Category: Otro

Posted on

Prestigioso proyekto di FDDK ta drenta último fase

WILLEMSTAD — Djaweps último, dia 4 di ougùstùs, e prestigioso proyekto di FDDK “Pedagogia Deportivo” a avansá pa su último fase ora ku ofisialmente a introdusí e tres trainernan aspirante di Kòrsou pa ku e proyekto aki.

E proyekto “Pedagogia Deportivo” ta enserá ku dosentenan lokal ku tin nivel di HBO kombiná ku instruktor nivel MBO lo sigui un kurso di pedagogia konhunto partí na dos nivel. E meta prinsipal siendo un kapasitashon di e dosentenan nivel HBO pa den futuro nan mes duna e kurso riba nivel lokal i paralelo na esaki un kurso ku e meta pa sertifiká algun hóben instruktor di deporte ku ya kaba tin nan sertifikado nivel MBO di entre otro CIOS i CDC.

Ku e sertifikado di pedagogia aki e instruktornan nivel MBO por asistí den lès di edukashon físiko den skolnan di enseñansa di fundeshi.

FDDK ya pa vários tempu aktivamente ta propagandá kapasitashon di instruktornan ku e asina yamá “Sport Pedagogisch Getuigschrift” pa asina entre otro, halsa e nivel na spesífiko enseñansa di fundeshi pero tambe pa kumpli ku rekisito legal pa por duna lès independiente di deporte i moveshon.

Despues di un periodo di aklimatisashon kòrtiko pa e dosentenan kubano e kurso intensivo “Pedagogia Deportivo” di tres luna lo kuminsá ofisialmente den luna di ougùstùs aki.

FDDK ta spera ku a largo plaso su inisiativa i aporte pa halsa nivel di formashon deportivo pa en partikular e hubentut den enseñansa di fundeshi, lo tin un futuro “spin off” positivo.

Dor di un formashon pedagógiko mas fuerte e futuro dosentenan por logra diferente efekto positivo riba diferente tereno, entre otro riba aktuashon sosial, salubridat públiko (en partikular e guera kontra obesitas) pero tambe riba nos prestashon deportivo internashonal en general. E proyekto aki ta wòrdu finansiá pa Fundashon Konstruí Awe i Mayan.

FDDK su meta final ta pa trese kambio den nos struktura di edukashon físiko ku ta kompletamente destrosá. Edukashon físiko ta base di nos deporte!

Riba potrèt por mira drektor di FDDK, sr. Thakai Doran huntu ku e tres futuro dosentenan Laennon Rumay, Clinton Phelipa i Corgelino Djaoen, akompañá pa managernan Willy “Junny” Harms i Naïsha Santiago di FDDK.

Posted on

Selekshon Femenino di volibol ta sali awe djabierne pa US Virgin Islands

WILLEMSTAD — Djabierne, 5 di ougustus 2016 den oranan tempran di mainta, e selekshon di volibol femenino lo biaha pa St.Croix, US Virgin Islands, pa partisipa den e prome buelta pa klasifikashon mundial di volibol femenino 2018.

E klasifikashon ta start dia 6 di ougustus i lo termina dia 8 di ougustus 2016 .

E selekshon nashonal lo kompeti huntu ku US Virgin Islands, Turks and Caicos i Barbados den Grupo A.

E selekshonnan ku termina na e prome I di dos luga lo gana nan pase pa e sigiente buelta ku lo tuma luga juli 2017 na Trinidad and Tobago.

E sigiente hungadornan lo biaha ku e selekshon:

Maya Gomez, Shurdelys Meulens, Joanne Dania, Rayanalies Allee, Ghislaine St.Hilaire, Vyrvienne Bokshoven, Anais Conradus, Samira Luis, Christine Anthony, Anazuheilin Stella, Sharneska Esclodina, Shendeline Hansen.

E coach di e selekshon ta Hubert Petronia, asisti pa Rigoletto Thode. Jossanne Rosario ta e hefe di delegashon. Komo arbitro lo biaha Urly Cornelia.

