi. Esaki ta e invershon ku FDDK kier logra pa trese un kambio den nos sistema di edukashon físiko. Esaki ta e promé stap ku FDDK kier konsehá pa asina bini ku edukador físiko bèk den nos skolnan di fundeshi ku aktualmente no tin edukador físiko mas. Tur esaki ta yuda kombatí pobresa deportivo, empleo pa hobennan profeshonal den deporte. E proyekto aki ta wòrdu finansiá pa Fundashon Konstruí Awe i Mayan i tambe Uralco.

E kurso lo keda duná dor di dos (2) dosente kubano, kendenan ayera a sera konosí ofisialmente ku un parti di e grupo ku lo forma parti di e proyekto.

Posted on

Swim Club Orca Curaçao ku proyekto pa mucha di 3 i 4 aña familiarisá ku awa

WILLEMSTAD — Direktiva di Swim Club Orca Curaçao ta partisipá ku djasabra dia 03 di sèptèmber 2016 lo kuminsá ku kurso pa muchanan di 3 i 4 aña familiarisa (kustumá) ku awa. E kurso lo tin un durashon di tres (3) luna i dos (2) biaha pa siman tin treinen. Riba djasabra treinen ta di 16:00 or pa 17:00 or i djadumingu treinen ta di 10:00 or pa 11:00 or na Pisina Bennie Leito.

Meta di e kurso aki ta pa e muchanan di 3 i 4 aña familiarisá/kustumá ku awa, di moda ku nan por manehá fásil den awa. Ora nan tin 5 aña nan por partisipá na e kurso pa diploma “A” sin problema. Na final di e kurso lo tin un tèst i e muchanan ku partisipá na e tèst lo risibí un sertifikado.

Kabando e kurso aki no ta nifiká ku e mucha sa landa, sino ku e por defendé su mes. Semper e mester tin un “gordel” bistí i e mester ta huntu ku su mayor ora e ta na kantu òf den un pisina òf laman. E kurso ta kosta fl. 150,00.

Pa inskripshon i mas informashon tokante e kurso aki por yama sr. Vernon Toré na telefòn 529-6586.

Swim Club Orca Curaçao ta un klup di landamentu ku ta brinda e siguiente disiplinanan:

  • Landamentu kompetitivo; (“Speed zwemmen”)
  • Landamentu rekreativo; (trein pa tene kurpa den kondishon i distraishon)
  • Waterpolo; (“polo aquatico”)
  • Landamentu sinkronisá; (“waterballet”)
  • “Open waters”; (kompetí riba distansia largu den laman)
  • “Master”; (treinen pa kondishon pa adulto)

Pa tur hóben ku ta interesá, Swim Club Orca Curaçao ta trein:

Djasabra di 15.30 or pa 17.00 or i djadumingu di 10.00 or pa 11.30 or na Pisina Bennie Leito.

Kontribushon ta Naf. 35,00 pa luna pa trein dos (2) biaha pa siman.

Tin treinen pa adulto tambe riba djasabra di 17.00 or pa 18.00 or i djamars di 19.30 or pa 20.30 or na Pisina Bennie Leito. Kontribushon ta Naf. 50,00 pa luna pa trein dos (2) biaha pa siman.

Pa mas informashon por yama tel: 529 6586, Vernon Toré.

Posted on

Shamir Tremus kampion III KAMPEONATO PAN-AMERIKANO HUBENIL MASKULINO BOLA 8

COSTA RICA — Shamir Tremus a logra e titulo di kampion hubenil panamerikano bola 8 2016. Shamir a gana di Alexander tapique di Venezuela ku skor di 8-6 den gran final.

Otro biardistanan ku a kompetí den e kategoria senior bola 8 ta Bryan Farah i Jeffrey Nieuwenhuijzen i den nan kategoria a keda na di 17 lugá.

Nelly Zimmerman a keda na di 9 lugá den e kategoria femenino.

Kosnan a kontinuá awe djasabra mainta ku panam bola 10. E weganan ta keda transmiti live via kozoom.com (Por wak esaki nan serka Nelson Tremus tambe na su restorant).

Posted on

21 Lista di Kandidato a Keda Ofisialmente Entregá pa Elekshon 2016

WILLEMSTAD — Djaluna 8-8-2016, entre 09.00 pa 16.00’or, tur agrupashon polítiko i/òf persona ku tabata interesá por a postulá kandidato pa partisipá na elekshon di 30-9-2016.

Riba 8 di e 21 listanan ta aparesé e kantidat máksimo di 29 kandidato; riba un lista ta aparesé 25 kandidato; riba un otro ta aparesé 23 kandidato; riba dos lista ta aparesé 19 kandidato; riba dos otro ta aparesé 16 kandidato; riba 3 lista ta aparesé 10 kandidato; i riba e otro listanan ta aparesé respektivamente 7, 5, 3 i 1 kandidato, pues un total di 396 persona a keda postulá komo kandidato pa partisipá na elekshon di 30-9-2016.

Di e 21 listanan ku a keda entregá 6 (PAR, PAIS, MFK, PNP, MAN i Pueblo Soberano) ta pasa direktamente pa elekshon di 30-9-2016, pa motibu aktualmente nan ta representá den Staten di Kòrsou.

