Menu
Kon pa manda notisia i material konfidensial pa nos periodistanan
Bo tin un tep of material sensitivo ku bo ke kompartí ku Deporte Awe? Nos ta ofresé diferente manera pa kontaktá nos periodistanan.
Regularmente nos ta revisá lo ke keda someté, pero paso nos ta risibí un gran kantidat, nos no por respondé of investigá tur tep.
Pa komunikado di prensa hasi uso di e formulario na final di e paginá aki of manda esakinan na notisia@deporteawe.com. No usa e kanalnan aki bou pa komunikado di prensa.
Kiko ta un bon tip
Un bo tep ta konsistí di diferente komponente. Dokumentashon of evidensia ta esensial. Spekulashon no ta subi na e nivel di un tep. Un bon tep notisioso mester artikulá klaramente un problema. Ta spesífiko. Finalmente, e tep mester ta notisioso. Tepnan mester ta di interes periodístiko, kier men nan mester konserní problemanan sistemiko ku ta aktual i di interes públiko amplio.
Ehèmpel di un bon tep:
Ata evidensia ku un representante deportivo ta kibrando ku lei.
Ata prueba ku e organisashon deportivo aki ta traha di forma no étiko.
Promé bo tuma kontakto
Kòrda ku no tin ningun método ku ta kompletamente sigur i e medidanan ku bo tin ku tuma ta dependé riba kuantu anonimidat bo mester. Promé usa kualke un di e aplikashonnan of métodonan aki, konsiderá tuma algun medida di prekoushon èkstra, inkluso: konsiderá si bo netwerk ku bo ta usa por wòrdu usa pa identifiká abo of bo aktividat; usa un “web browser” of “operating system” sigur; kita opshonnan ku ta warda bo informashonnan riba servisionan di “cloud”; i evitá di usa kuentanan of ekiponan mara na bo nòmber, email of number di telefòn.
Freedom of the Press Foundation (FPF) ta ofresé guia mas detayá dirigí riba mantenshon di privasidat i anonimidat.
Email regular ta kumbiniente pero no sigur. No usa email regular si bo informashon ta sensitivo of si bo ta prekupa pa algun hende sa kubo ta un fuente.
Pa tepnan sensitivo, bo por manda email “encrypted” ku Pretty Good Privacy (PGP). Tene kuenta ku miéntras e kontenido di email ta “encrypted” ku PGP, metadata – manera informashon di ken a manda e email of risibi’e, orario i tema – no ta “encrypted”. Kòrda ku hopi provedor di email ta warda bo mensahenan te ora bo instruí diferente.
Diferente ekstenshon di browser, manera Mailvelope, Enigmail i Flowcrypt, ta hasi fasil pa usa PGP ku provedornan di email eksistente, manera Gmail. Bo por usa tambe ProtonMail, un provedor di email ku ta usa PGP.
Pa anonimidat adishonal, krea un email adrès dediká pa komuniká ku nos.
Email adrès: tips@deporteawe.com
ProtonMail adrès: deporteawe.tips@protonmail.com
Yabi públiko: 259A 10E6 C6DA DD05 0F36 B5B1 6DC6 0EED 579B 6E07
Signal
Signal ta un aplikashon (app) gratis ku ta laga usadónan traha i manda yamadanan sigur i mensahe di teksto, imagen i video ku ta destruí su mes despues di tempu. E protokòl di Signal ta “end-to-end encrypted”, loke ta nifiká ku solamente esun ku a manda i e resipiente por aksesa e kòmbersashon. Signal ta warda algun informashon di bo, inkluso bo number di telefòn, ki dia bo a suskribí i ki dia bo tabata ultimo aktivo, pero e no ta warda metadata di bo komunikashonnan. Si bo no konfigura Signal pa destruí bo mensahenan e ta warda esakinan outomátikamente.
Pa anonimidat adishonal, konsiderá un number di telefòn dediká pa usa ku Signal. Bo por hasi esaki pa medio di diferente servisio, manera Google Voice, Skype of Twilio, of bo por kumpra un SIM card adishonal.
Number: +1 (571) 306-0866
WhatsApp ta un app ku ta sigurá yamada i mensahe di teksto usando “end-to-end encryption” i ta lagabu kita mensahe ku bo a manda asta despues ku e a wòrdu lesa. Doño di e app ta Meta, ku tambe ta doño di Facebook i Instagram, i ta retené un kantidat signifikativo di metadata riba bo kòmbersashon. Sin embargo, Whatsapp ta bisa ku nan, ni tampoko otronan, por mira kòmbersashonnan priva di usadónan.
Pa anonimidat adishonal, konsiderá un number di telefòn dediká pa usa ku Signal. Bo por hasi esaki pa medio di diferente servisio, manera Google Voice, Skype of Twilio, of bo por kumpra un SIM card adishonal.
Number: +1 (571) 306-0866