Federashon di volibol korsou ta desea nos selekshon tur klase di eksito den e partidonan pa klasifikashon.

Posted on

RKS Back To School

WILLEMSTAD — FAC i su Komishon Organisadó despues di a organisá e último evenementu di Ronde Klip Shootout na mei último ta bai kontinuá ku e siguiente kareda pa puntuashon djasabra 6 di ougùstùs próksimo na Curaçao International Raceway.

Tambe durante e anochi di djasabra awor, aki lo bai tin e outo i motosaikel nan ta bai hasiendo nan tèst nan di preparashon pa asina bai representá Kòrsou na e kareda nan di One Cool Summer 2016 na Palu Marga Speedway na Aruba. Hopi speed ku hopi huma ta bai tin na Ronde Klip.

Despues dje e segundo evento dje aña aki, resultado dje kampionato di kategoria di Street Bracket ku ta kore di 18.00 sekònde pa 14.00:

Lider di RKS pointseries 2016 Street Bracket ku 280 punto ta Julien “Andy” Bonifasio (Toyota Starlet Turbo). 2. David Tannelek (Toyota Starlet Turbo) – 240 punto. 3. Sharnella Martina (Toyota Starlet) – 200 punto. 4. Ethley Martina (Toyota Starlet) – 187 punto. 5. Andyson Juliana (Toyota Starlet Turbo), Marlon Rock (Toyota Starlet Turbo) y Raylaun Ider (Toyota Allteza) – 160 punto.

E resultado dje kampionato di Street E.T. Bike ku ta kore di 11.50 pa mas rápido ta asina aki. Lider di RKS pointseries 2016 Street E.T. Bike Jordianne Freitas Franca “Balachi Racing” (Hayabusa) ku 240 punto. 2. Edburth Broos “SBR” (Hayabusa) – 190 punto. Na di 3 Christopher “Cleo” Soerka di “JCJ Racing” (Hayabusa) – 177 punto. 4. Sigmaro “Maro” Rampenburg “Revolution Racing” (Hayabusa) – 147 punto. 5. Tin empate entre Gerald Allee “Merite Racing” (GSR-1100), Sharlon Poulo “Quart Mile Racing” (Hayabusa), Patrick Isenia “Quart Mile Racing (Hayabusa), Sajid O’Neil “DMR” (Kawazaki ZX-12”) y Jairo Michell “Raising Star” (Hayabusa), – 140 punto.

Heavy Bracket No Box ku ta e outo nan ku ta kore 13.99 pa 8.90. E resultado dje kampionato ta:

Lider di RKS pointseries 2016 Heavy Bracket No Box ta Gino Sprockel ku su Chevy Camaro ku 240 punto 2. Timithy Brigitha ku su “Kaylee” Honda CRX Turbo – 187 punto 3. David Tannelek “Baasbol” Toyota Starlet Turbo i Lisandro Pikeur “El Intruso” Honda Civic Turbo -180 punto. 4. Senthley “Polin/Ninja’” Martina ku “Diablitu” Toyota Starlet Turbo, Otmar Balooche Sr. “Mito Racing” Chevrolet Corvette i Renato Haseth “Mr. Punch Racing” Ford Mustang – 160 punto. 5. Randall Wederfoort “Mr. Punch Racing” Chevrolet Corvette – 157 punto.

Heavy Bracket Box ta aki e outonan di mas hot ku ta e outo nan ku ta kore 11.50 pa 9.20.

Lider di RKS pointseries 2016 Heavy Bracket Box ta Ronald Mendez ku “Purple People Eater” ku 240 punto. 2. Johnny De Poula ku “Don Chema Dragster” ku 227 punto. 3. Virgil Henriquez ku su “Mr. Holley 2” ku 220 punto. 4. Raeshel Maduro ku su “Zembl’é / Ms. Big Nose” ku 200 punto. 5. Shairon Maduro ku su “Not Available Dragster” ku 180 punto.

Djasabra 6 di ougùstùs bar y kushina ta bon di stòk i na un bon preis. Entrada ta via di Kaminda George Willems ántes Bonam weg y ta kosta Naf. 10,= pa adulto i mucha bou di 12 aña ta paga Naf. 5,=.