E sobrá 15 listanan, esta DP, FOL, PAN, Kòrsou di nos tur, PAS, Pro Kòrsou, Un Kòrsou hustu, Movementu Progresivo, Kòrsou Promé, 1 Tim Magno, Reskate-16, Kòrsou -Un Pais Nobo-, Partido Kooperativista i Patriótiko, PRIK i GOOL lo mester partisipá na e pre-elekshon ku ta tuma lugá riba 20 i 21 di ougùstùs, promé ku nan por pasa pa elekshon di 30-9-2016.

Konseho Supremo Elektoral ke ekspresá su satisfakshon pa e manera ordená ku tur kos a kana na ofisina di Kranshi i tambe un gradisimentu na tur e agrupashonnan polítiko ku a mantené nan mes estriktamente na e orario ku nan mester a presentá, hasiendo ku e proseso di entrega di lista a kana sin ningun inkonvenensia.

Posted on

Federashon Biar Kòrsou lo Partisipa den Weganan Pan-Amerikano

WILLEMSTAD — Federashon Biar Kòrsou, e aña aki atrobe ta forma parti di e weganan panamerikano di pool.

San Jose, Costa Rica lo ta esenario di e grandioso fiesta di biar pool. E kampionatonan aki lo tuma lugá den ‘Gimnasio Nacional de Costa Rica’ ku ta ubika den e ‘Parque Metropolitano’, den e ‘sector La Sabana’. 2016 ta un aña rèkert, mirando ku pa promé biaha lo tin partisipashon di 17 pais i un total di 162 atleta.

E paisnan partisipante ta : Mexico, Guatemala, Costa Rica, Nicaragua, Panama, Aruba, Bonaire, Republica Dominicana, Ecuador, Colombia, Venezuela, Peru, Chile, Argentina, Uruguay, Bolivia i Kòrsou. Lo bai tin kampionato panamerikano den tres diferente disiplina, Bola 10 lo konta ku partisipashon di 162 atleta, e disiplina di bola 9 tin partisipashon di 158 atleta i bola 8 ku 151 atleta.

Nos pais lo konta ku partisipashon di 11 atleta, di kual tres di nan lo bai hunga weganan kualifikatorio pa mira si nan por klasifiká pa hunga den e kampionatonan.

Esnan ku lo mira akshon dianan 9 i 10 ta Gemajel ” Jimmy” Rol, Jair Koeiman i Fauzy Halabi. E atletanan ku ta kla pa representá nos den e diferente kategorianan ta, den hubenil Shamir Tremus i Jean Clar Torbed.

Den femenino nos tòp Gernailys “Nelly” Zimmerman i Fabienne Tremus. Den maskulino, e talentoso Jeffrey Nieuwenhuijzen, Bryan Farah, Julian Rijna i Michael Arvelo ku alabes ta fungi komo hefe di delegashon. Dianan 11 i 12 lo tin bola 8 , 13 i 14 bola 10 i ta sera dianan 15 i 16 ku bola 9. Dia 17 e pareha forma pa Nieuwenhuijzen/Halabi lo ta partisipando den e weganan di dòbel bola 9.

Federashon Biar Kòrsou kier a gradisí Refineria di Kòrsou i FDOK/Gobierno pa nan kolaborashon finansiero i ta deseá su miembronan tur klase di éksito.

Posted on

Selekshon nashonal di vòlibòl femenino ku medaya di oro na St.Croix

ST. CROIX — E selekshon nashonal di vòlibòl femenino ku e wikènt aki a kompetí den e di promé buèlta pa klasifikashon Mundial den Grupo A na St.Croix, US Virgin Islands despues di a gana di tantu Turks and Caicos komo Barbados ku skor konvisente di 3-0 ayera no a tene kompashon ku e ekipo di kas i a derotanan tambe ku skor di 3-0.

E selekshon di Kòrsou den e serie aki a hunga tremendo vòlibòl i tabata superior na su kontrinkantenan. Djasabra anochi e seksteto di Turks and Caicos a sufri un derota di 3-0 ku parsialnan di 25-9,25-7,25-4 na man di nos selekshon.

Djadumingu mainta nos selekshon siguiendo ku su racha viktorioso a derota e selekshon nashonal di Barbados ku skor di 3-0 parsialnan di 25-11, 25-21, 25-14. E úniko set ku Barbados e duna resistensia tabata den e di dos set.

Den e final di e promé buèlta nos selekshon nashonal a pone su igual di US Virgin Islands tambe un banda ku skor di 3-0 i asina terminá nan promé kompromiso den e klasifikashon mundial 2018 ku un rèkert di 9 sèt ganá i sero sèt pèrdí.

Ku e viktoria aki nos selekshon nashonal otro aña na yüli lo pasa pa e rònt di Norceca pa hunga e di di dos buèlta di e klasifikashon pa mundial. Esaki lo tuma lugá na Jamaica.

Aparte di e viktoria aki nos selekshon a bari ku 7 premio individual.

Ghislaine St.Hilaire a sali Best opposite; Samira Luis komo e Best Digger; Christine Anthony ku 5 premio, Best Receiver, Best Spiker, Best Server, Best Scorer i ela sali tambe e MVP di e torneo.

E selekshon nashonal ta yega djamars dia 9 di ougùstùs 14:15 via Miami for di St.Croix, Virgin Islands.

Federashon di vòlibòl Kòrsou ta orguyoso di e prestashon di e selekshon aki I ta pidi tur fanátiko di vòlibòl pa bai risibí e hóbennan aki na nan yegada djamars awor.

Facebook Twitter Instagram Youtube
© 2024 Deporte Awe. Tur derechi reservá. Diseñá pa E² Media