Danki ta bai na Universal Motor ku outo nan Kia, ARPO Body shop, EMS Dyno, Kuzeta ku Shell Helix, AVF Antiliaanse Verf Fabriek, Star Motors, Curoil, Monster, Napa Auto & Truck Parts, Alcolado Glasial, IEPA Agencies ku LS2300 y Scarlet Internet.

Posted on

Resultado Liga 40 Komersial Soshal

WILLEMSTAD — Liga 40 Komersial Soshal 2016 Ta den Full Swing ketu bai, niun team no ke baha kabes pa otro wega fanatikonan por a presensia bon bataya riba tereno entre e ekipo na Suvekball Park.

Resultado Djamars 26 di Juli 2016:

E ekipo di Renassaince ta knock-out e ekipo di Building Depot ku score di 19 – 8

Pitcher Ganado pa e ekipo di Renassaince a resulta Ifterio Hooi

Renassaince: 15 Hit I 3 Error

Miho na bate Marco Girigorie 4-3

Pitcher Perdedo pa e ekipo di Building Depot a resulta Gilbert Santiroma.

Centrum : 9 Hit I 7 Error

Miho na bate R. Ferrero di 3-3

Resultado Djabierne 29 di Yuli 2016:

E Prome (1) Enkuentro entre DOK I SV Quick ‘60

E ekipo di Dok ta ganae ekipo di SV Quick ’60 ku skor di 25 – 8 .

Pitcher Ganado pa e ekipo DOK ta Oscar Brunken

Dok ku un total di 21 Hit I 2 Error

Miho na bate a resulta di ta Riangelo Isidora 3-3, Raylison Cordilia 1-1, Oscar Brunken 3-3

Jason Naldijk, Gillione Pikerie, Taffarie Bucharan, Riangelo Isidora Tur 4 ku 1 Home Run

Picher perdedo pa e ekipo di SV Quick’60 ta Erickson Statie

SV Quick ‘60 ku un total di 9 Hit I 5 Error.

Miho na bate ta Erickson Statie 1-1

 

Den e di dos (2) Enkuentro entre EWT Plus Coed I Quick/Ennia Coed

E ekipo di Quick/Ennia Coed ta laga EWT Plus Coed den Terenot ku skor di 9-8

Pitcher Ganado pa e ekipo di Quick/Ennia Coed ta Windelin Lindenberg

Quick/Ennia Coed ku 12 Hit I 4 Error.

Miho na bate a resulta di ta Derviore Emerenciana 3-2, Jourdinay Wedefoort 3-2, Stephany Elsbeth 3-2

Picher perdedo pa e ekipo di EWT Plus Coed ta Egbert Martis

EWT Plus Coed ku 12 Hit I 3 Error

Miho na bate ta Sukino Sadji 3-3

Resultado Djasabra 30 di Yuli 2016:

E ekipo di BearingPoint ta Gana e ekipo di Meo Bears ku skor di 6-4

Pitcher Ganado pa e ekipo di BearingPoint Ephrem Ocalia

Bearing Point ku 8 Hit I 4 Error

Miho bate a resulta di ta Ruendi Isei 3-2, Jasin De Windt 1-1

Ruwendi Isei ku 1 Home Run

Pitcher Perdedo pa e ekipo di Meo Bears ta Everon Sargio

Miho na bate Angelo Ignatia 3-2

Quencey Cornelis ku 1 Home Run
Enkuentro entre APC/ICTUAL/IT – The Reserves

E ekipo di The APC/Ictual/IT ta gana e ekipo di The Reserves ku score di 15 – 11

Pitcher Ganado pa e ekipo di APC/Ictual /IT ta Marlon Christiaan

BearingPoint ku 16 Hit I 4 Error.

Miho na bate a resulta di ta Sjagbar Martis 4-4, Idelgo Imperator 2-2, Marlon Christiaan 1-1

Stephen Winklaar I Sjagbar Martis ambos ku 1 Home Run

Picher perdedo pa e ekipo di The Reserves ta Roderick Allee

The Reserves ku 17 Hit I 3 Error

Miho na bate pa e ekipo di The Reserves ta Clayton Ignesia 1-1, Madison Candelaria 2-2
Resultado Kuater (4) enkuentro Djadumindu 31 di Yuli 2016:

Prome (1) Enkuentro entre Coca Cola – EWT e ekipo di EWT/ Sam Ship ta knock-out Coca Cola ku skor di 12 – 2

Pitcher Ganado pa e ekipo di EWT / Sam Ship ta Egbert Martis

EWT / Sam Ship ku 13 Hit I 1 Error

Miho bate a resulta di ta Sendrick Martha 3-3, Dwight Alexander 2-2, Urshen Nocento 3-3

Dwight Alexander ku 1 Home Run

Pitcher Perdedo pa e ekipo di Coca Cola ta Curthley Willems

Coca Cola ku 7 Hit I 4 Error.

Miho na bate pa e ekipo di Coca Cola Chelo Martis 2-2
Di dos (2) Enkuentro entre Smith & Nephew – Insel Air

E ekipo Smith & Nephew ta gana e ekipo di Fraal/CSS/Security ku score di 11-10

Pitcher Ganado pa e ekipo di Smith & Nephew Arthley Van Uytrecht.

Smith & Nephew ku 9 Hit I 5 Error

Miho na bate a resulta di ta Arthley Van Uytrecht 3-2

Picher perdedo pa Insel Air ta Jorge Luis Sulbaran

Insel Air ku 12 Hit I 4 Error

Miho na bate pa e ekipo di Insel Air ta Haycith Cijntje 2-2

Hillard Cijntje I Ensley Schoop ambos ku 1 Home Run
Di Tres (3) Enkuentro entre e ekipo di Petro Socios – Mc. Donalds

E Ekipo di Petro Socios ta perde pa Default
Di Kuater (4) enkuentro entre e ekipo di Dobbel Play – SV Quick’60

E Ekipo di SV Quick ‘60 ta gana ekipo di Dobble Play ku score di 9 – 8

Pitcher Ganado pa e ekipo di SV Quick ’60 ta Erickson Statie

SV Quick ‘60 ku 10 Hit I 4 Error.

Miho na bate a resulta di ta Temesh Lourens 3-3, Christopher Hersilia 1-1, Russel Markes 2-2

Temesh Lourens ku 1 Home Run

Picher perdedo pa e ekipo di Dobble Play Raymirel Hosepha

Dobble Play ku 11 Hit I 1 Error

Miho na bate pa e ekipo di Dobble Play Mirielo Balentien 2-2, Faisel Zimmerman 2-2

Mirielo Balentien ku 2 Home Run, Jason Benito ku 1 Home Run

Wega nan lo sigui na Suvek Ball Park, Fanatiko nan di Softball boso tur ta keda kordialmente invita pa presensia e enkuentro nan di e siman aki. Bar I Kushina Manera Semper lo ta Bon Surti.
Dajbierne

8/5/2016 8:00 PM Kooyman Hisa Buta v.s. Renassaince

8/5/2016 9:30 PM Building Depot v.s. SULCA SUVEK A

Djasabra

8/6/2016 10:30 AM APC / ICTAUL / IT v.s. Smith & Nephew

8/6/2016 10:30 AM Insel Air v.s. The Reserves

Djadumingu

8/7/2016 10:30 AM The Trader v.s. Wenman

8/7/2016 12:00 PM MEO Bears v.s. Fraal CSS Security

8/7/2016 1:30 PM Coca Cola v.s. Centrum

8/7/2016 3:00 PM Wild Dogs v.s. DOK

8/7/2016 4:30 PM Polis v.s. BearingPoint

Posted on

Fakansiplan 2016 di FDDK tabata un éksito!

WILLEMSTAD — Manera ta ampliamente konosí, djaweps tras di lomba tabata e último dia di e fakansiplan di FDDK; un fakansi plan ku mester bisa tabata eksitoso! Durante di e 6 dianan a hasi konteo, kua a hiba na un total di 14.090 persona ku a bishitá fakansi ku deporte na SDK. Aparte di algun akontesimentu ku a tuma lugá pafó di e kompleho deportivo momentu ku ya e evento a terminá, e evento a kana bon sin mayor insidente.

E fakansi plan ta un di e proyektonan di mas grandi di FDDK, unda 90 boluntario huntu ku personal ta traha pa ofresé nos komunidat, nos muchanan un distrakshon den temporada di fakansi; un proyekto ku ta rekerí hopi tempu di preparashon i tambe tin hopi gastunan finansiero.

FDDK ta sumamente agradesí na UTS, MCB i Refineria Isla kendenan huntu ku gobièrnu di Kòrsou a yuda hasi e proyekto aki un biaha mas posibel.

Gerensia di FDDK ta ekstendé un palabra di gratitut tambe na VKC, Securitas, Pinedoe Security, Rode Kruis, medionan di komunikashon, nos boluntarionan, personal i tur otro persona i/òf instansha ku a yuda na éksito di e proyekto aki.

Na esnan ku no a logra yena e enkuesta, tin oportunidat pa partisipá ainda. Por subi riba e página di Facebook, www.facebook.com/deportekorsou, i yena esaki. Djaluna dia 8 di ougùstùs lo anunsiá e ganadó!

Posted on

Liga 40 Komersial Sosial 2016

WILLEMSTAD — Despues di a kanselá nos wega nan pa motibu di awa seru, nos a adaptá nos schedule i wega nan ta sigui normal na Suvek.

Seguidamente resultado di e enkuentro nan di e siman tras di lomba

Resultado Djawebs 21 di Yuli 2016  :

Enkuentro entre e ekipo di EWT I Centrum.

EWT ta Gana Centrum  ku score di 16 – 0

Pitcher Ganado pa e ekipo di EWT a resulta Egbert Martis.

EWT : 13 Hit I  3 Error

Miho na bate Judrick Martha di 3-3

Judrick Martha ku 1 Home Run

Pitcher Perdedo pa e ekipo di Centrum a resulta Melvin Muzo.

Centrum : 4 Hit I 5 Error

Miho na bate Raychel Lopez di 2-2

 

Resultado Djabierne 22 di Yuli 2016 :

E Prome (1) Enkuentro entre Polis I Insel Air

E ekipo di Insel Air ta knock-Out e ekipo di Polis den di 5 inning  ku skor di 20 – 5 .

Pitcher Ganado pa e ekipo di Insel Air ta Gilberto De la Paz.

Insel Air ku un total di 16 Hit I 3 Error

Miho na bate a resulta di ta Hensley Schoop 3-3,Jorge Luis Sulbaran 3-3, Ryan Monk 2-2, Nurison Leonora 4-3

Nurrison Leonora ku 3 Home Run, Hensley Schoop ku 1 Home Run

Picher perdedo pa e ekipo di Polis ta Geralton Martha

Polis ku un total di  4 Hit I 3 Error.

Miho na bate ta Jurick Floranus 2-2

Jurick Floranus ku 1 Home Run

 

Den e di dos (2) Enkuentro entre EWT Plus Coed I SVB Coed

E ekipo di SVB Coed ta laga EWT Plus Coed den Terenot ku skor di 9-7

Pitcher Ganado pa e ekipo di SVB Coed ta Gilford Schmidt

SVB Coed ku 9 Hit I 4 Error.

Miho na bate a resulta di ta Shahim Martina 1-1,Richinel Josepha 1-1,–Zachery Martina 1-1, Valentina Andreuws 1-1

Picher perdedo pa e ekipo di EWT Plus Coed ta Egbert Martis

EWT Plus Coed ku 8 Hit I 6 Error

Miho na bate ta Urshen Nosento 1-1, Suelianne Anthony 1-1, Loeyendra Valentijn 3-2

Tahelis Casimirie ku 1 Home Run den Tereno

 

Resultado Djasabra 23 di Yuli 2016

Enkuentro entre Mc. Donalds I S.V. Quick 60

E ekipo di Mc. Donalds ta Knock-Out e ekipo di SV Quick ’60 den di 5 inning  skor di 14-3

Pitcher Ganado pa e ekipo di Mc. Donalds ta Radjin Polonia

Mc. Donalds ku 16 Hit I 2 Error

Miho bate a resulta di ta Albertico Hart 3-3, Maikel Pineda 4-3, Mengavio begina 4-3

Pitcher Perdedo pa e ekipo di S.V. Quick ‘60 ta Luigi Prince.

Miho na bate Jair Quandt 2-2

Gabriel Kirindongo ku 1 Home Run

 

Enkuentro entre BearingPoint – APC/ICTUAL/IT

E ekipo di The APC/Ictual/IT ta gana e ekipo di APC/ICTUAL/IT ku score di 15 – 6

Pitcher Ganado pa e ekipo di BearingPoint ta Rignald Kleimoedig

BearingPoint ku 18 Hit I 3 Error.

Miho na bate a resulta di ta Ruendy Isei 3 – 2  , Edward Felix 3-2, Ephrem Ocalia 4-3, Marijn Van Straaten 4-3

Ruendy Isei ku 1 Home Run den Tereno

Picher perdedo pa e ekipo di APC/ICTUAL/IT  ta Carlos Bethancourt

APC/ICTUAL/IT ku 9 Hit I 4 Error

Miho na bate pa e ekipo di APC/ICTUAL/IT  ta carlos Bethancourt 1-1

 

Resultado Kuater (4) enkuentro Djadumindu 24 di Yuli 2016:

Prome (1) Enkuentro entre Refineria Isla I Omni ST

e ekipo di Refineria Isla ta gana e ekipo di Omni St ku skor di 13 – 4

Pitcher Ganado pa e ekipo di Refineria Isla ta Jeremiah Wansing

Refineria Isla ku 18 Hit I 4 Error

Miho bate a resulta di ta Jeremiah Wansing di 3-3

Gerson Adamus,Jeandino Kleinmoedig, Jeremiah Wansing tur  ku 1 Home Run

Pitcher Perdedo pa e ekipo di Omni St ta Erdrick Duggan

Omni St ku 8 Hit I 1 Error.

Miho na bate pa e ekipo di Omni ST Jurchan Meulens 3-2

Riel King ku 1 Home Run

 

Di dos (2) Enkuentro entre Smith & Nephew I Fraal/CSS/Security

E ekipo Smith & Nephew ta gana e ekipo di Fraal/CSS/Security  ku score di 14-10

Pitcher Ganado pa e ekipo di Smith & Nephew  Arthley Van Uytrecht.

Smith & Nephew ku 19 Hit I 3 Error

Miho na bate a resulta di ta Seebert Leito di 3-3 , Nathan Vos 4-4, Arthley Van Uytrecht 2-2, Robert Wanga 2-2, Camiel Clemens 2-2

Picher perdedo pa Fraal/CSS/Security ta Francisco Freitas

Fraal/CSS/Security ku 10 Hit I 2 Error

Miho na bate pa e ekipo di Fraal/CSS/Security Carlos Leito 3-3, Francisco Freitas 1-1

Carlos Leito I Anthony Pujols ambos ku 1 Home Run

 

Di Tres (3) Enkuentro entre e ekipo di Wenman I Petro Socios

Despues di tremendo bataya kua bai over na Ty Break Rule e ekipo di Wenman ta laga e Ekipo di Petro Socios den tereno ku score di 15 – 14

Pitcher Ganado pa e ekipo di Wenman Patrick Raven

Wenman ku 20 Hit I 2 Error.

Miho na bate a resulta di ta Rimar Doran 5-4, Remses Jacobus 5-4

Filogen Matheu I Remses Jacobus ambos ku 1 home run

Picher perdedo pa e ekipo di Petro Socios ta Obduliuo Hernandez

Petro Socios ku 16 Hit I 6 Error

Miho na bate pa e ekipo di Petro Socios ta Obdulio Hernandez di 3-3

Eduardo Amaya, Jose Peroza, Antonio Linarez, Jeandrick Sille tur  ku 1 Home Run

 

Di Kuater (4) enkuentro entre e ekipo di Kooyman Hisa Buta I Coca Cola

E Ekipo di Kooyman Hisa Buta ta gana ekipo di Coca Cola ku score di 8 – 5

Pitcher Ganado pa e ekipo di Kooyman Hisa Buta ta Etrickson Eugenia

Kooyman Hisa Buta ku 10 Hit I 0 Erros.

Miho na bate a resulta di ta Xioramoy Brigitha 1-1, Karim Felicia 31

Picher perdedo pa e ekipo di Coca Cola ta Rudy Rosa

Coca Cola ku 11 Hit I 1 Error

Miho na bate pa e ekipo di Coca Cola ta Jairo Milaria 3-3,

 

Wega nan lo sigui na Suvek Ball Park, Fanatiko nan di Softball boso tur ta keda kordialmente invita pa presensia e enkuentro nan di e siman aki. Bar I Kushina Manera Semper lo ta Bon Surti.

Djabierne

7/29/2016 8:00 PM DOK v.s.S.V.Quick’60

7/29/2016 9:30 PM EWT Plus coed v.s. Quick/Ennia coed

Djasabra

7/30/2016 10:30 AM MEO Bears v.s. BearingPoint

7/30/2016 10:30 AM APC / ICTAUL / IT v.s. The Reserves

Djadumingu

7/31/2016 10:30 AM Coca Cola v.s. EWT

7/31/2016 12:00 PM Smith & Nephew v.s.  Insel Air

7/31/2016 3:00 PM Petro-Socios v.s. Mc Donalds

7/31/2016 4:30 PM Dobble Play  v.s. S.V.Quick’60

Posted on

Jean-Mark Welvaart na di 6 lugá den Kampionato Mundial di Domino

WILLEMSTAD/FLORIDA — Durante fin di siman tras di lomba, un selekshon di hungadónan di dominó di Kòrsou, a partisipá na e XIII World Domino Championship, ku a tuma lugá na Orlando den Disney’s Coronado Springs Resort. Jean-Mark Welvaart a finalisá na di 6 lugá den kategoria individual

XIV World Domino Championship lo ta na Kòrsou

Mester remarká ku otro gran notisia ta e echo ku e siguiente mundial di dominó, ku ta e XIIII World Domino Championship, lo tuma lugá aki na Kòrsou. Esaki sigur lo ta un tremendo oportunidat pa Kòrsou mirando e kantidat di partisipantenan ku ta asistí na e mundial aki.

Posted on

EDISHON 46 DI CARIFTA GAMES NA KÒRSOU APREL 2017

WILLEMSTAD — E evento deportivo CARIFTA GAMES 2017 ta tuma lugá otro aña na Kòrsou i ta wòrdu organisá dor di e fundashon Stichting Organisatie Atletiek Evenementen (StOA). Anualmente e kompetensia regional aki ta tuma lugá den e wikènt di Pasku di resurekshon, riba un di e islanan den Karibe kaminda otro aña Kòrsou lo toka turno di esaki.

E evento ta un kampeonato di atletismo, ku a wòrdu lanta pa fortifiká e relashon entre e islanan karibense, habla ingles. Despues ela wòrdu amplia na esunnan habla franses i hulandes. Jamaica ta e pais ku mas tantu medaya, i te ku e dia di awe Usain Bolt tin e rekòr riba 200 meter. Kòrsou te ainda a logra di gana 1 medaya di plata i 3 di bròns.

E evento ta dura tres dia i tin sigur 150 evento, kaminda tin dos kategoria pa mucha hòmber i mucha muhé: U17 i U20.

Federashon di atletismo (C.A.B) i StOA ta preparando for di aña 2015 i ta orguyoso di por partisipá ku e preparashonnan ta kanando satisfaktorio. Durante e dianan 15,16 i 17 de apreel 2017 Kòrsou ta e sede di e evento aki. “E progreso di e preparashonnan ta positivo, espesialmente mirando e gran kantidat di hende i kompania ku a mustra interes di sostené e evento aki”, segun presidente di StOA, señor Igor Cyntje. “Nos ke gradisí tur hende ku ya kaba ta yudando nos ku e preparashonnan di e e organisashon”.

E preparashonnan na e momentu aki ta trata e akomodashon, sponsoring, komunikashon, buskamentu di boluntario i tur sobra pa tin un organisashon optimal pa e atletanan prometedor di region, i tambe di nos mes lokal.

E CARIFTA Games ta hunga un ròl esensial den e desaroyo di atletismo, e madre di deporte. Fuera di e interakshon sosial, hóben tambe ta krea un pashon pa edukashon físiko, i prestashon riba nivel deportivo. Edukashon i formashon ta metanan duradero ku deporte por duna hóben pa nan futuro.

Mirando e popularidat regional di CARIFTA GAMES, por antisipá riba un empuhe positivo di nos ekonomia i tambe imágen den Caribe. Gobièrnu ya kaba a duna di konosé di ta para tras di e evento aki. Kompanianan tambe a wòrdu aserka pa nan sosten na e evento aki. Pa ku esaki, tin diferente pakete di patrosinador ku eksposure tantu lokal komo regional. Kompanianan ku interes por manda un e-mail na marketing@carifta2017.com.

Posted on

Fakansiplan di FDDK ta ranka sali ku kantidat rèkòrt di 1969 bishitante

WILLEMSTAD — Djamars 19 di yüli tabata e promé dia di e tan gustá fakansiplan anual di FDDK na SDK. Esaki a kuminsá ku e parti ofisial, unda despues di duna honor na nos himno, Pastor Morisson a duna su bendishon, siguí pa palabranan di partnernan MCB, Refineria di Kòrsou, UTS i mas ku klaro, direktor di FDDK.

E promé dia sin duda a resultá un éksito, kibrando su mes rèkòrt di asistensia riba e promé dia kua a konta pa promé biaha ku un kantidat di 1969 bishitante den SDK, di kua apenas 272 tabata adulto!

FDDK ta sumamente kontentu ku e sifra aki, i ta spera mes òf mas tantu bishitante pa e siguiente 5 dianan restante di fakansiplan.

Riba e página di Facebook, www.facebook.com/DeporteKorsou, por haña mas demas informashon di e fakansi plan.

Posted on

FDDK ta kla pa su fakansi-plan anual

WILLEMSTAD — Un di e aktividatnan mas grandi i mas gustá di FDDK ta su fakansiplan anual. Den pasado e aktividat aki tabata tuma lugá durante di 9 dia repartí den tres siman den luna di yüli i ta hasi uso di hinter e kompleho deportivo Sentro Deportivo Kòrsou, SDK. Na 2015, a registrá kasi 21.000 partisipante!

E aña aki, pa motibunan ya konosí, FDDK a hañ’e ta kòrta den e dianan di su fakansiplan di 9 pa 6 dia, kuanan ta 19, 20, 21, 26, 27 i 28 di yüli di 9’or di mainta pa 1’or di mèrdia.

E dianan aki lo ta kargá ku entretenimentu pa nos muchanan, inkluyendo facepainting, bouncers, hopi disiplina di deporte i pa promé biaha, un sekshon di gòlf, boogschieten, hindernisbaan, ninichi i tambe outo di remote control.

Djabièrnè último gerensia di FDDK a tèst e sekshon nobo aki pa tin sigur ku tur kos ta funshoná manera mester ta, i mas aún, ta kumpli ku reglanan di seguridat pa nos muchanan.

FDDK ta gradisí su partnernan, Gobièrnu di Kòrsou, Chippie, MCB i Refineria Isla, pa yuda hasi e magno evento aki posibel, i ta warda nos muchanan di 6 pa 16 aña for di djamars awor 9’or di mainta pa disfrutá di fakansi ku deporte!

Riba e página di Facebook, www.facebook.com/DeporteKorsou, por haña mas detaye di e fakansi plan.

Facebook Twitter Instagram Youtube
© 2024 Deporte Awe. Tur derechi reservá. Diseñá pa E² Media